قازاقستاندىق شورت-ترەك شەبەرى ابزال اجىعاليەۆ مينسك قالاسىندا وتكەن الەم كۋبوگى سىنىندا 500 مەترلىك قاشىقتىقتا كۇمىس جۇلدەگە يە بولدى. ءبىزدىڭ كونكيشىمىز جارىس قورىتىندىسىندا 34 433 ۇپاي جينادى. ءبىرىنشى ورىندى 38 001 ۇپايمەن قىتايلىق داتسزين السا, مارە سىزىعىن ءۇشىنشى بولىپ كەسكەن ۆەنگر شاندور ليۋ ءشاوليننىڭ ەنشىسىندە 33 774 ۇپاي بولدى.
ال 1000 مەترلىك سىندا جەرلەسىمىز نۇربەرگەن جۇماعازيەۆ 27 486 ۇپايمەن قولا جۇلدەگە قول جەتكىزدى. بۇل قاشىقتىقتا شاوانگ ليۋ (28 669) ۇزدىك شىقسا, فرانتسۋز تيبو فوكوننە 27 517 ۇپايمەن ەكىنشى بولىپ كەلدى.
ايتا كەتەيىك, مۇنىڭ الدىندا 500 مەتر قاشىقتىقتا ءبىزدىڭ شورت-ترەكشىلەرىمىز دەنيس نيكيشا مەن ابزال اجىعاليەۆ, تيىسىنشە التىن جانە كۇمىس جۇلدە يەگەرلەرى اتانعان بولاتىن.