«سامۇرىق-قازىنا» قورى 2017 جىلدىڭ سوڭىنا دەيىن 23 ءىرى اكتيۆىن ساتۋدى جوسپارلاپ وتىر, دەپ حابارلايدى قوردىڭ ءباسپاسوز قىزمەتى.
«اتاپ ايتقاندا, ءبىرىنشى جارتىجىلدىقتا 12 ءىرى نىسان ساتۋعا شىعارىلماق: «ترانستەلەكوم» اق, «تەگىس مۇناي» جشس, «ەۋرو-ازيا ەير» اق, «ەلەكتروۆوز كۇراستىرۋ زاۋىتى» جشس, «لوكوموتيۆ كۇراستىرۋ زاۋىتى» اق, «تۇلپار-تالگو» جشس, «KTZE-Khorgos Gateway» جشس, «ماڭعىستاۋ ەبك» اق, «شىعىس-قازاقستاندىق اەك» اق, «اقتوبە جەو» اق, «قىزىلتۋ» جشس, KMG International N.V», - دەلىنگەن قوردىڭ فەيسبۋكتاعى رەسمي پاراقشاسىندا.
كومپانيا اقپاراتىنا قاراعاندا, ونىڭ بەسەۋىنە شەتەلدىك ينۆەستورلار قىزىعۋشىلىق بىلدىرۋدە. تاعى 11 اكتيۆ تاۋەلسىز كەڭەسشىلەردىڭ تالداۋىنان ءوتىپ, قر ەكونوميكانى جاڭعىرتۋ جونىندەگى مەملەكەتتىك كوميسسيانىڭ كەلىسىمىنەن كەيىن ساتىلادى.
جالپى جەكەشەلەندىرۋدىڭ 2016-2020 جىلدارعا كەشەندى جوسپارى اياسىندا «سامۇرىق-قازىنا» 215 اكتيۆتى باسەكەلەستىك ورتاعا شىعارادى.