باتىس قازاقستان وبلىسى بيۋدجەتىنە 2016 جىلى 148,3 ملرد. تەڭگە تۇسسە, سونىڭ ىشىندە كىرىسى - 136,9 ملرد. تەڭگە, دەپ حابارلادى بقو قارجى باسقارماسى.
نەگىزگى كىرىس كوزدەرى رەسپۋبليكالىق بيۋدجەتتەن كەلگەن ترانسفەرتتەر (70,3 پايىز) جانە سالىقتىق تۇسىمدەر (28,1 پايىز) بولىپ تابىلادى. رەسپۋبليكالىق قازىنادان ءبىر جىل ىشىندە 96,1 ملرد. تەڭگە ترانسفەرت تۇسسە, سونىڭ 37,0 ملرد. تەڭگەسى - سۋبۆەنتسيالار. ەل بيۋدجەتىنەن كەلگەن ماقساتتى ترانسفەرتتەر 59,1 ملرد. تەڭگەنى قۇراسا, سونىڭ 52,5 ملرد. تەڭگەسى - اعىمداعى ترانسفەرتتەر, 6,6 ملرد. تەڭگە دامۋعا جۇمسالدى. سالىقتىق تۇسىمدەر قۇرىلىمىندا جەكە تابىس جانە الەۋمەتتىك سالىقتىڭ ۇلەسى 81,5 پايىزدى (31,3 ملرد. تەڭگە) قۇرادى.
رەسپۋبليكالىق بيۋدجەتتەن بەرىلگەن 4,7 ملرد. تەڭگە زايىمدىق قارجى «ديپلوممەن اۋىلعا» باعدارلاماسىن جۇزەگە اسىرۋ شارالارىنا (1075,3 ملن. تەڭگە), «جۇمىسپەن قامتۋدىڭ جول كارتاسى - 2020» اياسىندا كاسىپكەرلىكتى دامىتۋعا (919,0 ملن. تەڭگە), جىلۋ, سۋمەن قامتۋ جۇيەلەرىن قايتا قۇرۋ مەن سالۋعا (2554,3 ملن. تەڭگە), مونوقالادا (اقسايدا) كاسىپكەرلىكتى دامىتۋعا سەپتەسۋگە (152,1 ملن. تەڭگە) باعىتتالدى. وعان قوسا «نۇرلى جول» باعدارلاماسىن جۇزەگە اسىرۋ اياسىندا تۇرعىن ءۇي قۇرىلىسىن قارجىلاندىرۋ ءۇشىن وبلىس اكىمدىگىمەن 1,6 ملرد. تەڭگەگە مەملەكەتتىك قۇندى قاعازدار (وبليگاتسيالار) شىعارىلدى.