تاياۋدا كۇرشىم اۋدانىنىڭ ۇشبۇلاق اۋىلىندا جاڭا مەكتەپ اشىلدى.
80 ورىندىق جاڭا مەكتەپتىڭ بيولوگيا, حيميا, فيزيكا پاندەرىنە ارنالعان سىنىپتارى مەن زەرتحانالارى سونى ۇلگىدەگى تەحنيكالىق قۇرالدارمەن جابدىقتالعان جانە ينتەراكتيۆتى تاقتامەن, كومپيۋتەر سىنىبىمەن قامتاماسىز ەتىلگەن. مەكتەپ قۇرىلىسىنا 240 ميلليون تەڭگەگە جۋىق قاراجات جۇمسالدى. كۇرشىم اۋدانىنىڭ اكىمى سەيسەنعازى چۋكاەۆتىڭ ايتۋىنشا, تاۋەلسىزدىكتىڭ شيرەك عاسىرى ىشىندە كۇرشىم-مارقا وڭىرىندە 16 جاڭا مەكتەپ بوي كوتەردى.
– ەلباسى نۇرسۇلتان نازارباەۆتىڭ «ءبىز ءبىلىم-عىلىم سالاسىندا باسەكەگە قابىلەتتى بولماساق, ءوز ماقساتىمىزعا جەتە المايمىز. بارلىعى مەكتەپتەن, ال قازاقستان ءۇشىن اۋىل مەكتەبىنەن باستالادى», دەگەن ءسوزى بار. ياعني, مەملەكەت باسشىسى اتاپ ءوتكەندەي, بولاشاعىمىزدىڭ جارقىن بولۋى كەلەشەكتە ەل ءتىزگىنىن ۇستايتىن بۇگىنگى ۇرپاقتىڭ ەنشىسىندە. سوندىقتان, ەلىمىزدە جاس بۋىننىڭ ءبىلىم الۋىنا بارلىق جاعداي جاسالىپ وتىر, – دەدى اۋدان باسشىسى.
ۇشبۇلاق اۋىلىنىڭ بايىرعى تۇرعىنى, تىل ارداگەرى مۇحتارحان اقپىشەۆ كەشەگى زاماننان بۇگىنگى كۇننىڭ وزعانىن, تاۋەلسىزدىكتىڭ ەل باعىنا بەرىلگەن ەرەكشە قاستەرلى قۇندىلىق ەكەنىن جەتكىزدى. سونىڭ ءبىر جارقىن كورىنىسى – ۇشبۇلاقتىق بالالارعا ءبىلىم بەرەتىن زاماناۋي مەكتەپتىڭ پايدالانۋعا بەرىلۋى, دەدى اۋىل اقساقالى.
دۋمان اناش,
«ەگەمەن قازاقستان»
شىعىس قازاقستان وبلىسى,
كۇرشىم اۋدانى