بارلىق جاعداي جاسالادى

كەشە استانادا قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ ەقىۇ پارلامەنتتىك اسسامبلەياسىنىڭ باس حاتشىسى سپەنسەر وليۆەرمەن كەزدەستى. س.وليۆەر قازاقستاندى ەقىۇ-داعى جەمىستى توراعا­لى­عىمەن جانە استانا دەك­لا­را­تسيا­سىنىڭ قابىلدانۋىمەن قۇت­تىقتادى. اڭگىمەلەسۋشى تاراپتار الداعى پرەزيدەنتتىك ساي­لاۋ­دىڭ اشىق ءارى ءادىل ءوت­كەنىن قول­دايتىندىقتارىن ءما­لىم­دەدى. ءوز كەزەگىندە ق. ساۋداباەۆ قازاقستاننىڭ 2010 جىلعى ەقىۇ-داعى توراعالىعى كە­زە­ڭىندە قازاقستان باستاما­لا­رى­نا بارىنشا قولداۋ كورسەتكەنى ءۇشىن جانە سايلاۋعا بەلسەندى قا­تىسىپ وتىرعانى ءۇشىن ەقىۇ پارلامەنتتىك اسسام­بلەيا­سىنا العىسىن ءبىلدىرىپ, جە­مىستى ءارى تولىققاندى جۇمىس جاساۋعا بارلىق جاعداي جاسالاتىنىنا سەندىردى, دەپ حابارلادى قر ءسىم-ءىنىڭ ءباسپاسوز قىزمەتى.