Weproject.kz قازاقستاندىقتاردىڭ شەتەلدە تەگىن ءبىلىم الۋىنا مۇمكىندىك بەرەتىن باعدارلامالار تۋرالى اقپارات ۇسىندى:
1. DAAD شاكىرتاقىلىق باعدارلاماسى, گۋمبولدت اتىنداعى بەرلين ۋنيۆەرسيتەتى
اكادەميالىق الماسۋلاردىڭ نەمىس قىزمەتى باعدارلاماسى - گەرمانيانىڭ جوعارى وقۋ ورىندارىن بىرىكتىرىپ, الەمدەگى ستۋدەنتتەر مەن عالىمداردىڭ حالىقارالىق اكادەميالىق الماسۋىنا كومەكتەسەتىن ءىرى ۇيىم.
قاجەتتى قۇجاتتار جيىنتىعى: وتىنىمنىڭ تولتىرىلعان بلانكىسى (http://www.daad.kz/ru/14889/index.html); ومىربايان; ۋاجدەمە حات; وقىتۋشىلاردان ۇسىنىس حاتتار; نەمىس جانە/نەمەسە اعىلشىن تىلدەرىن بىلەتىنى تۋرالى تىلدىك سەرتيفيكات: DSD II, TestDaF, DSH, OnDaF / TOEFL, IELTS; مەكتەپ اتتەستاتىنىڭ كوشىرمەسى; ديپلوم/ترانسكريپت كوشىرمەسى.
ۇمىتكەرلەر قۇجاتتارىن DAAD پورتالىندا جۇكتەي الادى (https://portal.daad.de/irj/portal DAAD), سونداي-اق وتىنىمدەردى DAAD ايماقتىق وكىلدىكتەرىنە جىبەرە الادى: الماتى ق., يۆانيلوۆ ك, 2, گفر باس كونسۋلدىعى, مادەنيەت ءبولىمى. تولىق اقپاراتتى daad.kz/ru رەسمي سايتىنان بىلە الاسىز.
مەكەن-جايى: الماتى ق., قازاقستان-نەمىس ۋنيۆەرسيتەتى, پۋشكين ك., 111/113, 18-كەڭسە
بايلانىس تەلەفونى: 8 727 293 90 35
2. Chevening شاكىرتاقىلىق باعدارلاماسى, لوندون ەكونوميكا جانە ساياسي عىلىمدار مەكتەبى.
Chevening بريتانيا ۇكىمەتتىك شاكىرتاقىسى — ۇلىبريتانيادا ءبىلىم الۋدىڭ ەڭ بەدەلدى ماراپاتتارىنىڭ ءبىرى. شاكىرتاقى قازاقستاننىڭ جاس كوشباسشىلارىنا ارنالعان.
Chevening باعدارلاماسىنىڭ تالاپتارى: جوعارى ءبىلىم تۋرالى ديپلومنىڭ بولۋى; وقۋدىڭ تاڭدالعان باعىتى بويىنشا كەمىندە ەكى جىل جۇمىس ءوتىلىنىڭ بولۋى; باعدارلاما تالاپتارىنا سايكەس اعىلشىن ءتىلىن ءبىلۋ (http://www.chevening.org/apply/guidance#English%20language).
وتىنىمدەر e-Chevening جۇيەسى ارقىلى ونلاين رەجيمىندە قابىلدانادى (http://www.chevening.org/apply).
3. Fulbright شاكىرتاقىلىق باعدارلاماسى, گارۆارد ۋنيۆەرسيتەتى
دالدىك عىلىمدار جانە تەحنولوگيالار سالاسىنداعى Fulbright (فۋلبرايت) شاكىرتاقىسى اقش-تىڭ ەڭ تانىمال وقۋ ورىندارىنىڭ بىرىندە تەگىن ءبىلىم الۋ مۇمكىندىگىن ۇسىنادى. ماگيستراتۋرادا ءبىلىم الۋعا ارنالعان باعدارلاما تۇلەكتەر مەن جاس مامانداردىڭ اقش-تا ماگيستر دارەجەسىن الۋىنا كومەكتەسەدى. شاكىرتاقى وقۋعا, جول اقىسىنا, مەديتسينالىق ساقتاندىرۋعا, تۇرۋعا, وقۋلىقتار ساتىپ الۋعا جۇمسالاتىن جانە باسقا دا ۇساق-تۇيەك شىعىنداردى تولىعىمەن وتەيدى.
