قازاقستان رەسپۋبليكاسى پارلامەنتى سەناتىنىڭ دەپۋتاتى دارحان كالەتاەۆ شانحاي ىنتىماقتاستىق ۇيىمى (شىۇ) ميسسياسىنىڭ قۇرامىندا تۇرىكمەنستاندا وتكەن پرەزيدەنتتىك سايلاۋدى بايقاۋعا قاتىستى, دەپ حابارلادى سەناتتىڭ ءباسپاسوز قىزمەتى.
ميسسيا مۇشەلەرى سايلاۋالدى ۇگىت ناۋقانى مەن ونىڭ بۇقارالىق اقپارات قۇرالدارىندا بەرىلۋ بارىسىمەن تانىستى جانە سايلاۋ كۇنى اشعابات پەن ەل ايماقتارىنداعى سايلاۋ ۋچاسكەلەرىندە بولدى.
شىۇ بايقاۋشىلارى سايلاۋ قورىتىندىسى بويىنشا ازاماتتاردىڭ, ونىڭ ىشىندە جاستاردىڭ كوپ قاتىسقانىن اتاپ ءوتتى. ميسسيا تۇرىكمەنستانداعى پرەزيدەنتتىك سايلاۋ ۇلتتىق زاڭنامالار مەن مەملەكەتتىڭ حالىقارالىق سالاداعى قابىلداعان مىندەتتەمەلەرىنە ساي وتكەنى تۋرالى قورىتىندى جاسادى.
سونىمەن بىرگە, شىۇ وكىلدەرى جەكەلەگەن تەحنيكالىق ولقىلىقتار ۇشىراسقانىن, الايدا, ولاردىڭ سايلاۋشىلاردىڭ تاڭداۋ ناتيجەسىنە اسەرى بولماعانىن حاباردار ەتتى.