ماڭعىستاۋ تاۋلارى – كاسپي تەڭىزىندەگى ماڭعىستاۋ تۇبەگىندە جاتىر. ولاردىڭ قۇرامىنا قاراتاۋدىڭ باتىس جانە شىعىس جوتالارى, اقتاۋدىڭ وڭتۇستىك جانە سولتۇستىك جوتالارى ەنەدى. قاراتاۋدىڭ ۇزىندىعى – 117, اقتاۋدىڭ ۇزىندىعى – 70 شاقىرىم. ءبارى دە جىرالار, سايلار, اڭعارلار, جارتاستارمەن بولشەكتەلگەن. ماڭعىستاۋ تاۋلارىنىڭ ەڭ بيىك نۇكتەسى – قاراتاۋ-بەسشوقى (556 م).
تاۋلاردىڭ وڭتۇستىك ءبولىگىندە باتىر اتالاتىن ويپات بار. بۇل – قازاقستاننىڭ ەڭ تومەن نۇكتەسى. اتالعان ويپات الەم بويىنشا يزرايلدەگى ءولى تەڭىزدەن (- 395 م), قىتايداعى تۇرفان قازانشۇڭقىرىنان (-154 م), افريكاداعى اسسال كولىنەن (-150 م), مىسىرداعى كاتتارا ويپاتىنان (-133) كەيىن بەسىنشى ورىندا تۇر.