داريعا نازارباەۆا باستاعان پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ مۇشەلەرى ۇلتتىق ۇلاننىڭ باسشىلىعىمەن كەزدەسىپ, «قازاقستان رەسپۋبليكاسى ۇلتتىق ۇلانىنىڭ 2017-2019 جىلدارعا ارنالعان دامۋ جوسپارىن» تالقىلادى.
كوميتەت ءتورايىمى د.نازارباەۆا مەملەكەتتەگى قوعامدىق قاۋىپسىزدىكتى قامتاماسىز ەتۋدەگى ۇلتتىق ۇلاننىڭ ماڭىزدى ءرولىن اتاپ ءوتتى.
كەزدەسۋدە ۇلتتىق ۇلاننىڭ باس قولباسشىسى رۋسلان جاقسىلىقوۆ نەگىزگى بايانداما جاسادى. ول ۇلتتىق ۇلاندى دامىتۋداعى نەگىزگى باسىمدىقتاردى بەلگىلەدى جانە اسكەردىڭ ماتەريالدىق-تەحنيكالىق جابدىقتالۋى, اسكەري قىزمەتكەرلەردى تۇرعىن ۇيمەن قامتاماسىز ەتۋ ماسەلەلەرىن كوتەردى.
دامۋ جوسپارىندا باسقارۋ ورگاندارىن ودان ءارى جەتىلدىرۋ, باسشىلىق جانە جاۋىنگەرلىك دايارلىق, اسكەري ءبىلىم بەرۋ جانە قارجى شىعىندارىنسىز جوسپارلى تۇردەگى مورالدىق-پسيحولوگيالىق تۇرعىدا قامتاماسىز ەتۋ شارالارى كوزدەلىپ وتىر, دەدى ر.جاقسىلىقوۆ.
سەناتورلار س.جاقسىبەكوۆ, م.التىنباەۆ, ل.قيىنوۆ, گ.كيم كەزدەسۋدە وزەكتى ماسەلەلەرگە توقتالىپ, بىرقاتار ۇسىنىستارىن ورتاعا سالدى, دەپ حابارلادى پارلامەنت سەناتىنىڭ ءباسپاسوز قىزمەتى.