2011 جىلعى 22 اقپان استانا, ۇكىمەت ءۇيى
قازاقستان رەسپۋبليكاسى ۇكىمەتىنىڭ 2009 جىلعى 14 ناۋرىزداعى №330 قاۋلىسىنا وزگەرىس ەنگىزۋ تۋرالى
قازاقستان رەسپۋبليكاسىنىڭ ۇكiمەتi قاۋلى ەتەدi:
1. «ارناۋلى الەۋمەتتىك قىزمەتتەردىڭ كەپىلدىك بەرىلگەن كولەمىنىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 14 ناۋرىزداعى № 330 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., № 15, 120-قۇجات) مىناداي وزگەرىس ەنگىزىلسىن:
كورسەتىلگەن قاۋلىمەن بەكىتىلگەن ارناۋلى الەۋمەتتiك قىزمەتتەردiڭ كەپiلدiك بەرiلگەن كولەمiنiڭ تiزبەسi وسى قاۋلىعا قوسىمشاعا سايكەس جاڭا رەداكتسيادا جازىلسىن.
2. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-مينيسترi ك.ءماسIموۆ.
قازاقستان رەسپۋبليكاسى ۇكىمەتىنىڭ 2011 جىلعى «22» اقپانداعى №166 قاۋلىسىنا قوسىمشا
قازاقستان رەسپۋبليكاسى ۇكiمەتiنiڭ 2009 جىلعى 14 ناۋرىزداعى №330 قاۋلىسىمەن بەكiتiلگەن
ارناۋلى الەۋمەتتiك قىزمەتتەردiڭ كەپiلدiك بەرiلگەن كولەمiنiڭ تiزبەسi
1. ارناۋلى الەۋمەتتiك قىزمەتتەردiڭ كەپiلدiك بەرiلگەن كولەمi قىزمەت الۋشىلاردىڭ مىناداي:
1) پسيحونەۆرولوگيالىق اۋىتقۋلارى بار مۇگەدەك بالالارعا (بۇدان ءارi – بالالار);
2) تىرەك-قوزعالىس اپپاراتى بۇزىلعان مۇگەدەك بالالارعا (بۇدان ءارى – تقا بۇزىلعان بالالار);
3) پسيحونەۆرولوگيالىق اۋرۋلارى بار ون سەگىز جاستان اسقان مۇگەدەكتەر (بۇدان ءارi – 18 جاستان اسقان ادامدار);
4) ءبىرىنشى جانە ەكىنشى توپتاعى مۇگەدەكتەر (بۇدان ءارى – مۇگەدەكتەر);
5) جاسىنىڭ ەگدە تارتۋىنا بايلانىستى وزىنە-ءوزى كۇتىم جاساۋعا قابىلەتسىز ادامدار قاتارىنان دەنە جانە (نەمەسە) اقىل-وي مۇمكىندىكتەرىنە بايلانىستى اعزاسىنىڭ فۋنكتسيالارى تۇراقتى بۇزىلعان ادامدارعا (وتباسىلارعا), سونداي-اق جاسىنىڭ ۇلعايۋىنا بايلانىستى وزىنە-ءوزى كۇتىم جاساۋعا قابىلەتسىز ادامدارعا (وتباسىلارعا) ۇسىنىلادى.
2. ارناۋلى الەۋمەتتiك قىزمەتتەردiڭ كەپiلدiك بەرiلگەن كولەمiنiڭ تiزبەسi:
الەۋمەتتiك-تۇرمىستىق;
الەۋمەتتiك-مەديتسينالىق;
الەۋمەتتiك-پسيحولوگيالىق;
الەۋمەتتiك-پەداگوگيكالىق;
الەۋمەتتiك-ەڭبەك;
الەۋمەتتiك-مادەني;
الەۋمەتتiك-ەكونوميكالىق;
الەۋمەتتiك-قۇقىقتىق قىزمەتتەردى قامتيدى.
