2011 جىلعى 25 اقپان استانا, ۇكىمەت ءۇيى
جەكە سوت ورىنداۋشىلارىنىڭ قىزمەتىن ليتسەنزيالاۋ قاعيداسىن جانە وعان قويىلاتىن بىلىكتىلىك تالاپتارىن بەكىتۋ تۋرالى
قازاقستان رەسپۋبليكاسىنىڭ «ليتسەنزيالاۋ تۋرالى» 2007 جىلعى 11 قاڭتارداعى جانە «اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» 2010 جىلعى 2 ساۋىردەگى زاڭدارىن ىسكە اسىرۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:
1.قوسا بەرىلىپ وتىرعان:
1) جەكە سوت ورىنداۋشىلارىنىڭ قىزمەتىن ليتسەنزيالاۋ قاعيداسى;
2) جەكە سوت ورىنداۋشىلارىنىڭ قىزمەتىنە قويىلاتىن بىلىكتىلىك تالاپتارى بەكىتىلسىن.
2. «ليتسەنزيالاۋ تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ 1995 جىلعى 29 جەلتوقسانداعى № 1894 قاۋلىسىنا (قازاقستان رەسپۋبليكاسىنىڭ ءپۇاج-ى, 1995 ج., № 41, 515-قۇجات) مىناداي تولىقتىرۋ ەنگىزىلسىن:
كورسەتىلگەن قاۋلىعا 1-قوسىمشا مىناداي مازمۇنداعى رەتتىك ءنومىرى 17-3-جولمەن تولىقتىرىلسىن:
«
17-3
قازاقستان رەسپۋبليكاسى ادىلەت مينيسترلىگى سوت اكتىلەرىن ورىنداۋ كوميتەتى
جەكە سوت ورىنداۋشىلارىنىڭ قىزمەتى
».
3. وسى قاۋلى العاشقى رەسمي جاريالانعانىنان كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى «25» اقپانداعى №181 قاۋلىسىمەن بەكىتىلگەن
جەكە سوت ورىنداۋشىلارىنىڭ قىزمەتىن ليتسەنزيالاۋ قاعيداسى
1. جالپى ەرەجەلەر
1. وسى جەكە سوت ورىنداۋشىلارىنىڭ قىزمەتىن ليتسەنزيالاۋ قاعيداسى (بۇدان ءارى – قاعيدا) قازاقستان رەسپۋبليكاسىنىڭ «ليتسەنزيالاۋ تۋرالى» 2007 جىلعى 11 قاڭتارداعى جانە قازاقستان رەسپۋبليكاسىنىڭ «اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» 2010 جىلعى 2 ساۋىردەگى زاڭدارىنا سايكەس ازىرلەندى جانە جەكە سوت ورىنداۋشىلارىنىڭ قىزمەتىن ليتسەنزيالاۋ ءتارتىبىن انىقتايدى.
2. جەكە سوت ورىنداۋشىلارىنىڭ قىزمەتىن ليتسەنزيالاۋدى قازاقستان رەسپۋبليكاسى ادىلەت مينيسترلىگىنىڭ سوت اكتىلەرىن ورىنداۋ كوميتەتى (بۇدان ءارى – ليتسەنزيار) جۇزەگە اسىرادى.
3. ليتسەنزيالارى جوق ادامداردىڭ اتقارۋشىلىق ءىس جۇرگىزۋ تۋرالى زاڭنامانىڭ وزگە تالاپتارىن بۇزا وتىرىپ, اتقارۋشىلىق ارەكەتتەر جۇرگىزۋى جانە وسى ارەكەتتەرىنەن پايدا تابۋى قازاقستان رەسپۋبليكاسىنىڭ زاڭدارىنا سايكەس جاۋاپكەرشىلىككە اكەلىپ سوقتىرادى.
2. ليتسەنزيانى بەرۋ, قايتا رەسىمدەۋ جانە ونى بەرۋدەن باس تارتۋ ءتارتىبى
4. جەكە سوت ورىنداۋشىسى قىزمەتىمەن اينالىسۋ قۇقىعىنا ليتسەنزيا (بۇدان ءارى – ليتسەنزيا) جەكە سوت ورىنداۋشىسى قىزمەتىمەن اينالىسۋعا نيەت بىلدىرگەن (بۇدان ءارى – ءوتىنىش بەرۋشى), بەلگىلەنگەن بىلىكتىلىك تالاپتارىنا جاۋاپ بەرەتىن ادامعا بەرىلەدى.
