بۇرناعى كۇنى پرەزيدەنتتىكتەن ۇمىتكەر ن.ا.نازارباەۆتىڭ قالالىق قوعامدىق شتابىنىڭ ۇيىتقى بولۋىمەن وسىنداعى وقۋشى-ستۋدەنت جاستار اراسىندا ءتۇرلى مازمۇنداعى ساياسي شارالار وتكىزىلدى. ايتالىق, يننوۆاتسيالىق زاڭ جانە شاكارىم اتىنداعى سەمەي مەملەكەتتىك ۋنيۆەرسيتەتتەرىندە «وزىڭدى سايلاۋشى رەتىندە ويات» دەگەن تاقىرىپپەن جاستاردىڭ فلەش-موب جيىنى وتكىزىلدى.
ال باسقا دا ورتا ارناۋلى جانە جوعارى وقۋ ورىندارىنداعى جيىندار «داۋىس بەر! قىسىلما!», «ءبىز بولماساق, ەندى كىم؟», «مەن ءبىرىنشى رەت داۋىس بەرگەلى وتىرمىن», «مەنىڭ ءبىرىنشى داۋىسىمدى ماڭىزدى داۋىس دەپ ەسەپتەيمىن» دەگەن تاقىرىپتاردا ءوتتى.
سول جيىنداردىڭ ارقايسىسىنا ەكى جۇزدەن ەكى مىڭعا دەيىن وقۋشى-ستۋدەنتتەر قاتىستى. سولايشا سەمەيلىك جاستار كەزەكتى بيىلعى سايلاۋعا ءبىر كىسىدەي زور بەلسەندىلىكپەن قاتىسامىز دەپ وتىر.
داۋلەت سەيسەن ۇلى.
سەمەي.