اۋە قوزعالتقىشتارى مەن ەنەرگەتيكالىق قۇرىلعى شىعاراتىن بريتانيالىق Rolls-Royce كومپانياسى 2016 جىلى 4,6 ملرد فۋنت ستەرلينگ (5,7 ملرد دوللار) شىعىنعا ۇشىرادى, دەپ جازادى BBC.
Rolls-Royce كومپانياسىنىڭ بۇلاي شىعىندالۋىنا سەبەپ بولعان "برەكسيت" رەفەرەندۋمىنان كەيىن فۋنت باعامىنىڭ قۇلدىراۋى. ويتكەنى, كەلىسىمنىڭ باسىم بولىگىن كومپانيا دوللارمەن جاساسقان.
وتكەن جىلى اۋە قوزعالتقىشتارىن شىعاراتىن ەۋروپانىڭ ەڭ ءىرى كومپانياسىنىڭ باسى جەمقورلىق داۋىنا قالعانى دا بەلگىلى. كومپانيا الەمنىڭ 12 ەلىندە كەلىسىمشارت جاساۋ ءۇشىن پارا الدى دەپ ايىپتالدى.
2016 جىلى كومپانيا 838 ملن دوللار ايىپپۇل تولەپ, ۇلىبريتانيا مەن اقش اراسىنداعى جەمقورلىق داۋىنا نۇكتە قويعان.
كومپانيا يندونەزيا, تايلاند, ءۇندىستان, رەسەي, نيگەريا, قىتاي مەن مالايزيانىڭ ەنەرگەتيكالىق كومپانيالارىنىڭ باسشىلىعىنا پارا بەرگەنىن مويىندادى. مۇنداي كۇدىك 2012 جىلى تۋىنداعان ەدى.