قورعانىس مينيسترلىگىنە قاراستى ارميا ورتالىق سپورت كلۋبىنىڭ تاۋ دايىندىعى جانە سپورتتىق باعدارلاۋ جونىندەگى شتاتتىق كوماندانىڭ سپورتشىلارى قر ەڭبەك سىڭىرگەن سپورت شەبەرى, قازاقستاندىق الپينيست, اعا لەيتەنانت ماقسۇت جۇماەۆتىڭ باسشىلىعىمەن ءىىى قىسقى دۇنيەجۇزىلىك اسكەري ويىندارعا قاتىسادى.
الەمنىڭ 26 ەلىنەن بارلىعى 2 000 سپورتشىنىڭ باسىن بىرىكتىرەتىن بۇل جارىس سوچي قالاسىندا وتەدى. جالپى اسكەري سپورتشىلار ءتۇرلى 44 جۇلدە بويىنشا جەكە جانە كوماندالىق جارىستاردا باق سىنايدى, دەپ حابارلايدى قر قورعانىس مينيسترلىگىنىڭ ءباسپاسوز قىزمەتى.
سپورتتىق باعدارلاما 7 سپورت تۇرىنەن تۇرادى. ولار بياتلون, شاڭعى جارىسى, تاۋ شاڭعىسى, شاڭعىدا سپورتتىق باعدارلاۋ, سكي-الپينيزم, ءۇي-جايدىڭ ىشىندە بيىككە ورمەلەۋ, شورت-ترەك. قر قم ارميا ورتالىق سپورت كلۋبىنىڭ سپورتشىلارى الداعى جارىس بويىنشا جوسپارلى دايارلىقتان ءوتتى.
سپورتتىق باعدارلاۋ جونىندەگى كوماندا وقۋ-جاتتىقتىرۋ جيىنىمەن قاتار, قر شاڭعىدا باعدارلاۋ جونىندە اشىق كۋبوكقا قاتىسقان. چەمپيونات بارىسىندا ورتا جانە ۇزاق قاشىقتىقتاعى ارالىقتى ارميا ورتالىق سپورت كلۋبىنىڭ سپورتشىلارى ورتا قاشىقتىقتى باعىندىرۋدا قارسىلاستارىنا ەش مۇمكىندىك قالدىرماستان بارلىق مەدالدەردى جەڭىپ الدى, سونداي-اق ۇزاق قاشىقتىقتا ءبىر «التىن», ەكى «كۇمىس», جانە ءبىر «قولا» جۇلدەگە يە بولدى.
ارميانىڭ ساپىنداعى بيىكتىكتى باعىندىرعاندار دۇنيەجۇزىلىك اسكەري ويىندارىنا قاتىسۋ ءۇشىن كۇشەيتىلگەن دايىندىقتان وتۋدە. استانادا قۇزعا ورمەلەۋدەن قازاقستان كۋبوگىنىڭ ءبىرىنشى كەزەڭى ءوتتى. ناتيجەسى بويىنشا جىلدامدىعى جاعىنان كىشى سەرجانت نيكيتا دەۆياتەريكوۆ 1 ورىن, ال ونىڭ ءىنىسى كىشى سەرجانت ارتەم دەۆياتەريكوۆ ەكىنشى ورىن الدى.