مەملەكەت باسشىسى نۇرسۇلتان نازارباەۆ قىرعىز رەسپۋبليكاسىنىڭ پرەزيدەنتى المازبەك اتامباەۆقا كوڭىل ايتۋ جەدەلحاتىن جولدادى, دەپ حابارلايدى اقوردانىڭ ءباسپاسوز قىزمەتى.
«قازاقستان پرەزيدەنتى بىشكەك تۇبىندە بولعان ۇشاق اپاتى تۋرالى جانە وقيعا سالدارىنان كوپتەگەن ادامداردىڭ قازا بولعانى جايلى حاباردى قايعىرا قابىلدادى», دەلىنگەن حابارلامادا. نۇرسۇلتان نازارباەۆ قازاقستان حالقىنىڭ اتىنان جانە جەكە ءوز اتىنان قازا تاپقانداردىڭ جاقىندارى مەن تۋعان-تۋىستارىنا, سونداي-اق قىرعىز ەلىنە كوڭىل ايتتى.