بۇگىن ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ قشيكق باسقارما توراعاسى, «دويچە بانك» اق-نىڭ قر-داعى وكىلدىگىنىڭ باسشىسى ۋ. ۆوكۋركا باستاعان «قازاقستاننىڭ شەتەلدىك ينۆەستورلار كەڭەسى» قاۋىمداستىعى (قشيكق) باسقارماسىنىڭ مۇشەلەرىمەن كەزدەسۋ وتكىزدى, دەپ حابارلادى primeminister.kz.
كەزدەسۋ بارىسىندا قاتىسۋشىلار ينۆەستيتسيالىق احۋالدى ودان ءارى جاقسارتۋ, سونداي-اق مەملەكەت باسشىسىنىڭ توراعالىعىمەن وتەتىن شەتەلدىك ينۆەستورلار كەڭەسىنىڭ الداعى پلەنارلىق وتىرىسىنا دايىندىق ماسەلەلەرىن قاراستىردى.