2010 جىلعى 31 جەلتوقسان, استانا, ۇكىمەت ءۇيى
كەدەن وداعىنا مۇشە مەملەكەتتەردىڭ اۋماعىنان
قازاقستان رەسپۋبليكاسىنىڭ اۋماعىنا يمپورتتالاتىن, ونەركاسىپتىك قايتا وڭدەۋگە ارنالعان تاۋارلاردىڭ تىزبەسىن جانە كورسەتىلگەن ونەركاسىپتىك قايتا وڭدەۋ كەزىندە الىنعان دايىن ءونىمنىڭ تىزبەسىن, سونداي-اق وسىنداي تاۋارلاردى يمپورتتايتىن قازاقستان رەسپۋبليكاسى سالىق تولەۋشىلەرىنىڭ تىزبەسىن ايقىنداۋ قاعيدالارىن بەكىتۋ تۋرالى
«سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ 2001 جىلعى 12 ماۋسىمداعى كودەكسىنىڭ (سالىق كودەكسى) 249-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان كەدەن وداعىنا مۇشە مەملەكەتتەردىڭ اۋماعىنان قازاقستان رەسپۋبليكاسىنىڭ اۋماعىنا يمپورتتالاتىن, ونەركاسىپتىك قايتا وڭدەۋگە ارنالعان تاۋارلاردىڭ تىزبەسىن جانە كورسەتىلگەن ونەركاسىپتىك قايتا وڭدەۋ كەزىندە الىنعان دايىن ءونىمنىڭ تىزبەسىن, سونداي-اق وسىنداي تاۋارلاردى يمپورتتايتىن قازاقستان رەسپۋبليكاسى سالىق تولەۋشىلەرىنىڭ تىزبەسىن ايقىنداۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2010 جىلعى 31 جەلتوقسانداعى № 1518 قاۋلىسىمەن بەكىتىلگەن
كەدەن وداعىنا مۇشە مەملەكەتتەردىڭ اۋماعىنان قازاقستان رەسپۋبليكاسىنىڭ اۋماعىنا يمپورتتالاتىن, ونەركاسىپتىك قايتا وڭدەۋگە ارنالعان تاۋارلاردىڭ تىزبەسىن جانە كورسەتىلگەن ونەركاسىپتىك قايتا وڭدەۋ كەزىندە الىنعان دايىن ءونىمنىڭ تىزبەسىن, سونداي-اق وسىنداي تاۋارلاردى يمپورتتايتىن قازاقستان رەسپۋبليكاسى سالىق تولەۋشىلەرىنىڭ تىزبەسىن ايقىنداۋ قاعيدالارى
1. جالپى ەرەجەلەر
1. وسى قاعيدا «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ 2001 جىلعى 12 ماۋسىمداعى كودەكسىنىڭ (سالىق كودەكسى) 249-بابىنا سايكەس ازىرلەنگەن جانە كەدەن وداعىنا مۇشە مەملەكەتتەردىڭ اۋماعىنان قازاقستان رەسپۋبليكاسىنىڭ اۋماعىنا يمپورتتالاتىن, ونەركاسىپتىك قايتا وڭدەۋگە ارنالعان تاۋارلاردىڭ تىزبەسىن (بۇدان ءارى – يمپورتتالاتىن تاۋارلار تىزبەسى), كەدەن وداعىنا مۇشە مەملەكەتتەردىڭ اۋماعىنان قازاقستان رەسپۋبليكاسىنىڭ اۋماعىنا يمپورتتالعان تاۋارلاردى ونەركاسىپتىك قايتا وڭدەۋ كەزىندە الىنعان دايىن ءونىمنىڭ تىزبەسىن (بۇدان ءارى – دايىن ونىمدەر تىزبەسى) جانە كەدەن وداعىنا مۇشە مەملەكەتتەردىڭ اۋماعىنان قازاقستان رەسپۋبليكاسىنىڭ اۋماعىنا ونەركاسىپتىك قايتا وڭدەۋگە ارنالعان تاۋارلاردى يمپورتتايتىن سالىق تولەۋشىلەر تىزبەسىن (بۇدان ءارى – سالىق تولەۋشىلەر تىزبەسى) ايقىنداۋ ءتارتىبىن بەلگىلەيدى.
