2016 جىلدىڭ قورىتىندىسى بويىنشا, اقمولا وبلىسى ەكونوميكاسىنىڭ بارلىق سالاسىندا جاعىمدى ديناميكالىق ءوسiم بايقالدى. بۇل تۋرالى وبلىستىق ەكونوميكا جانە بيۋدجەتتiك جوسپارلاۋ باسقارماسىنىڭ باسشىسى باۋىرجان مالعاجداروۆ ايتتى, دەپ حابارلايدى قازاقپارات.
يدم باعدارلاماسىن جۇزەگە اسىرۋ كەزەڭىندە (2010-2016 جىلدارى) 7,1 مىڭ تۇراقتى جۇمىس ورنى قۇرىلىپ, قۇنى 180,6 ملرد. تەڭگەنىڭ 78 جوباسى iسكە قوسىلدى. اۋىلشارۋاشىلىق ءونىمنىڭ جالپى كولەمi 347,0 ملرد. تەڭگەنى, ناقتى كولەمنiڭ يندەكسi 2015 جىلدىڭ دەڭگەيiمەن سالىستىرعاندا 108,7 پايىزدى قۇرادى.
ءداندi جانە ءداندi بۇرشاق داقىلدارىنىڭ جالپى ءتۇسiمi 5723,2 مىڭ توننانى, ال مايلى داقىلداردان جالپى جينالىم 184,0 مىڭ توننانى قۇرادى. وبلىس بويىنشا ورتاشا ونىمدىلىك گەكتارىنا 8,7 تسەنتنەردەن اينالدى.
"نۇرلى جول", "وڭىرلەردى دامىتۋ - 2020" مەمباعدارلامالارى شەڭبەرiندە 19 جوبانى جۇزەگە اسىرۋ ءۇشىن 3,7 ملرد. تەڭگە ءبولiندى. 2016 جىلدىڭ قاڭتار-جەلتوقسان ايلارى ارالىعىندا 364,8 مىڭ شارشى مەتر تۇرعىن ءۇي پايدالانۋعا بەرىلدى. بۇل 2015 جىلدىڭ سəيكەس كەزەڭىمەن سالىستىرعاندا 129,3 پايىزدى قۇرادى. «جالپى, 2016 جىلدىڭ قورىتىندىسى بويىنشا, اقمولا وبلىسى ەكونوميكاسىنىڭ بارلىق سالاسىندا جاعىمدى ديناميكالىق ءوسiم بايقالدى", - دەدi ب. مالعاجداروۆ.