5. ليتسەنزيا الۋ ءۇشىن ءوتىنىش بەرۋشى ليتسەنزيارعا مىناداي قۇجاتتاردى ۇسىنادى:
1) وسى قاعيدا قوسىمشاعا سايكەس بەلگىلەنگەن نىسانداعى ءوتىنىش;
2) جەكە باسىن كۋالاندىراتىن قۇجاتتىڭ كوشىرمەسى;
3) ءوتىنىش بەرۋشىنىڭ سالىق ورگانىندا ەسەپكە تۇرعانى تۋرالى كۋالىكتىڭ نوتاريالدى كۋالاندىرىلعان كوشىرمەسى;
4) جەكەلەگەن قىزمەت تۇرلەرىمەن اينالىسۋ قۇقىعى ءۇشىن بيۋدجەتكە ليتسەنزيالىق الىمنىڭ تولەنگەنىن راستايتىن قۇجات;
5) جوعارى زاڭگەرلىك ءبىلىم تۋرالى ديپلومنىڭ نوتاريالدى كۋالاندىرىلعان كوشىرمەسى;
6) ليتسەنزيا الۋعا ەمتيحاندى وتكەنى تۋرالى بىلىكتىلىك كوميسسياسىنىڭ شەشىمى;
7) جەكە سوت ورىنداۋشىسىندا تاعىلىمدامادان وتكەنى تۋرالى شارتتىڭ كوشىرمەسى;
8) جەكە سوت ورىنداۋشىسى تاعىلىمداماشىسىنىڭ جەتەكشىسىن تاعايىنداۋ تۋرالى جەكە سوت ورىنداۋشىلارىنىڭ وڭىرلىك القاسى توراعاسىنىڭ بۇيرىعىنىڭ كوشىرمەسى نەمەسە ءۇزىندىسى;
9) تاعىلىمداماشىنىڭ جالپى دايىندىق دەڭگەيى, تاعىلىمدامانى ءوتۋ بارىسىندا ۇيرەنگەن كاسىبي ءبىلىمى مەن پراكتيكالىق داعدىلارى كورسەتىلەتىن جەكە سوت ورىنداۋشىسىنىڭ تاعىلىمداماشىسى جەتەكشىسىنىڭ ۇسىنىسى;
10) جەكە سوت ورىنداۋشىلارىنىڭ اۋماقتىق القاسى كۋالاندىرعان تاعىلىمدامادان ءوتۋدىڭ اياقتالۋى تۋرالى قورىتىندىنىڭ كوشىرمەسى;
11) ليتسەنزيارعا ۇسىنعانعا دەيىنگى ءبىر ايدان كەم ەمەس ۋاقىتتا ارىز بەرۋشىنىڭ تۇرعىلىقتى مەكەنجايى بويىنشا بەرىلگەن ناركولوگيالىق جانە پسيحياتريالىق ديسپانسەرلەردىڭ مەديتسينالىق انىقتامالارى;
12) ليتسەنزيارعا ۇسىنعانعا دەيىنگى ءبىر ايدان بۇرىن ەمەس ۋاقىتتا ارىز بەرۋشىنىڭ تۇرعىلىقتى مەكەنجايى بويىنشا بەرىلگەن رەسپۋبليكانىڭ بارلىق اۋماعى بويىنشا مالىمەتتەردى قامتىعان سوتتىلىعى جوق ەكەنى تۋرالى انىقتاما.
