كەشە استانادا قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ تمد اتقارۋشى كوميتەتىنىڭ توراعاسى – اتقارۋشى حاتشىسى, تمد-عا مۇشە مەملەكەتتەر تاراپىنان بايقاۋشى ميسسياسىنىڭ جەتەكشىسى سەرگەي لەبەدەۆتى قابىلدادى.
كەزدەسۋ بارىسىندا قانات ساۋداباەۆ اڭگىمەلەسۋشى تاراپتى الداعى ۋاقىتتا وتەتىن سايلاۋعا دايىندىق بارىسىمەن تانىستىرا وتىرىپ, قازاقستان حالىقارالىق ستاندارتتارعا ساي اشىق ءارى ءادىل سايلاۋ ءوتكىزۋگە دايىن ەكەندىگىن ايتا كەلە, «ءبىز ەلىمىزدە حالىقارالىق بايقاۋشىلاردىڭ بەلسەندى ءارى جەمىستى جۇمىس جاساۋىنا مۇددەلىمىز جانە وعان بارلىق جاعداي جاسالىپ وتىر, – دەدى ءوز ءسوزىندە. – ەلىمىزدەگى ماڭىزدى ساياسي ناۋقاننىڭ قارساڭىندا, ونىڭ اشىق اتموسفەرالىق اۋاندا وتۋىنە مۇددەلىمىز». بۇدان كەيىن ول تمد-دان كەلگەن بايقاۋشىلار ميسسياسى تاراپىنان قازاقستانداعى ەلەكتورالدىق ناۋقان جۇمىسىنا شىنايى تۇردە باعا بەرىلەدى دەگەن سەنىمىن جەتكىزدى.
«شىنايىلىق – تمد كەڭىستىگىندەگى بايقاۋشىلار ميسسياسى وكىلدەرى جۇمىسىنىڭ باستى ۇستانىمى. ءبىز ءوز قىزمەتىمىز بارىسىندا سايلاۋ ۇدەرىسى ءوتىپ جاتقان ەلدىڭ زاڭنامالارىن باسشىلىققا الامىز», – دەدى بۇل ورايدا ءسوز العان تمد اتقارۋشى حاتشىسى سەرگەي لەبەدەۆ. ول, سونىمەن قاتار, دوستاستىق ەلدەرىنىڭ بايقاۋشىلارىنا سايلاۋ ۋچاسكەلەرىندە جۇمىس ىستەۋىنە ەركىن قولجەتىمدىلىك قالىپتاسقانىن, ال بارلىق مەملەكەتتىك قۇرىلىمدار ميسسيا وكىلدەرىنىڭ ساۋالدارىنا جاۋاپ بەرىپ جاتقانىن اتاپ ءوتتى. كەزدەسۋدە سايلاۋالدى ناۋقانى باستالعاننان بەرگى مەرزىم ىشىندە بايقاۋشىلار ميسسياسىنىڭ ەلىمىزدىڭ ورتالىق سايلاۋ كوميسسياسىندا, وبلىستىق سايلاۋ كوميسسيالارىندا جانە سايلاۋ ۋچاسكەلەرىندە بىرنەشە كەزدەسۋلەر وتكىزگەنى دە تىلگە تيەك ەتىلدى.
سونداي-اق, تمد بىرلەستىگى ىقپالداستىعىنىڭ شەڭبەرىندەگى وزەكتى ىنتىماقتاستىق ماسەلەلەرى اڭگىمە وزەگىنە اينالعان باسقوسۋ بارىسىندا ەلىمىزدىڭ سىرتقى ساياسي ۆەدومستۆوسىنىڭ باسشىسى دوستاستىق كەڭىستىگىندەگى ينتەگراتسيالىق ۇدەرىستەردى ودان ءارى دامىتۋعا جانە جانداندىرۋعا دەگەن سەنىمدى ۇستانىمنىڭ نىعاياتىنىنا سەندىردى. اتاپ ايتقاندا, دوستاستىقتىڭ 20 جىلدىعىن اتاپ وتۋگە ورتاق جوسپارلار قۇرۋ, الداعى ۋاقىتتا كيەۆتە وتەتىن سىرتقى ىستەر مينيسترلەرىنىڭ كەزدەسۋىنە دايىندىق بارىسى مەن جاي-كۇيى تالقىلاندى.
وسى ورايدا, مەملەكەتتىك حاتشى – سىرتقى ىستەر ءمينيسترى تمد قىزمەتىنىڭ «ءبىر جىل – ءبىر تاقىرىپ» اتتى فورمۋلاسىنىڭ تيىمدىلىگىن اتاپ ءوتتى. بۇل فورمۋلاعا سايكەس, بەلگىلى ءبىر بارلىعىنا ورتاق نەگىزگى ماسەلەنى قاراستىرىپ, سول بويىنشا ناقتى جەتىستىكتەرگە قول جەتكىزۋگە بولادى. وسىعان بايلانىستى ءبىزدىڭ ەلىمىزدىڭ باستاماسىمەن «2011 جىل – ازىق-ت ۇلىك قاۋىپسىزدىگىن كۇشەيتۋ جىلى» دەپ جاريالانعان.
ءلايلا ەدىلقىزى.