التىن كورىپ, جولدان تايدى

ستەپنوگور قالاسىنداعى اقسۋ جۇمىسشى كەنتىندە پوليتسيا قىزمەتكەرلەرى قۇرامىندا التىنى بار كەندى وڭدەيتىن جاسىرىن تسەحتى انىقتادى. وبلىستىق ءىىد ءباسپاسوز قىز­مەتى حابارلاعانىنداي, بۇل تسەح جەرگىلىكتى تۇرعىننىڭ شارۋا­شىلىق اۋلاسىنان تابىلعان. كىشىگىرىم قورادا كەندى ۇنتاق­تايتىن, ونى جۋىپ-شاياتىن جاب­دىقتار مەن ەلەكتر قوزعالتقىش ورناتىلىپتى. ءتارتىپ ساقشىلارى تسەحتىڭ 33 جاستاعى يەسىن «جۇ­مىس» بارىسىندا قۇرىقتاعان. قازىرگى كۇنى اتالعان وقيعاعا بايلانىستى قر قك 334-بابىنىڭ 1-بولىمىمەن (كەن بايلىعىن ءوز بەتىنشە پايدالانۋ) قىلمىستىق ءىس قوزعالدى. ەندىگى جەردە قىل­مىسكەر 500 ايلىق ەسەپ (135 ميلليون تەڭگە) كولەمىندە ايىپپۇل تولەۋى نەمەسە 90 تاۋلىككە قاماۋعا الىنۋى مۇمكىن. ەندەشە, 33 جاس­تاعى زىڭگىتتەي جىگىتتى ايگىلى ما­قال تىركەسىندەگى «پەرىشتە» دەۋى­مىزگە دە كەلمەيتىندەي. جالپى, وڭاي ولجاعا كەنەلگىسى كەلەتىندەر قاتارى ازاياتىن ەمەس. ولاي دەۋىمىزگە, بىلتىر پوليتسەيلەر 6500 زاڭسىز «كەنشىنى» ۇس­تاپ, قۇرامىندا التىنى بار كەن­دى وڭدەيتىن 29 شاعىن تسەحتىڭ جۇمىسىن توقتاتقانى جانە ساۋدا اينالىمىنا شىعارىلعان 20 توننا التىن كەنىن تاركىلەگەنى نەگىز بولادى. سونداي-اق, شاح­تا­لاردىڭ تەرەڭ قويناۋىنا تۇسۋگە مۇمكىندىك بەرەتىن 16 جاسىرىن ويىق تابىلعان. ارينە, بۇل وقيعالار بويىنشا 100-دەن استام قىلمىستىق ءىس قوزعالعان. جازالارىن وتەپ جاتقان جاستار قانشاما دەسەڭىز-­شى. انىقتالماعاندارى دا بار  دە­سەك, ەشكىم تالاسا قويماس. سون­دا, بىزدە شىنايى پەرىشتەلەر جوق بولعانى ما؟ باقبەرگەن امالبەك, جۋرناليست اقمولا وبلىسى