6. وسى قاعيدانىڭ 5-تارماعىنىڭ 6), 7), 8), 9), 10) تارماقشالارىندا كورسەتىلگەن جۇمىس ىستەپ جۇرگەن تۇراقتى سۋديالار, ءوز مىندەتتەرىن ورىنداۋ كەزىندە اتىنا كىر كەلتىرەتىن تەرىس قىلىقتارى جانە زاڭدىلىقتى بۇزعانى ءۇشىن سۋديا قىزمەتىنەن بوساتىلعان سۋديالاردى قوسپاعاندا, تۇراقتى سۋديا بولىپ جۇمىس ىستەگەن ادامدار نە ۋاكىلەتتى ورگاندا جانە ونىڭ اۋماقتىق ورگاندارىندا اتقارۋشىلىق ءىس جۇرگىزۋ سالاسىندا كەمىندە بەس جىل جۇمىس ىستەگەن ادامدار, تەرىس قىلىقتارى بويىنشا بوساتىلعانداردى قوسپاعاندا, پروكۋراتۋرا ورگاندارىنداعى ەڭبەك ءوتىلى ون جىلدان كەم ەمەس پروكۋرورلار, كورسەتىلگەن قۇجاتتاردى ۇسىنۋدان بوساتىلادى جانە تاعىلىمدامادان وتپەي جانە بىلىكتىلىك ەمتيحانىن تاپسىرماي-اق جەكە سوت ورىنداۋشىسى ليتسەنزياسىن الادى.
7. مىنالار ءوتىنىش بەرۋشىنى تاعىلىمدامادان وتۋدەن جانە بىلىكتىلىك ەمتيحانىن تاپسىرۋدان بوساتۋدى راستايتىن قۇجاتتار بولىپ تابىلادى:
1) ونى ليتسەنزيارعا تاپسىرعانعا دەيىن كەمىندە ءبىر اي بۇرىن قۇزىرەتتى لاۋازىمدى ادام بەرگەن ءوتىنىش بەرۋشىنىڭ سۋديا لاۋازىمىنداعى جۇمىسىن راستايتىن انىقتاما;
2) قازاقستان رەسپۋبليكاسى پرەزيدەنتىنىڭ تۇراقتى سۋديا لاۋازىمىنان بوساتۋ تۋرالى جارلىعىنىڭ نەمەسە قازاقستان رەسپۋبليكاسى پارلامەنتىنىڭ سەناتى قاۋلىسىنىڭ كوشىرمەسى;
3) اتقارۋشىلىق ءىس جۇرگىزۋ سالاسىندا كەمىندە بەس جىل, پروكۋراتۋرا ورگاندارىندا كەمىندە ون جىل جۇمىس ءوتىلىن راستايتىن جانە اتقارعان قىزمەتىنەن بوساتىلۋ سەبەبىن قامتيتىن ەڭبەك كىتاپشاسىنىڭ نەمەسە وزگە دە قۇجاتتىڭ نوتاريالدى كۋالاندىرىلعان كوشىرمەسى.
8. ەگەر ليتسەنزيا الۋ ءۇشىن تۇراقتى جۇمىس ىستەيتىن سۋديا ءوتىنىش بىلدىرگەن جاعدايدا, وندا ونىڭ ليتسەنزيارعا وسى قاعيدانىڭ 5-تارماعىنىڭ 11), 12) تارماقشالارىندا كورسەتىلگەن قۇجاتتاردى ۇسىنۋى تالاپ ەتىلمەيدى.
9. ءوتىنىش بەرۋشى ۇسىنىلعان قۇجاتتاردا قامتىلعان مالىمەتتەردىڭ تولىقتىعىنا جانە انىقتىعىنا قازاقستان رەسپۋبليكاسىنىڭ زاڭدارىندا بەلگىلەنگەن تارتىپپەن جاۋاپتى بولادى.
10. ليتسەنزيا باس ليتسەنزيا بولىپ تابىلادى جانە ءوتىنىش بەرۋشىگە مەرزىمى شەكتەلمەي بەرىلەدى. ليتسەنزيا قازاقستان رەسپۋبليكاسىنىڭ بۇكىل اۋماعىندا قولدانىلادى.
11. ليتسەنزيانى ليتسەنزيار وسى قاعيدادا بەلگىلەنگەن ءتيىستى قۇجاتتارمەن بىرگە ءوتىنىش بەرىلگەن كۇننەن باستاپ وتىز جۇمىس كۇنىنەن كەشىكتىرمەي بەرەدى.
ليتسەنزيار وسى تارماقتا بەلگىلەنگەن مەرزىم ىشىندە ليتسەنزيا بەرەدى نە ليتسەنزيا بەرۋدەن باس تارتۋ سەبەپتەرى تۋرالى جازباشا تۇردە دالەلدى جاۋاپ بەرەدى.
