كەشە «نۇر وتان» حدپ ورتالىق اپپاراتىندا قازاقستان رەسپۋبليكاسى پرەزيدەنتتىگىنە كانديدات ن.ءا. نازارباەۆتىڭ رەسپۋبليكالىق قوعامدىق شتابىنىڭ باسشىسى نۇرلان نىعماتۋليننىڭ اقش بايقاۋشىلارىمەن كەزدەسۋى ءوتتى.
سۇحبات بارىسىندا بىرقاتار ماسەلەلەر, اسىرەسە, الداعى پرەزيدەنتتىك سايلاۋ ماسەلەسى تالقىلاندى. شتاب مۇشەلەرى جانە «قازاقستان-2020» جالپىۇلتتىق دەموكراتيالىق كۇشتەر كواليتسياسى سايلاۋالدى ۇگىت ناۋقانى شەڭبەرىندە ەلدىڭ بارلىق ايماقتارىنا بارىپ قايتتى. شتاب باسشىسى نۇرلان نىعماتۋلين قازاقستاندىقتارمەن بولعان كەزدەسۋلەر ەلدىڭ كوپشىلىك ازاماتتارى پرەزيدەنتتىككە كانديدات نۇرسۇلتان نازارباەۆتى جانە ونىڭ جۇرگىزىپ وتىرعان باعىتىن قولدايتىندىعىن كورسەتىپ وتىر دەپ اتاپ ءوتتى. سونىمەن قاتار, نۇرسۇلتان نازارباەۆتىڭ سايلاۋالدى شتابىنىڭ بارلىق ۇگىت ناۋقانى اشىق جانە ءادىل جۇرگىزىلگەنىن اتاپ ءوتتى. نۇرلان نىعماتۋلين قازاقستاندا سايلاۋ قاتاڭ زاڭناما شەڭبەرىندە وتەتىندىگىنە سەنىمىن ءبىلدىردى.
«ەگەمەن-اقپارات».