ىستامبۇلدا قازاقستان تاۋەلسىزدىگىنىڭ 25 جىلدىعىنا ارنالعان «تۇركسوي-قازاقستان» كىتابىنىڭ تۇساۋكەسەر ءراسىمى ءوتتى, دەپ جازادى حابار24.
كىتاپ 15 بولىمنەن تۇرادى. وندا نەگىزىنەن قازاق حالقىنىڭ مادەني مۇرالارى مەن ادەت-عۇرىپتارى تۋرالى مول ماعلۇمات بەرىلىپ, ەلىمىزدىڭ تۇركى دۇنيەسىنىڭ ىقپالداسۋىنا قوسقان سۇبەلى ۇلەسى كەڭىنەن باياندالادى. ءوز كەزەگىندە حالىقارالىق ۇيىم قازاقتىڭ اقىن-جازۋشىلارى مەن كومپوزيتورلارىنىڭ شىعارمالارىن كۇللى الەمگە ناسيحاتتاۋدا تالماي ەڭبەك ەتىپ كەلەدى. مىسالى, 2013 جىلى دارىندى كومپوزيتور مۇقان تولەباەۆتىڭ 100 جىلدىعى مەن بىلتىر ايتىس ونەرىنىڭ ءدۇلد ۇلى ءسۇيىنباي ارون ۇلىنىڭ مەرەيتويىن تۇركىتىلدەس مەملەكەتتەر كەڭىنەن اتاپ ءوتتى.