12. ليتسەنزيار ءوتىنىش بەرۋشىنىڭ وتىنىشىنە قوسا بەرىلگەن قۇجاتتاردىڭ تولىقتىعىن جانە دۇرىستىعىن تەكسەرەدى.
13. ليتسەنزيا الۋ ءۇشىن قاجەتتى قۇجاتتاردى ءوتىنىش بەرۋشى جەكە ءوزى نەمەسە ازاماتتىق زاڭناماعا سايكەس ول ۋاكىلەتتىك بەرگەن وكىلى, نە تاپسىرىس حاتپەن بەرەدى.
ليتسەنزيارعا ليتسەنزيا بەرۋ ءۇشىن ۇسىنىلعان قۇجاتتار تىزىمدەمە بويىنشا قابىلدانادى, ونىڭ كوشىرمەسى قۇجاتتار قابىلدانعان كۇنى تۋرالى بەلگى قويىلىپ ءوتىنىش بەرۋشىگە جىبەرىلەدى (تاپسىرىلادى).
14. وتىنىشتەردى قاراۋ ناتيجەلەرى بويىنشا ليتسەنزيار ليتسەنزيانى بەرۋ نەمەسە ونى بەرۋدەن باس تارتۋ تۋرالى شەشىم قابىلدايدى.
15. ليتسەنزياردىڭ ليتسەنزيا بەرۋ تۋرالى شەشىمى قازاقستان رەسپۋبليكاسى ادىلەت مينيسترلىگىنىڭ سوت اكتىلەرىن ورىنداۋ كوميتەتى ءتوراعاسىنىڭ بۇيرىعىمەن بەكىتىلەدى.
16. ليتسەنزيا ليتسەنزياتقا بەرىلەدى نەمەسە ونىڭ ليتسەنزيا الۋعا ازاماتتىق زاڭناماعا سايكەس ليتسەنزيات ۋاكىلەتتىك بەرگەن وكىلى ارقىلى بەرىپ جىبەرىلەدى.
17. ليتسەنزيا جوعالعان, ب ۇلىنگەن كەزدە ليتسەنزيات ونىڭ تەلنۇسقاسىن الادى.
ليتسەنزيار ليتسەنزياتتىڭ جازباشا ءوتىنىشى بويىنشا ول ءوتىنىش بەرگەن كۇننەن باستاپ ون جۇمىس كۇن ىشىندە جاڭا ءنومىر بەرە وتىرىپ جانە جوعارعى وڭ جاق بۇرىشىندا «تەلنۇسقا» دەگەن جازۋى بار ليتسەنزيانىڭ تەلنۇسقاسىن بەرەدى. بۇل رەتتە ليتسەنزيات ليتسەنزيانىڭ تەلنۇسقاسىن بەرگەن كەزدە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جانە مولشەردە جەكەلەگەن قىزمەت تۇرلەرىمەن اينالىسۋ قۇقىعى ءۇشىن بيۋدجەتكە ليتسەنزيالىق الىم تولەيدى.
18. ليتسەنزياتتىڭ تەگى, اتى, اكەسىنىڭ اتى وزگەرگەن جاعدايدا, ول وتىز كۇنتىزبەلىك كۇن ىشىندە جەكە باسىن كۋالاندىراتىن جاڭا قۇجات العاننان كەيىن كورسەتىلگەن ءتيىستى قۇجاتتىڭ كوشىرمەسىمەن قوسا, ليتسەنزيانى قايتا رەسىمدەۋ تۋرالى ءوتىنىش بەرەدى.
ليتسەنزيار ليتسەنزيات ءتيىستى جازباشا ءوتىنىش بەرگەن كۇننەن باستاپ ون جۇمىس كۇنى ىشىندە ليتسەنزيانى قايتا رەسىمدەيدى.
