كەشە پرەمەر-مينيستر كارىم ءماسىموۆ قىسقا مەرزىمدىك جۇمىس ساپارىمەن قاراعاندىدا بولدى. ۇكىمەت باسشىسى پرەزيدەنت نۇرسۇلتان نازارباەۆتىڭ جارلىعىنا سايكەس سەرىك احمەتوۆتىڭ وبلىس اكىمى بولىپ قايتا تاعايىندالعانىن ءمالىمدەدى.
س.احمەتوۆ وبلىستىق ءماسليحات دەپۋتاتتارىنىڭ ءبىراۋىزدان قولداۋىنا بايلانىستى جاۋاپتى قىزمەتىن جالعاستىراتىن بولدى. ك.ءماسىموۆ ءوندىرىستى ءوڭىر باسشىسىنىڭ بۇعان دەيىنگى ءىس-قىزمەتىنە وڭ باعا بەرە كەلىپ, ايماقتىڭ ەل ەكونوميكاسىن ودان ءارى كوتەرۋىنە ۇلەستى ءۇلكەيتۋ, تۇرعىنداردىڭ ءال-اۋقاتىن, تۇرمىستىق جاعدايىن جاقسارتۋ جولىنداعى جاڭا ءمىندەتتەردى تۇجىرىمداپ, العا قويدى. ەلباسى بەلگىلەگەن ستراتەگيالىق ماقساتتاردى ورىنداۋ باعىتىندا وتاندىق يندۋستريا قارا شاڭىراعىنىڭ كوشباسشىلىق ءرولىنەن اينىماۋ كەرەكتىگى اتاپ كورسەتىلدى.
وبلىس اكىمى بولىپ قايتا تاعايىندالۋىنا بايلانىستى زور جاۋاپكەرشىلىكتى اقتاۋعا سەرىك احمەتوۆ كۇش-قابىلەتىن ودان سايىن جۇمىلدىرا تۇسەتىندىگىنە سەنىم ءبىلدىردى.
ايقىن نەسىپباي.
قاراعاندى.