داۆوستا ءوتىپ جاتقان دۇنيەجۇزىلىك ەكونوميكالىق فورۋمدا Alibaba ينتەرنەت الپاۋىتىنىڭ نەگىزىن قالاۋشى دجەك ما اقش-تىڭ جاھاندانۋ ۇردىستەرىندە جىبەرگەن كەي قاتەلىكتەرىنە توقتالدى.
"امەريكانىڭ حالىقارالىق كومپانيالارى جاھاندانۋدان ميلليونداعان دوللار تابىس تاپتى. بىراق بۇل كىرىس ەل ىشىندە ءادىل تۇردە تاراتىلماعاندىقتان, قاراپايىم امەريكالىق ازاماتتاردىڭ نارازىلىعىن تۋدىرىپ وتىر", - دەدى دجەك ما.
“وزگە ەلدەر امەريكالىقتاردىڭ جۇمىسىن تارتىپ الىپ جاتقان جوق, امەريكا بيۋدجەتتەگى اقشانى تەڭدەي بولە الماي وتىر", - دەدى.
وسى ورايدا دجەك ما اقش-قا جاھاندانۋ ۇردىستەرىن قايتا قاراپ شىعۋ كەرەكتىگىن ايتتى.
“مەن جاھاندانۋدىڭ يگىلىگىنە سەنەمىن, بىراق ونى ازداپ تۇزەتۋ كەرەك", - دەپ تۇيىندەدى ءوز ءسوزىن دجەك ما.