19. ءوتىنىش بەرۋشىگە, ەگەر:
1) قازاقستان رەسپۋبليكاسىنىڭ زاڭدارىندا سۋبەكتىلەردىڭ وسى ساناتى ءۇشىن قىزمەت تۇرىمەن اينالىسۋعا تىيىم سالىنسا;
2) وسى قاعيداعا سايكەس تالاپ ەتىلەتىن بارلىق قۇجاتتار ۇسىنىلماسا. ءوتىنىش بەرۋشى كورسەتىلگەن كەدەرگىلەردى جويعان كەزدە ءوتىنىش جالپى نەگىزدەردە قارالادى;
3) ءوتىنىش بەرۋشى بىلىكتىلىك تالاپتارىنا سايكەس كەلمەسە;
4) ءوتىنىش بەرۋشىگە قاتىستى وعان جەكە سوت ورىنداۋشىسى قىزمەتىمەن اينالىسۋعا تىيىم سالاتىن زاڭدى كۇشىنە ەنگەن سوت ۇكىمى بولعاندا, ليتسەنزيا بەرۋدەن باس تارتىلادى.
3. ليتسەنزيانىڭ قولدانىلۋىن توقتاتا تۇرۋ, توقتاتۋ, ودان ايىرۋ
20. ليتسەنزيانىڭ قولدانىلۋىن توقتاتا تۇرۋ, توقتاتۋ, ودان ايىرۋ قازاقستان رەسپۋبليكاسىنىڭ زاڭدارىندا كوزدەلگەن تارتىپپەن جۇزەگە اسىرىلادى.
ليتسەنزيانىڭ قولدانىلۋى قازاقستان رەسپۋبليكاسىنىڭ زاڭدارىندا كوزدەلگەن نەگىزدەرگە سايكەس توقتاتىلعان كەزدە ليتسەنزيات ون جۇمىس كۇنى ىشىندە ليتسەنزيانى ليتسەنزيارعا قايتارادى.
4. ەسەپكە الۋ جانە باقىلاۋ
21. ليتسەنزيالاردى ەسەپكە الۋدى, سونداي-اق وسى قاعيدانىڭ ساقتالۋىن باقىلاۋدى ليتسەنزيار جۇزەگە اسىرادى.
22. ليتسەنزيار بەرىلگەن, توقتاتىلا تۇرعان, قالپىنا كەلتىرىلگەن جانە قولدانىلۋىن توقتاتقان ليتسەنزيالار تۋرالى مالىمەتتەردى قامتيتىن جەكە سوت ورىنداۋشىسى قىزمەتىمەن اينالىسۋ قۇقىعىنا ليتسەنزيالاردىڭ ەلەكتروندىق ءتىزىلىمىن جۇرگىزەدى.
23. وسى قاعيدانىڭ نەگىزىندە بەرىلگەن ليتسەنزيالاردىڭ بىرىڭعاي ەسەبىن جۇرگىزۋ ءۇشىن ليتسەنزيار زاڭنامادا بەلگىلەنگەن تارتىپپەن ليتسەنزيالار بلانكىلەرىنە تاپسىرىس جاسايدى.
ليتسەنزيا بلانكىلەرى قاتاڭ ەسەپتەگى قۇجاتتار بولىپ تابىلادى.
24. ليتسەنزيالاردىڭ ب ۇلىنگەن بلانكىلەرىن, سونداي-اق قولدانىلۋى توقتاتىلعان ليتسەنزيالاردى ليتسەنزيار كوميسسيامەن جويۋعا ءتيىس.
25. ليتسەنزيار ليتسەنزياتتىڭ قازاقستان رەسپۋبليكاسىنىڭ ليتسەنزيالاۋ تۋرالى زاڭناماسىن ساقتاۋىن قامتاماسىز ەتۋگە باعىتتالعان ليتسەنزيالىق باقىلاۋدى جۇزەگە اسىرادى.
ليتسەنزيار ءوز قۇزىرەتى شەڭبەرىندە ليتسەنزياتتان ءتيىستى قۇجاتتاردى ۇسىنۋىن تالاپ ەتەدى جانە باقىلاۋ فۋنكتسيالارىن ورىنداۋ ءۇشىن قاجەتتى جازباشا نەمەسە اۋىزشا اقپاراتتى الا الادى.