3. تۇرمىستاعى قىزمەت الۋشىلاردىڭ تىنىس-تىرشىلىگىن قولداۋعا باعىتتالعان الەۋمەتتiك-تۇرمىستىق قىزمەتتەر مىنالاردى قامتيدى:
جەكە قىزمەت كورسەتۋ جانە گيگيەنالىق سيپاتتاعى الەۋمەتتiك-تۇرمىستىق قىزمەتتەر كورسەتۋ;
ۇيىمداردا وڭالتۋعا, ەمدەۋگە, ءبىلىم بەرۋگە, مادەني ءىس-شارالارعا, پاللياتيۆتىك كومەكتى ۇيىمداستىرۋعا, ءدىني ادەت-عۇرىپتاردى وتكىزۋگە, ەمدەۋ-ەڭبەك قىزمەتىن ۇيىمداستىرۋعا, وزىنە-ءوزى قىزمەت كورسەتۋ داعدىلارىنا, تۇرمىستىق باعدارلاۋ نەگىزدەرىنە ۇيرەتۋگە ارنالعان جيھازبەن جانە (نەمەسە) مامانداندىرىلعان جابدىقتارمەن جاساقتالعان ءۇي-جايلار بەرۋ;
مۇگەدەكتەر مەن 18 جاستان اسقان دەنساۋلىعىنىڭ جاعدايى بويىنشا جۇمىس ىستەۋ قارسى كورسەتىلمەگەن ادامدار ءۇشىن جۇمىس ورىندارىن ۇيىمداستىرۋعا جاعداي جاساۋ;
بوگدە ادامداردىڭ كومەگىنسىز تۇرمىستىق قاجەتتىكتەرىن جۇزەگە اسىرۋدى قامتاماسىز ەتەتىن بەيىمدەلگەن ءۇي-جايلار مەن قۇرىلعىلار بەرۋ;
سانيتارلىق-گيگيەنالىق تالاپتارعا سايكەس تۇرۋ جاعدايلارىن قولداۋ جونىندە قىزمەتتەر كورسەتۋ;
كەنەۋلى جانە ديەتالىق تاماقتانۋدى ۇسىنۋ;
تۇرمىستىق قىزمەت كورسەتۋدi قامتاماسىز ەتۋ (كiر جۋ, كەپتiرۋ, ۇتiكتەۋ, iش كيiمدi, كيiمدi, توسەك-ورىن جابدىقتارىن دەزينفەكتسيالاۋ);
قىزمەت الۋشىلاردىڭ وتباسى مۇشەلەرiنە جەكە قىزمەت كورسەتۋ جانە سانيتارلىق-گيگيەنالىق سيپاتتاعى پراكتيكالىق داعدىلاردى ۇيرەتۋ;
قارتتار مەن مۇگەدەكتەرگە حات جازۋدا جانە وقۋدا كومەك كورسەتۋ;
تۇسكى ىستىق تاماق, كۇندەلىكتى قاجەتتى ازىق-ت ۇلىك جانە ازىق-ت ۇلىك ەمەس تاۋارلاردى ساتىپ الۋ جانە ۇيگە جەتكىزىپ بەرۋ;
قارتتار مەن مۇگەدەكتەرگە تاماق پىسىرۋگە, كىر جۋعا, پەش جاعۋعا, اعاش, كومىر جانە سۋ اكەلۋگە كومەكتەسۋ.
