وبلىس ورتالىعىندا “نۇر وتان” حالىقتىق-دەموكراتيالىق پارتياسى باستاماسىمەن قۇرىلعان “قازاقستان-2020” جالپىۇلتتىق دەموكراتيالىق كۇشتەر كواليتسياسىنىڭ ءمۇشەلەرى مەن پرەزيدەنتتىكتەن ۇمىتكەر نۇرسۇلتان نازارباەۆتى قولداۋ جونىندەگى رەسپۋبليكالىق شتاب وكىلدەرى كەرەكۋ ءوڭىرى – ءوندىرىستى ءوڭىردىڭ جۇرتشىلىق وكىلدەرىمەن كەزدەسۋلەر وتكىزدى.
وبلىسقا كەلگەن كواليتسيا مۇشەلەرىنىڭ قۇرامىندا ساياسي پارتيا جەتەكشىلەرى, ەلىمىزدىڭ تانىمال قوعام قايراتكەرلەرى, ۇكىمەتتىك ەمەس ۇيىم وكىلدەرى بولدى. «قازاقستان-2020» جالپىۇلتتىق دەموكراتيالىق كۇشتەر كواليتسياسىنا قوعامدىق جانە ساياسي كۇشتەر, مادەنيەت پەن ءبىلىم بەرۋ سالالارىنداعى بەدەلدى دە بەلگىلى تۇلعالار ءمۇشە ەكەنى بەلگىلى. بۇگىندە دەموكراتيالىق كۇشتەر كواليتسياسى باس بىرىكتىرە وتىرىپ, ەلىمىزدە جۇزەگە اسىرىلىپ جاتقان ساياسي ۇدەرىستەرگە, الەۋمەتتىك جانە ەكونوميكالىق جەتىستىكتەرگە قولداۋ كورسەتىپ كەلەدى.
وبلىس ورتالىعىنداعى «استانا» دەپ اتالاتىن سپورتتىق كەشەن عيماراتىندا وتكەن كەزدەسۋدە رەسپۋبليكالىق قوعامدىق شتابتىڭ توراعاسى, “نۇر وتان” حدپ توراعاسىنىڭ ءبىرىنشى ورىنباسارى نۇرلان نىعماتۋلين ءسوز سويلەدى. «الداعى سايلاۋعا جۇدىرىقتاي جۇمىلىپ قاتىسۋ, ونى ابىرويمەن وتكىزۋ – ءاربىر قازاقستاندىقتىڭ مىندەتى, – دەپ اتاپ ءوتتى ول. – ال پاۆلودار وبلىسى بولسا, ەلىمىزدەگى نەگىزگى يندۋستريالىق وبلىستاردىڭ بىرىنەن سانالادى. پرەزيدەنتتىككە كانديدات نۇرسۇلتان نازارباەۆ ءوندىرىستى وبلىسقا ەرەكشە نازار اۋدارىپ كەلەدى. سوندىقتان, ءوڭىر حالقى الداعى سايلاۋدا نۇرسۇلتان ءابىش ۇلىنا ءبىر كىسىدەي قولداپ داۋىس بەرەدى دەپ سەنەمىز».
ال توپ مۇشەلەرىنىڭ قۇرامىنداعى “ادىلەت” دەموكراتيالىق پارتياسىنىڭ ءتوراعاسى م.نارىكباەۆ, پارلامەنت ءماجىلىسىنىڭ دەپۋتاتى ب.تىلەۋحان, پارلامەنت سەناتىنىڭ دەپۋتاتى قۋانىش سۇلتانوۆ, ورالباي ءابدىكارىموۆ, اۋعان سوعىسى ارداگەرلەرى قاۋىمداستىعى ءتوراعاسىنىڭ ورىنباسارى باقىتبەك سماعۇل دا ءوز ءسوزدەرىندە العاشقى پىكىردى تەرەڭدەتە ءتۇستى. اتاپ ايتقاندا, بۇل سايلاۋدىڭ ەلىمىزدىڭ بولاشاعى ءۇشىن ماڭىزدى ەكەنى, سان عاسىرلار قازاق ەلىنىڭ باسىنان قيلى ۋاقىتتار ءوتكەنى, بۇگىندە جاقسى كۇندەرگە قول جەتكىزىپ وتىرعانىمىز كولدەنەڭ تارتىلدى. اينالامىزدا بولىپ جاتقان ءتۇرلى وقيعالاردىڭ ەلىمىزدەن اۋلاقتا ەكەنى, ءبىزدىڭ تىنىشتىقتى قالايتىنىمىز اتاپ كورسەتىلدى. توپ مۇشەلەرىنىڭ ايتۋىنشا, ولار توقتاعان ورتاق ءبىر پىكىر بار, ول مىناۋ: مەملەكەتتىڭ تاعدىرى شەشىلەر سىن كەزەڭدە تۇرمىز, مۇنى ءاربىر سايلاۋشى ۇعىپ, تاڭداۋ جاساۋدا قاتەلىككە جول بەرمەۋى كەرەك.
تۇستەن كەيىن “قازاقستان-2020” جالپىۇلتتىق دەموكراتيالىق كۇشتەر كواليتسياسىنىڭ مۇشەلەرى توپ-توپقا ءبولىنىپ, وبلىس ورتالىعىنداعى قازاقستان ەلەكتروليز زاۋىتىندا, اقسۋ قالاسىنداعى ەۋرازيالىق ەنەرگەتيكالىق كورپوراتسيادا جۇمىسشىلارمەن كەزدەسۋلەر وتكىزدى. سونىمەن قاتار, توپ ءمۇشەلەرى وبلىس ورتالىعىنداعى ەستاي اقىن اتىنداعى مادەنيەت سارايىندا زيالى قاۋىم وكىلدەرىمەن كەزدەستى. جالپى, كەزدەسۋلەرگە قاتىسقان 10 مىڭداي ادام ەلىمىزدەگى كەزەكتەن تىس پرەزيدەنتتىك سايلاۋدا نۇرسۇلتان نازارباەۆتىڭ كانديداتۋراسىن ءبىراۋىزدان قولدايتىندىقتارىن ءبىلدىردى.
فاريدا بىقاي.
پاۆلودار.