2. وسى قاعيدادا مىناداي ۇعىمدار پايدالانىلادى:
1) ونەركاسىپتىك قايتا وڭدەۋ – تاۋارلاردى (شيكىزاتتى جانە (نەمەسە) ماتەريالداردى) جىكتەۋ كودى كەدەن وداعىنىڭ سىرتقى ەكونوميكالىق قىزمەتىنىڭ بىرىڭعاي تاۋار نومەنكلاتۋراسىنا (بۇدان ءارى – كو سەق تن) سايكەس ولاردى ونەركاسىپتىك قايتا وڭدەۋ ءۇشىن اكەلىنگەن تاۋارلاردىڭ كودىنان وزگەشە كەز كەلگەن ءبىرىنشى ءتورت بەلگىنىڭ دەڭگەيىندە جاڭا تاۋارلاردى الۋ ءۇشىن وندىرىستە پايدالانۋ;
2) ءوتىنىش بەرۋشى – قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن قازاقستان رەسپۋبليكاسىنىڭ اۋماعىندا تىركەلگەن دارا كاسىپكەر نەمەسە زاڭدى تۇلعا;
3) ۋاكىلەتتى ورگان – يندۋستريالىق ساياساتتى رەتتەۋ سالاسىنداعى باسشىلىقتى جۇزەگە اسىراتىن ورتالىق اتقارۋشى ورگان;
4) ۋاكىلەتتى سالالىق ورگان – ءتيىستى سالانى رەتتەۋدى جۇزەگە اسىراتىن مەملەكەتتىك ورگان.
3. يمپورتتالاتىن تاۋارلار, دايىن ونىمدەر جانە سالىق تولەۋشىلەر تىزبەلەرى ۇنەمى جاڭارتىلاتىن نەگىزدە قالىپتاستىرىلادى جانە قازاقستان رەسپۋبليكاسى ۇكىمەتىنىڭ قاۋلىسىمەن بەكىتىلەدى.
4. يمپورتتالاتىن تاۋارلار, دايىن ونىمدەر جانە سالىق تولەۋشىلەر تىزبەلەرىنە وزگەرىستەر مەن تولىقتىرۋلار يمپورتتالاتىن تاۋارلاردى, دايىن ونىمدەردى جانە سالىق تولەۋشىلەردى وسى قاعيدانىڭ 3-تارماعىندا كورسەتىلگەن تىزبەلەرگە قوسۋ تۋرالى وتىنىشتەردىڭ كەلىپ تۇسۋىنە قاراي جارتى جىلدا ءبىر رەت ەنگىزىلەدى.
2. سالىق تولەۋشىلەر, يمپورتتالاتىن تاۋارلار مەن دايىن ونىمدەر تىزبەلەرىن ايقىنداۋ ءتارتىبى
5. سالىق تولەۋشىلەر, يمپورتتالاتىن تاۋارلار مەن دايىن ونىمدەر تىزبەلەرى مىناداي تالاپتارعا ءبىر مەزگىلدە سايكەس كەلەتىن سالىق تولەۋشىلەرگە قاتىستى قالىپتاستىرىلادى:
1) سالىق تولەۋشى قوسىلعان قۇن سالىعىن تولەۋشى رەتىندە تىركەۋ ەسەبىندە تۇرۋى;
2) سالىق تولەۋشى «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ 2008 جىلعى 10 جەلتوقسانداعى كودەكسىنىڭ (سالىق كودەكسى) 579-بابىندا ايقىندالعان تارتىپپەن ارەكەتسىز دەپ تانىلعان سالىق تولەۋشىلەرگە جاتپايدى;
3) اكەلىنەتىن تاۋارلاردى ونەركاسىپتىك قايتا وڭدەۋگە پايدالانۋ.