4. قىزمەت الۋشىلاردىڭ دەنساۋلىعىن قولداۋعا جانە جاقسارتۋعا باعىتتالعان الەۋمەتتiك-مەديتسينالىق قىزمەتتەر مىنالاردى قامتيدى:
مەديتسينالىق-الەۋمەتتىك تەكسەرۋدى ۇيىمداستىرۋ جانە جۇرگىزۋ;
دارىگەر كەلگەنگە دەيىن كومەك كورسەتۋ;
مەديتسينالىق-الەۋمەتتiك ساراپتاما جۇرگiزۋگە جاردەمدەسۋ;
تەگiن مەديتسينالىق كومەكتiڭ كەپiلدiك بەرiلگەن كولەمiن الۋعا جاردەمدەسۋ;
مۇگەدەكتەردi ساناتوريلىك-كۋرورتتىق ەمدەۋمەن, وڭالتۋدىڭ جەكە باعدارلامالارىنا سايكەس تەحنيكالىق كومەكشi (ورنىن تولتىرۋشى) جانە مiندەتتi گيگيەنالىق قۇرالدارمەن قامتاماسىز ەتۋگە جاردەمدەسۋ;
قىزمەت الۋشىلارعا تەحنيكالىق كومەكشi (ورنىن تولتىرۋشى) جانە مiندەتتi گيگيەنالىق قۇرالداردى پايدالانۋدى ۇيرەتۋ;
مۇگەدەكتەردi وڭالتۋدىڭ جەكە باعدارلامالارىنا سايكەس پروتەزدىك-ورتوپەديالىق جانە ەستۋدى پروتەزدەۋ كومەگىن الۋعا جاردەمدەسۋ;
مەديتسينالىق-الەۋمەتتىك ماسەلەلەر جونىندە, ونىڭ ىشىندە جاسىنا قاراي بەيىمدەۋ ماسەلەلەرى جونىندە كونسۋلتاتسيا بەرۋ;
دەنساۋلىعىنا بايلانىستى راسىمدەردى جۇرگىزۋ;
العاشقى مەديتسينالىق تەكسەرۋ جانە العاشقى سانيتارلىق وڭدەۋدى جۇرگىزۋ;
قىزمەت الۋشىلارعا دەنساۋلىعىنىڭ جاعدايىنا قاراي كۇتiمدi قامتاماسىز ەتۋ;
العاشقى مەديتسينالىق-سانيتارلىق كومەك كورسەتۋ;
سانيتارلىق-گيگيەنالىق قىزمەتتەر كورسەتۋ;
ەمدەۋ-ساۋىقتىرۋ iس-شارالارىن, ونىڭ ىشىندە دەنساۋلىق ساقتاۋ مەكەمەلەرىندە ۇيىمداستىرۋ;
الەۋمەتتىك-مەديتسينالىق سيپاتتاعى وڭالتۋ ءىس-شارالارىن جۇرگىزۋ;
ەمدەيتىن دارىگەردىڭ تاعايىنداۋىنا سايكەس مەديتسينالىق راسىمدەردى جۇرگىزۋ (تەرىنىڭ جانە بۇلشىق ەتتەردىڭ استىنا جىبەرىلەتىن ينەكتسيالار, كومپرەسس قويۋ, جاتقان جەرىن, جارالارىن تاڭۋ, وڭدەۋ, تازالاۋ كليزمالارىن جاساۋ, زەرتحانالىق زەرتتەۋ جۇرگىزۋ ءۇشىن ماتەريال الۋ, كاتەتەرلەر مەن مەديتسينالىق بۇيىمداردى قولدانۋعا كومەك كورسەتۋ);
پاللياتيۆتىك كومەك قىزمەتىن كورسەتۋ;
دارىگەردى ۇيگە شاقىرۋ جانە قىزمەت الۋشىلاردى دەنساۋلىق ساقتاۋ ۇيىمدارىنا الىپ بارۋ;
بالالاردى, تقا بۇزىلعان بالالاردى پاتروناجدى قاداعالاۋ;
وتباسى مۇشەلەرىن ءۇي جاعدايىندا وتكىزىلەتىن مەديتسينالىق كۇتىم نەگىزدەرىنە ۇيرەتۋ.
5. قىزمەت الۋشىلاردى قورشاعان ورتاعا الەۋمەتتىك بەيىمدەۋگە, الەۋمەتتەندىرۋ مەن كىرىكتىرۋگە باعىتتالعان ولاردىڭ پسيحولوگيالىق جاعدايىن تۇزەتۋدى كوزدەيتىن الەۋمەتتiك-پسيحولوگيالىق قىزمەتتەر مىنالاردى قامتيدى:
پسيحولوگيالىق دياگنوستيكا جانە جەكە تۇلعانى تەكسەرۋ;
الەۋمەتتىك-پسيحولوگيالىق پاتروناج (جۇيەلى قاداعالاۋ);
مۇگەدەكتەرمەن جانە قارتتارمەن پسيحوپروفيلاكتيكالىق جۇمىس;
قىزمەت الۋشىلارعا پسيحولوگيالىق كومەك كورسەتۋ, ونىڭ ىشىندە اڭگىمەلەسۋ, قارىم-قاتىناس جاساۋ, تىڭداۋ, ىنتالاندىرۋ, بەلسەندىلىككە بەيىمدەۋ;
قىزمەت الۋشىلاردى پسيحولوگيالىق تۇزەتۋ;
قىزمەت الۋشىلار مەن ولاردىڭ بىرگە تۇراتىن وتباسى مۇشەلەرىن پسيحولوگيالىق قولداۋ;
وتباسى مۇشەلەرiنە قولايلى پسيحولوگيالىق كليماتتى قامتاماسىز ەتۋ, جانجالدى جاعدايلاردىڭ الدىن الۋ جانە جويۋ ءۇشiن پسيحولوگيالىق كومەك كورسەتۋ.