جەكە سوت ورىنداۋشىلارىنىڭ قىزمەتىن ليتسەنزيالاۋ قاعيداسىنا قوسىمشا
نىسان
_______________________________________
_______________________________________
(ليتسەنزياردىڭ تولىق اتاۋى)
كىمنەن _________________________________
_______________________________________
(جەكە تۇلعانىڭ تولىق اتى-ءجونى (بار بولعان جاعدايدا اكەسىنىڭ اتى)
ءوتىنىش
جەكە سوت ورىنداۋشىسى قىزمەتىمەن اينالىسۋ قۇقىعىنا ليتسەنزيا بەرۋدى سۇرايمىن.
جەكە تۇلعا تۋرالى مالىمەتتەر:
1. تۋعان كۇنى, ايى, جىلى _________________
2. جەكە باسىن كۋالاندىراتىن قۇجاتىنىڭ دەرەكتەرى ___________________________________
ء(نومىرى, كىم جانە قاشان بەردى)
3. ءبىلىمى _________________________________________________________________________
(ماماندىعى, ديپلومىنىڭ (وزگە قۇجاتىنىڭ) №), ____________________________________________________________________________________
وقۋ ورنىنىڭ اتاۋى, بىتىرگەن جىلى) ____________________________________________________
4. مەكەنجايى __________________________
5. جۇمىس ورنى _________________________
6. قوسا بەرىلەتىن قۇجاتتار:
__________________________________________________________________________________________________________________________________________________________________________________________________________________
__________ __________________________
(قولى) (تەگى, اتى (بار بولعان جاعدايدا اكەسىنىڭ اتى)
20___ جىلعى «___»_____________
ءوتىنىشتىڭ قارالۋعا الىنعان كۇنى 20___ جىلعى «___»_____________
____________________________________________________________________________________
(ليتسەنزيالاۋ ورگانىنىڭ جاۋاپتى ادامىنىڭ قولى, تەگى, اتى (بار بولعان جاعدايدا اكەسىنىڭ اتى)
قازاقستان رەسپۋبليكاسى ۇكىمەتىنىڭ 2011 جىلعى 25 اقپانداعى №181 قاۋلىسىمەن بەكىتىلگەن
جەكە سوت ورىنداۋشىلارىنىڭ قىزمەتىنە قويىلاتىن بىلىكتىلىك تالاپتارى
1. جەكە سوت ورىنداۋشىسى قىزمەتىمەن اينالىسۋ قۇقىعىنا ليتسەنزيا الۋ ءۇشىن جەكە تۇلعالار مىناداي بىلىكتىلىك تالاپتارىنا ساي كەلۋگە ءتيىس:
1) قازاقستان رەسپۋبليكاسىنىڭ ازاماتتىعى;
2) جيىرما بەس جاسقا جەتۋى;
3) جوعارى زاڭگەر ءبىلىمىنىڭ بولۋى;
4) جەكە سوت ورىنداۋشىسىندا كەمىندە ءبىر جىل مەرزىممەن ۇزدىكسىز تاعىلىمدامادان ءوتۋى;
5) بىلىكتىلىك ەمتيحانىن تاپسىرۋى.
2. جەكە سوت ورىنداۋشىسىنىڭ قىزمەتىن ليتسەنزيالاۋ كەزىندە قويىلاتىن وسى بىلىكتىلىك تالاپتارىنىڭ 1-تارماعىنىڭ 4) جانە 5) تارماقشالارىندا كوزدەلگەن بىلىكتىلىك تالاپتارى:
1) تۇراقتى سۋديالارعا;
2) ءوز مىندەتتەرىن ورىنداۋ كەزىندە اتىنا كىر كەلتىرەتىن تەرىس قىلىقتارى جانە زاڭدىلىقتى بۇزعانى ءۇشىن سۋديا قىزمەتىنەن بوساتىلعان سۋديالاردى قوسپاعاندا, تۇراقتى سۋديا بولىپ جۇمىس ىستەگەن ادامدارعا;
3) تەرىس قىلىقتارى بويىنشا بوساتىلعانداردى قوسپاعاندا, ۋاكىلەتتى ورگاندا جانە ونىڭ اۋماقتىق ورگاندارىندا اتقارۋشىلىق ءىس جۇرگىزۋ سالاسىندا كەمىندە بەس جىل جۇمىس ىستەگەن ادامدارعا;
4) پروكۋراتۋرا ورگاندارىنداعى ەڭبەك ءوتىلى كەمىندە ون جىل پروكۋرورلارعا قولدانىلمايدى.