6. كەدەن وداعىنا مۇشە مەملەكەتتەردىڭ اۋماعىنان قازاقستان رەسپۋبليكاسىنىڭ اۋماعىنا يمپورتتالاتىن, ونەركاسىپتىك قايتا وڭدەۋگە ارنالعان تاۋارلاردى, كورسەتىلگەن ونەركاسىپتىك قايتا وڭدەۋ كەزىندە الىنعان دايىن ونىمدەردى, سونداي-اق وسىنداي تاۋارلاردى يمپورتتايتىن قازاقستان رەسپۋبليكاسىنىڭ سالىق تولەۋشىلەردى ۋاكىلەتتى ورگان سايكەسىنشە سالىق تولەۋشىلەر, يمپورتتالاتىن تاۋارلار, دايىن ونىمدەر تىزبەلەرىنىڭ جوبالارىنا:
1) ەرىكتى نىسانداعى سالىق تولەۋشىلەر, يمپورتتالاتىن تاۋارلار مەن دايىن ونىمدەر تىزبەلەرىنە ەنگىزۋ تۋرالى ءوتىنىشىنىڭ;
2) وسى قاعيدانىڭ 7-تارماعىنا سايكەس بەرىلەتىن, يمپورتتالاتىن تاۋارلاردى ونەركاسىپتىك قايتا وڭدەۋگە ارنالعان تاۋارلارعا جاتقىزۋدى راستاۋ تۋرالى ۋاكىلەتتى سالالىق ورگاننىڭ وڭ قورىتىندىسىنىڭ نەگىزىندە ەنگىزەدى;
7. يمپورتتالاتىن تاۋارلاردى ونەركاسىپتىك قايتا وڭدەۋگە ارنالعان تاۋارلارعا جاتقىزۋدى راستاۋ تۋرالى قورىتىندىنى الۋ ءۇشىن ءوتىنىش بەرۋشى ۋاكىلەتتى سالالىق ورگانعا مىناداي قۇجاتتاردى:
1) ەرىكتى نىسانداعى يمپورتتالاتىن تاۋارلاردى ونەركاسىپتىك قايتا وڭدەۋگە ارنالعان تاۋارلارعا جاتقىزۋدى راستاۋ تۋرالى قورىتىندىنى بەرۋ تۋرالى ءوتىنىشتى;
2) مامىلەلەردى جاساۋدى راستايتىن قۇجاتتىڭ كوشىرمەسىن, وعان قوسىمشالاردى جانە (نەمەسە) وعان تولىقتىرۋلاردى (كەلىسىمشارت, شارت) ء(وتىنىش بەرۋشىنىڭ مورىمەن راستالعان);
3) ولاردىڭ ونەركاسىپتىك قايتا وڭدەۋلەرىن كو سەق تن-گە سايكەس ون بەلگى دەڭگەيىندە تاۋاردىڭ اتاۋىن جانە تاۋار مەن ونىمدەردىڭ جىكتەۋىشىن راستايتىن قۇجاتتىڭ كوشىرمەسىن ء(وتىنىش بەرۋشىنىڭ مورىمەن راستالعان);
4) تاۋارلاردى ونەركاسىپتىك قايتا وڭدەۋ وپەراتسيالارىن (تەحنولوگيالىق ۇدەرىستەرگە نەگىزدەلگەن), ولاردى جەتىلدىرۋ تاسىلدەرىن, تاۋارلاردى تەڭەستىرۋ تاسىلدەرىن, سونداي-اق تاۋارلاردى ونەركاسىپتىك قايتا وڭدەۋ جونىندەگى مەرزىمدەردى قوسا العاندا, ونەركاسىپتىك قايتا وڭدەۋ تاۋارلارىنىڭ شىعۋ نورمالارى ەسەبىنىڭ كەستەسىن;
5) سالىق تولەۋشى رەتىندە سالىق ورگانىنا تىركەۋ ەسەبىنە قويۋ تۋرالى كۋالىكتىڭ كوشىرمەسىن;
6) ءوتىنىش بەرۋشى ارەكەتسىز سالىق تولەۋشى دەپ تانىلماعانى تۋرالى سالىق ورگانىنىڭ راستاۋىن ۇسىنادى.
ۋاكىلەتتى سالالىق ورگان ون بەس كۇنتىزبەلىك كۇن ىشىندە ءوتىنىش بەرۋشى ۇسىنعان قۇجاتتاردى قارايدى جانە وسى قاعيدانىڭ قوسىمشاسىنا سايكەس نىسانداعى يمپورتتالاتىن تاۋارلاردى ونەركاسىپتىك قايتا وڭدەۋگە ارنالعان تاۋارلارعا جاتقىزۋدى راستاۋ تۋرالى ءتيىستى (وڭ نەمەسە تەرىس) قورىتىندى بەرەدى.