6. بالالاردىڭ, تقا بۇزىلعان بالالاردىڭ فيزيكالىق مۇمكiندiكتەرi مەن اقىل-وي قابiلەتتەرiن ەسكەرە وتىرىپ, ولاردى پەداگوگيكالىق ءتۇزەتۋگە جانە وقىتۋعا, سونداي-اق بالالارعا, تقا بۇزىلعان بالالارعا, 18 جاستان اسقان ادامدارعا تۇرمىستىق داعدىلاردى ۇيرەتۋگە باعىتتالاتىن الەۋمەتتiك-پەداگوگيكالىق قىزمەتتەر مىنالاردى قامتيدى:
الەۋمەتتiك-پەداگوگيكالىق كونسۋلتاتسيا بەرۋ;
ارنايى وقۋ باعدارلامالارى بويىنشا بالالاردىڭ فيزيكالىق مۇمكىندىكتەرى مەن اقىل-وي قابىلەتتەرىنە سايكەس ولاردىڭ ءبىلىم الۋىنا جاردەمدەسۋ;
تقا بۇزىلعان بالالاردىڭ جالپى ءبىلىم بەرەتىن مەكتەپتەردە ءبىلىم الۋىنا جاردەمدەسۋ;
بالالاردى جانە 18 جاستان اسقان ادامداردى تۇرمىستىق باعدارلاۋ جانە قولونەر نەگىزدەرىنە ۇيرەتۋ;
وزىنە-ءوزi قىزمەت كورسەتۋ داعدىلارىن, جەكە گيگيەناسىن, تۇرمىستاعى جانە قوعامدىق ورىندارداعى مiنەز-ق ۇلىقتى قالىپتاستىرۋ, ءوزiن-ءوزى باقىلاۋ, قارىم-قاتىناس جاساۋ داعدىلارى جانە تiرشiلiك ارەكەتتەرiنiڭ باسقا دا نىساندارى جونiندەگi قىزمەتتەر;
بالانى, ونىڭ ىشىندە تقا بۇزىلعان بالالار مەن 18 جاستان اسقان ادامداردى پەداگوگيكالىق دياگنوستيكالاۋدى جانە جەكە تۇلعالىق دامۋ دەڭگەيىن تەكسەرۋدى جۇرگىزۋ;
بالالاردى, ونىڭ ىشىندە تقا بۇزىلعان بالالاردى پەداگوگيكالىق تۇزەتۋ;
ىمداۋ تiلiنە اۋدارۋ جونiندەگi قىزمەتتەر;
بالالاردى مەكتەپكە دەيiن تاربيەلەۋ جانە ولاردىڭ ارنايى بiلiم بەرۋ وقىتۋ باعدارلامالارى بويىنشا بiلiم الۋى ءۇشiن جاعداي جاساۋ ماسەلەلەرi جونiندە وتباسى مۇشەلەرiنە كونسۋلتاتسيا بەرۋ;
كاسىپتىك ءبىلىم الۋعا جاردەمدەسۋ;
اتا-انالارىنا نەمەسە وتباسىنىڭ باسقا مۇشەلەرiنە ءۇي جاعدايىندا وڭالتۋ نەگiزدەرiن ۇيرەتۋ;
وتباسى مۇشەلەرىنە بالالاردىڭ جانە 18 اسقان ادامداردىڭ بويىندا ءۇي جاعدايىندا قاجەتتى ءومىر ءسۇرۋ داعدىلارىن قالىپتاستىرۋدى ۇيرەتۋ.