قاجەتتى قۇجاتتار جيىنتىعى: ونلاين رەجيمىندە تولتىرىلعان ساۋالناما (https://apply.embark.com/student/fulbright/flta/27/); جوعارى ءبىلىم تۋرالى ديپلومنىڭ كوشىرمەسى, سونداي-اق شەت تىلىنە اۋدارىلعان جانە نوتاريالدى كۋالاندىرىلعان ونىڭ قوسىمشالارىنىڭ كوشىرمەسى; وقىتۋشىلاردان ءۇش ۇسىنىم حات; TOEFL, GME سەرتيفيكاتىنىڭ بولۋى; تۇيىندەمە; تولقۇجات كوشىرمەسى.
قۇجاتتاردى اقش ەلشىلىگى قابىلدايدى. ۇمىتكەرلەردى باستاپقى ىرىكتەۋدى اقش ەلشىلىگى جۇزەگە اسىرادى. ارى قاراي كانديداتۋرانى اقش-تىڭ تاۋەلسىز ىرىكتەۋ كوميسسيالارى قارايدى.
مەكەن-جايى: قوشقارباەۆ ك., 3
بايلانىس تەلەفونى: 702 100, 540 914
4. ەدمۋند ماسكي شاكىرتاقىلىق باعدارلاماسى, ماسساچۋسەتس تەحنولوگيالىق ينستيتۋتى
باعدارلاما جوعارى ءبىلىمدى مامانداردىڭ اقش ۋنيۆەرسيتەتتەرىندە ماگيستر دارەجەسىن الۋىنا مۇمكىندىك بەرەدى. بارلىق قاتىسۋشىلار اشىق بايقاۋ نەگىزىندە ىرىكتەلەدى.
قاجەتتى قۇجاتتار جيىنتىعى: ونلاين رەجيمىندە تولتىرىلعان ساۋالناما (https://www.irex.org/user/login?destination=/application/edmund-s-muskie-graduate-fellowship-program...); ۇش ۇسىنىم حات جانە ولاردىڭ كۋالاندىرىلعان اعىلشىن تىلىندەگى اۋدارماسى; جوعارى ءبىلىم تۋرالى ديپلومنىڭ كوشىرمەسى, سونداي-اق شەت تىلىنە اۋدارىلعان جانە نوتاريالدى كۋالاندىرىلعان ونىڭ قوسىمشالارىنىڭ كوشىرمەسى; TOEFL, IELTS سەرتيفيكاتىنىڭ بولۋى; سىناق كىتاپشاسىنان ءۇزىندىنىڭ كۋالاندىرىلعان كوشىرمەسى جانە ونىڭ كۋالاندىرىلعان اعىلشىن تىلىندەگى اۋدارماسى.
ءوتىنىمدى اكەلىپ بەرۋگە نەمەسە IREX (ايرەكس) كەڭسەسىنە پوشتامەن جىبەرۋگە بولادى.
مەكەن-جايى: الماتى ق., جىبەك جولى ك., 60, 12-كەڭسە
بايلانىس تەلەفونى: 8 727 273 41 50 نەمەسە قاجەتتى قۇجاتتار جيىنتىعىن irex@freenet.kz مەكەن-جايىنا جىبەرۋ
5. كونفۋتسي ينستيتۋتىنىڭ شاكىرتاقىلارى, پەكين ۋنيۆەرسيتەتى
بۇكىل الەمدە قىتاي ءتىلى مەن قىتاي مادەنيەتىن دامىتۋ ءۇشىن «كونفۋتسي ينستيتۋتىنىڭ شاكىرتاقىلارى» قىتاي ۋنيۆەرسيتەتەرىندە قىتاي ءتىلىن شەت ءتىلى رەتىندە وقىتۋ سالاسىندا ماگيستر دارەجەسىن الۋعا, سونداي-اق قىتاي ءتىلى مەن ادەبيەتى, قىتاي تاريحى مەن فيلوسوفياسى ماماندىقتارى بويىنشا دا وقۋعا مۇمكىندىك بەرەدى.
