2016 جىلى قايتا قالپىنا كەلگەن شيكىزات نارىعى 2017 جىلى بىرنەشە فاكتورلاردىڭ اسەرىمەن قۇبىلمالى بولادى دەپ كۇتىلۋدە.
بۇل تۋرالى Saxo Bank بانكىنىڭ تاۋار-شيكىزات نارىعىنداعى ستراتەگيا ءبولىمىنىڭ باسشىسى ولە سلوت حانسەن مالىمدەدى.
"ينۆەستورلاردىڭ نازاردا ۇستايتىن ەڭ باستى جاڭالىعى - وپەك+ كەلىسىمشارتىنىڭ بيىل ورىندالار-ورىندالماسى," - دەيدى ساراپشى.
ولە سلوت حانسەننىڭ پىكىرىنشە, بيىل مۇنايدىڭ قىمباتتاۋى ءۇشىن الەمدىك نارىقتا قارا التىنعا دەگەن سۇرانىس كوبەيۋى ءتيىس.
"سونىمەن قاتار, ەكسپورتتاۋشى مەملەكەتتەردەگى گەوساياسي تۇراقسىزدىق تا باعانى كوتەرۋى ءتيىس. وعان قوسا, ەگەر دونالد ترامپ يرانعا قارسى ءبىر كەزدەرى سالىنعان سانكتسيانى قايتا ىسكە قوسسا, باعا جوعارى كوتەرىلەدى", - دەيدى ولە سلوت حانسەن.
ال باعانى تومەن تارتۋشى فاكتور رەتىندە مامان وتكەن جىلدىڭ سوڭىندا قابىلدانعان مۇناي ءوندىرىسىن ازايتۋ تۋرالى كەلىسسوزدىڭ ىسكە اسىرىلماي قالۋىن ايتادى.
"نيگەريا مەن ليۆيا ەكپورتىنىڭ كوبەيۋى, اقش ءوندىرىسىن ازايتۋ پروتسەسىنىڭ توقتاۋى دا باعانىڭ كوتەرىلۋى كەدەرگىسىن كەلتىرەدى. حەدج قورلاردىڭ فيۋچەرسى بويىنشا ۇزىن-سونار كەلىسىمشارتتار دا باعاعا كەرى اسەرىن تيگىزبەك", - دەيدى.
بۇدان بولەك ساراپشى دامۋشى ەلدەردىڭ ەكونوميكالىق ءوسىمىنىڭ باسەڭدەۋى دە شيكىزات باعاسىن تومەن تارتاتىنىن ايتتى.