عالامتور مۇمكىندىگىن پايدالانعان ناسيحات

كەشە پرەزيدەنتتىكتەن ۇمىتكەر, قازاقستاننىڭ پات­ريوتتار پارتياسىنىڭ سەركەسى عاني قاسىموۆ «BNews.kz» اقپارات اگەنتتىگىنىڭ ستۋدياسىندا ينتەرنەت جەلىسىندە بەينە-كونفەرەنتسيا وتكىزدى. الدىمەن عاني ەسەنكەلدى ۇلى ءوزىنىڭ سايلاۋالدى تۇعىرناماسىمەن تانىستى­رىپ, سايلاۋشىلارمەن كەزدەسۋلەرىندە كوپشىلىك تاراپىنان ايتىلعان تىلەكتەرگە دە توقتالىپ ءوتتى. سودان كەيىن ساۋال­دار­عا جاۋاپ بەرگەن ۇمىتكەر وسىعان دەيىنگى پرەزيدەنتتىك سايلاۋعا تۇسكەندە, جاستاۋ بولسام, قازىر ەسەيدىم, بۇرىن «جالعىز شاپقاننىڭ ءدۇبىرى شىقپاس» دە­گەندەي, جالعىز ەدىم, ال ەندى وسى سايلاۋدا مەنى قولداعان پارتيالاستارىم بولدى. بۇل, ارينە, ءبىزدىڭ پارتيامىز ءۇشىن وتە ماڭىزدى. الدا پارلامەنتتىك سايلاۋلار وتكەندە دە پارتياعا وسى جي­ناعان تاجىريبە كومەگىن تيگىزەتىن بولادى, دەدى. – وسى جولعى سايلاۋالدى ۇگىت-ناسي­حات جۇمىستارىنان ۇمىتكەرلەردىڭ ءبىرى­نىڭ باس تارتۋى دۇرىس بولمادى. وسىنداي جاعدايدا قال­عان ۇشەۋمىز دە تەلەديداردان بەرىلەتىن پىكىرتالاستان باس تارتۋىمىزعا تۋرا كەلدى. سايلاۋعا ءتورت ءۇمىت­كەر تۇسكەندىكتەن, ۇشەۋ­­مىزدىڭ عانا بارىپ جۋر­ناليستەردىڭ قوي­عان ساۋالدارىنا جاۋاپ بەرۋىمىز ورىنسىز كورى­نەتىن بولدى, ال نەگىزىندە قاي كانديداتتى دا بارلىق كورەرمەن­دەر­دىڭ تىڭداۋى, وي ءتۇيۋى قالىپتى كورىنەر ەدى. كەلەسى جولعى سايلاۋدا زاڭ­نامالىق تۇرعىدا وسىنى بەكىتۋ قاجەت. تەلەديداردان پىكىرتالاستار مىندەتتى تۇردە وتكىزىلۋى ءتيىس دەپ سانايمىن, – دەدى ع.قاسىموۆ. سودان كەيىن ءوزىنىڭ كەزدەسۋلەر وتكىزگەندە حالىقتىڭ كوڭىل كۇيىنە قاتتى كوڭىل بولگەنىن ايتتى. ءبىر بايقاعانىم, ەشقاشان ورىندالمايتىن ۋادە بەرۋگە بولمايدى, ول بۋمەرانگ رەتىندە بەتىڭە قايتىپ سوعۋى مۇمكىن, دەگەن عاني ەسەنكەلدى ۇلى الدىن الا bnews.kz پورتالىندا ۇمىتكەرمەن ون­لاين كونفەرەنتسيا بو­لا­دى دەگەنگە حابار­لا­نىپ, سۇراقتارىن جول­دا­عان ينتەرنەت پاي­دا­لانۋشىلاردىڭ قويعان ساۋالدارىن دا جاۋاپ­سىز تاستاعان جوق. ولار دا ءتۇرلى تاقىرىپتارعا باعىتتالعان ەكەن. ءبىرى – اگرارلىق سەكتوردى رەفورمالاۋ قانداي با­عىتپەن جۇرگىزىلۋى ءتيىس؟ – دەسە, ەكىنشىسى – «باي قۇداي بولسام دەيدى» دەگەندەي, قازاقستان وليگارحتارى قۇداي بولا ما الدە ولاردىڭ مۇيىزدەرىن قايىرۋدىڭ امالى بار ما, ەگەر پرەزيدەنت بولساڭىز وسىلارمەن قالاي كۇرەسەر ەدىڭىز؟ – دەپ سۇرايدى. بارلىق ساۋالدارعا جاۋاپ بەرگەن پرەزيدەنتتىكتەن ۇمىتكەر ەرتەڭگى سايلاۋدا ەلىن سۇيەتىن پاتريوتتارعا ەلدىڭ سەنىپ داۋىس بەرەتىنىنە ءوزىنىڭ سەنەتىندىگىن ءبىلدىردى. انار تولەۋحانقىزى. استانا.