ەكونوميكالىق ءوسىمنىڭ باسەڭدەۋى بيزنەستى ساقتاندىرۋعا تۇرتكى بولۋدا. 2016 جىلى مىندەتتى بيزنەس-ساقتاندىرۋ بويىنشا جينالعان سىياقى كولەمى 25 پايىزعا كۇرت كوتەرىلدى, دەپ جازادى Finprom.kz ساراپتاما قىزمەتى.
ساقتاندىرۋشىلار بيزنەسكە ارنالعان مىندەتتى ساقتاندىرۋ تۇسىمدەرىنىڭ كوبەيگەنىن حابارلايدى. وعان ءبىر سەبەپ كاسىپكەرلىكتەردىڭ كوبەيۋى دە بولۋى مۇمكىن. سونىمەن قاتار, ەكونوميكالىق ءوسىمنىڭ ەندى قالاي بەت الاتىنىنا ناقتى سەنىمنىڭ بولماۋى دا بيزنەسمەندەردى وسىنداي قادامعا اپارىپ وتىر.
2016 جىلدىڭ قاڭتار-جەلتوقسان ارالىعىندا جەكە كاسىپكەرلىكتەر (جك) مەن زاڭدى تۇلعالاردى ساقتاندىرۋدىڭ بارلىق ءتۇرى بويىنشا 43 ملرد تەڭگە ساقتاندىرۋ تولەمدەرى تۇسكەن. بۇل الدىڭعى جىلمەن سالىستىرعاندا 25 پايىزعا ارتىق.
ەسەسىنە ساقتاندىرۋ كومپانيالارىنىڭ بيزنەس ءۇشىن مىندەتتى ساقتاندىرۋ تولەمدەرى ايتارلىقتاي ازايدى. 2016 جىلى ساقتاندىرۋ كومپانيالارىنىڭ مۇنداي شىعىندارى بار بولعانى 5 ملرد تەڭگەنى قۇرادى. بۇل داعدارىستان كەيىنگى ۋاقىتتا ەڭ تومەنگى كورسەتكىش.
ساقتاندىرۋ كومپانيا تولەمدەرىنىڭ ازايۋىنا ءبىرىنشى كەزەكتە ساقتاندىرۋشىلاردىڭ تالاپتارىنىڭ ازايۋى. جىل بويى ساقتاندىرۋ كومپانيالارىنا 4,2 مىڭ تالاپ تۇسكەن. بۇل 2015 جىلعىمەن سالىستىرعاندا 23 پايىز از.