7. قىزمەت الۋشىلاردىڭ بويىندا ەڭبەك داعدىلارىن قالىپتاستىرۋعا, 18 جاستان اسقان ادامداردىڭ, مۇگەدەكتەر مەن قارتتاردىڭ بويىندا قالعان ەڭبەك داعدىلارىن ساقتاۋعا جانە دامىتۋعا جانە ەڭبەك قىزمەتiن ۇيىمداستىرۋعا باعىتتالعان الەۋمەتتiك-ەڭبەك قىزمەتتەرi مىنالاردى قامتيدى:
قىزمەت الۋشىلاردىڭ بويىندا بار ەڭبەك داعدىلارىن تەكسەرۋ جونىندە ءىس-شارالار جۇرگىزۋ;
ەمدەۋ-ەڭبەك قىزمەتىن جۇرگىزۋ;
ەڭبەك داعدىلارىن قالىپتاستىرۋ جونiندەگi قىزمەتتەر;
تقا بۇزىلعان بالالاردى, مۇگەدەكتەردى كاسiپتىك باعدارلاۋ;
مۇگەدەكتەردى كاسىپتىك وڭالتۋ;
بەيىنى بويىنشا ەڭبەك داعدىلارىن قالىپتاستىرۋ;
قىزمەت الۋشىلاردى قول جەتىمدى كاسىپتىك داعدىلارعا ۇيرەتۋ جونىندە ءىس-شارالار جۇرگىزۋ;
قارتتار مەن 18 جاستان اسقان ادامداردىڭ بويىندا ۇمىت بولعان تۇرمىستىق داعدىلاردى قالپىنا كەلتىرۋ جونىندەگى قىزمەتتەر;
جەكە فيزيكالىق مۇمكىندىكتەرى مەن اقىل-وي قابىلەتتەرىنە سايكەس كاسىپ يگەرۋگە جاردەمدەسۋ.
8. بوس ۋاقىتتى ۇيىمداستىرۋعا, الەۋمەتتiك-مادەني iس-شارالاردى وتكiزۋگە جانە ولارعا قىزمەت الۋشىلاردى تارتۋعا باعىتتالعان الەۋمەتتiك-مادەني قىزمەتتەر مىنالاردى قامتيدى:
مەرەكەلەردi جانە بوس ۋاقىتتاعى iس-شارالاردى ۇيىمداستىرۋ;
كلۋبتىق جانە ۇيىرمە جۇمىستارىن ۇيىمداستىرۋ جانە جۇرگىزۋ;
قىزمەت الۋشىلاردى بوس ۋاقىتتاعى ءىس-شارالارعا, مادەني ءىس-شارالارعا قاتىسۋعا تارتۋ (ەكسكۋرسيالار ۇيىمداستىرۋ, تەاترلارعا, كورمەلەرگە, كونتسەرتتەرگە جانە باسقا ءىس-شارالارعا بارۋ).
9. قىزمەت الۋشىلاردىڭ ءومiر ءسۇرۋ دەڭگەيiن قولداۋ مەن جاقسارتۋعا باعىتتالعان الەۋمەتتiك-ەكونوميكالىق قىزمەتتەر مىنالاردى قامتيدى:
الەۋمەتتiك تولەمدەردi, جاردەماقىلاردى, اليمەنتتەر مەن باسقا دا تولەمدەردi الۋعا جاردەمدەسۋ;
قارتتار مەن مۇگەدەكتەرگە, سونداي-اق بالالاردى تاربيەلەيتىن جانە 18 جاستان اسقان ادامداردى كۇتۋدى جۇزەگە اسىراتىن وتباسىلارعا ءوزiن-ءوزi قامتاماسىز ەتۋ جانە وتباسىنىڭ ماتەريالدىق جاعدايىن جاقسارتۋ ماسەلەلەرi بويىنشا كونسۋلتاتسيا بەرۋ.