قاجەتتى قۇجاتتار جيىنتىعى: ۇمىتكەرلەردىڭ سايتقا كىرىپ, ءپىشىندى تولتىرۋى (http://cis.chinese.cn/) جانە كەلەسى قۇجاتتاردىڭ سكان-كوشىرمەلەرىن تىركەۋى شارت: ساۋالناما; تولقۇجاتتىڭ فوتوسۋرەتى بار بەتىنىڭ سكان-كوشىرمەسى; HSK جانە HSKK سەرتيفيكاتتارىنىڭ سكان-كوشىرمەسى; ديپلومنىڭ قىتاي نەمەسە اعىلشىن تىلىندەگى اۋدارماسى جانە سوڭعى وقۋ ورنىنان وقۋ ورنى كۋالاندىرعان ۇلگەرىم بلانكىسى; پروفەسسور نەمەسە دوتسەنتتەن قىتاي نەمەسە اعىلشىن تىلىندە ەكى ۇسىنىم حات; ماگيسترلىك باعدارلامانى اياقتاعان سوڭ, كەمىندە بەس جىل شەت ءتىلى رەتىندەگى قىتاي ءتىلىنىڭ وقىتۋشىسى بولىپ جۇمىس ىستەۋگە دايارلىعى تۋرالى قىتاي تىلىندە جازىلىپ, ۇمىتكەردىڭ قولى قويىلعان جازباشا راستاما.
سۇراقتار بويىنشا قازاقستانداعى قىتاي ەلشىلىگىنە حابارلاسىڭىز.
مەكەن-جايى: قابانباي باتىر د., 28
بايلانىس تەلەفونى: 793 561, 793 565
6. زەرتتەۋشىلەرگە ارنالعان ورتالىق ازيا شاكىرتاقىلىق باعدارلاماسى
باعدارلاما ءوز زەرتتەۋلەرى مەن تالدامالى ماشىق اۋقىمىن كەڭەيتكىسى كەلەتىن, سونداي-اق قوعامدىق-ساياسي كوشباسشىلار بولۋعا ۇمتىلاتىن جاس كاسىپقوي عالىمدارعا, ساياسات سالاسىنىڭ ساراپشىلارىنا ارنالعان.
قاجەتتى قۇجاتتار جيىنتىعى: ۋاجدەمەلىك حات; بەرىلگەن تاقىرىپ بويىنشا اعىلشىن تىلىندە جازىلعان ەسسە; تۇيىندەمە بەس بەتتەن اسپاۋى ءتيىس; ورتالىق ازيا اۋماعىندا تۇراقتى تۇراتىنىن راستايتىن قۇجات.
قاجەتتى قۇجاتتار جيىنتىعىن PDF فورماتىندا ەلەكتروندى پوشتا ارقىلى جىبەرۋ قاجەت: CAFellows@sipri.org
7. Endeavour Awards شاكىرتاقىلىق باعدارلاماسى, مەلبۋرن ۋنيۆەرسيتەتى
وقۋ مەن قىزمەتتەگى جوعارى ناتيجەلەرى مەن ەڭبەگى ءۇشىن دۇنيە ءجۇزى ستۋدەنتتەرىن, زەرتتەۋشىلەرى مەن ماماندارىن ىنتالاندىرۋعا باعىتتالعان اۆستراليا ۇكىمەتى قۇرعان حالىقارالىق ءبىلىم بەرۋ باعدارلاماسى.
قاجەتتى قۇجاتتار جيىنتىعى: بايقاۋعا قاتىسۋ ءۇشىن ءوتىنىم ءپىشىنىن تولتىرۋ (https://internationaleducation.gov.au/Endeavour%20program/Scholarships-and-Fellowships/Applications/...) جانە كەلەسى قۇجاتتاردى جىبەرۋ شارت: جوعارى ءبىلىم تۋرالى ديپلومنىڭ, سونداي-اق اعىلشىن تىلىندەگى ونىڭ قوسىمشالارىنىڭ نوتاريالدى كۋالاندىرىلعان كوشىرمەسى; وقىتۋشىلاردان ۇسىنىم حات; ۋاجدەمەلىك حات; TOEFL, IELTS سەرتيفيكاتى; ازاماتتىقتى راستايتىن قۇجاتتىڭ كوشىرمەسى; قابىلداۋشى ۋنيۆەرسيتەتتىڭ شاقىرتۋى.
وتىنىمدەردى اۆستراليا ەلشىلىگى قابىلدايدى.