ۋاكىلەتتى سالالىق ورگان يمپورتتالاتىن تاۋارلاردى ونەركاسىپتىك قايتا وڭدەۋگە ارنالعان تاۋارلارعا جاتقىزۋدى راستاۋ تۋرالى تەرىس قورىتىندىنى مىناداي:
1) يمپورتتالاتىن تاۋارلاردى ونەركاسىپتىك قايتا وڭدەۋگە ارنالعان تاۋارلارعا جاتقىزۋدى راستاۋ تۋرالى قورىتىندى الۋ ءۇشىن ءوتىنىش بەرۋشى ۇسىنعان قۇجاتتاردا تولىق ەمەس نەمەسە سەنىمسىز مالىمەتتەر بولعان;
2) وسى تارماقتىڭ ءبىرىنشى بولىگىندە قاراستىرىلعان قۇجاتتار ۇسىنىلماعان;
3) وسى قاعيدانىڭ 5-تارماعىندا كوزدەلگەن تالاپتارعا سايكەس كەلمەگەن جاعدايلاردا بەرەدى.
تەرىس قورىتىندى جاعدايىندا ءوتىنىش بەرۋشى ۋاكىلەتتى سالالىق ورگانعا قۇجاتتاردى وسى قاعيدانىڭ تالاپتارىنا سايكەس قايتا ۇسىنا الادى.
8. وسى قاعيدانىڭ 6-تارماعىنا سايكەس ۇسىنىلعان قۇجاتتاردىڭ نەگىزىندە ۋاكىلەتتى ورگان يمپورتتالاتىن تاۋارلار, دايىن ونىمدەر جانە سالىق تولەۋشىلەر تىزبەلەرىنىڭ نەمەسە كورسەتىلگەن تىزبەلەرگە وزگەرىستەر مەن تولىقتىرۋلار ەنگىزۋ تۋرالى جوبالاردى ازىرلەيدى جانە وسى قاعيدانىڭ 3 جانە 4-تارماقتارىنا سايكەس ولاردى بەكىتۋ ءۇشىن بارلىق قاجەتتى قۇجاتتارمەن بىرگە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن قازاقستان رەسپۋبليكاسىنىڭ ۇكىمەتىنە جىبەرەدى.
كەدەن وداعىنا مۇشە مەملەكەتتەردىڭ اۋماعىنان قازاقستان رەسپۋبليكاسىنىڭ اۋماعىنا يمپورتتالاتىن, ونەركاسىپتىك قايتا وڭدەۋگە ارنالعان تاۋارلاردىڭ تىزبەسىن جانە كورسەتىلگەن ونەركاسىپتىك قايتا وڭدەۋ كەزىندە الىنعان دايىن ءونىمنىڭ تىزبەسىن,
سونداي-اق وسىنداي تاۋارلاردى يمپورتتايتىن قازاقستان رەسپۋبليكاسى سالىق تولەۋشىلەرىنىڭ تىزبەسىن ايقىنداۋ قاعيداسىنا قوسىمشا
يمپورتتالاتىن تاۋارلاردى ونەركاسىپتىك قايتا وڭدەۋگە ارنالعان تاۋارلارعا جاتقىزۋدى راستاۋ تۋرالى
قورىتىندى
_____________________________________________________________________________________
(سالىق تولەۋشىنىڭ زاڭدى مەكەن-جايى)
_________________________________________________نەگىزىندە جۇمىس ىستەيتىن
(ستن, بىردەيلەندىرۋ ءنومىرى (بار بولعان جاعدايدا))
_____________________________________________________________________________________
(سالىق تولەۋشىنىڭ اتاۋى)
ونەركاسىپتىك قايتا وڭدەۋگە ارنالعان تاۋارلاردى يمپورتتايدى:
ر/س №
تاۋاردىڭ اتاۋى
كو سەق تن كودى
ونەركاسىپتىك قايتا وڭدەۋ ۇدەرىسىندە مىناداي دايىن ونىمدەردى الادى:
ر/س №
تاۋاردىڭ اتاۋى
كو سەق تن كودى
ۋاكىلەتتى سالالىق ورگاننىڭ لاۋازىمدى ادامنىڭ قولى