10. قىزمەت الۋشىلاردىڭ قۇقىقتىق مارتەبەسiن قولداۋعا نەمەسە وزگەرتۋگە, زاڭدى كومەك كورسەتۋگە, ولاردىڭ زاڭدى قۇقىقتارى مەن مۇددەلەرiن قورعاۋعا باعىتتالعان الەۋمەتتiك-قۇقىقتىق قىزمەتتەر مىنالاردى قامتيدى:
قازاقستان رەسپۋبليكاسىنىڭ زاڭناماسىنا ءسايكەس ارناۋلى الەۋمەتتىك قىزمەت كورسەتۋ سالاسىندا جانە الەۋمەتتiك قامسىزداندىرۋ جانە كومەككە قۇقىعىنا بايلانىستى ماسەلەلەر بويىنشا زاڭدىق كونسۋلتاتسيا بەرۋ;
زاڭدىق ماڭىزى بار قۇجاتتاردى رەسiمدەۋدە كومەكتەسۋ;
ارناۋلى الەۋمەتتىك قىزمەت كورسەتەتىن جانە قىزمەت الۋشىلاردىڭ زاڭدى قۇقىقتارىن بۇزاتىن نەمەسە شەك قوياتىن ۇيىمداردىڭ ارەكەتىنە نەمەسە ارەكەتسىزدىگىنە شاعىم دايارلاۋعا جانە بەرۋگە كومەك كورسەتۋ;
زاڭدى كومەك كورسەتۋ جانە زاڭناما بەلگىلەنگەن جەڭىلدىكتەر مەن باسىمدىقتاردى, الەۋمەتتىك تولەمدەردى الۋعا جاردەمدەسۋ;
قازاقستان رەسپۋبليكاسى ازاماتتىق كودەكسىندە بەلگىلەنگەن تارتىپپەن جاردەماقىلاردى, باسقا دا الەۋمەتتىك تولەمدەردى سەنىمحاتپەن الۋ;
جەتiم بالالاردى جانە اتا-انالارىنىڭ قامقورلىعىنسىز قالعان بالالاردى اسىراپ الۋ, قورعانشىلىققا جانە قامقورشىلىققا الۋ ماسەلەلەرi بويىنشا قۇجاتتاردى رەسiمدەۋدەگi كومەكتi قوسا العاندا, زاڭدى كونسۋلتاتسيا بەرۋ;
قازاقستان رەسپۋبليكاسىنىڭ ازاماتتىق ءىس جۇرگىزۋ كودەكسىندە, قازاقستان رەسپۋبليكاسىنىڭ «ادۆوكاتتىق قىزمەت تۋرالى» 1997 جىلعى 5 جەلتوقسانداعى زاڭىندا بەلگiلەنگەن جاعدايلاردا جانە تارتiپپەن ادۆوكاتتىڭ زاڭدىق كومەگىن تەگiن الۋعا جاردەمدەسۋ;
قىزمەت الۋشىلاردىڭ نەمەسە ولاردىڭ وتباسى مۇشەلەرىنىڭ ۇستىنەن جاسالعان دەنە جانە پسيحيكالىق زورلىققا كىنالى ادامداردى قىلمىستىق جاۋاپكەرشىلىككە تارتۋعا جاردەمدەسۋ;
قامقورشى جانە قورعانشى ورگاندارعا بالالاردى, ونىڭ ىشىندە تقا بۇزىلعان بالالاردى اسىراپ الۋعا, قامقورلىققا, پاتروناتقا, قورعانشىلىققا الۋعا جاردەمدەسۋ;
قىزمەت الۋشىلاردى ارناۋلى الەۋمەتتىك قىزمەت كورسەتەتىن مەكەمەلەرگە, ۇيىمدارعا ورنالاستىرۋعا جاردەمدەسۋ, سونداي-اق قۇجاتتاردى رەسىمدەۋگە كومەك كورسەتۋ;
قىزمەت الۋشىلارعا جۇمىسقا ورنالاسۋ, جەكە باسىن كۋالاندىراتىن جانە زاڭدىق ماڭىزى بار باسقا دا قۇجاتتاردى الۋ ءۇشiن قۇجاتتاردى رەسiمدەۋدە زاڭدىق كومەك كورسەتۋگە جاردەمدەسۋ.