قازاقستان رەسپۋبليكاسى پرەزيدەنتىنىڭ 2016 جىلعى 30 جەلتوقسانداعى №404 جارلىعىمەن بەكىتىلگەن «ب» كورپۋسىنىڭ مەملەكەتتىك اكىمشىلىك قىزمەتشىلەرىن اتتەستاتتاۋدى وتكىزۋ قاعيدالارى
1. جالپى ەرەجەلەر 1. «ب» كورپۋسىنىڭ مەملەكەتتىك اكىمشىلىك قىزمەتشىلەرىن اتتەستاتتاۋدى وتكىزۋدىڭ وسى قاعيدالارى (بۇدان ءارى – قاعيدالار) «قازاقستان رەسپۋبليكاسىنىڭ مەملەكەتتىك قىزمەتى تۋرالى» 2015 جىلعى 23 قاراشاداعى قازاقستان رەسپۋبليكاسىنىڭ زاڭى (بۇدان ءارى – زاڭ) 63-بابىنىڭ 1-تارماعىنا سايكەس ازىرلەندى جانە «ب» كورپۋسىنىڭ مەملەكەتتىك اكىمشىلىك قىزمەتشىلەرىن (بۇدان ءارى – «ب» كورپۋسىنىڭ قىزمەتشىلەرى) اتتەستاتتاۋدى وتكىزۋ ءتارتىبىن ايقىندايدى. 2. اتتەستاتتاۋدىڭ ماقساتى «ب» كورپۋسى قىزمەتشىلەرىنىڭ كاسىبي دايىندىق دەڭگەيىن جانە اتقاراتىن لاۋازىمدارىنا سايكەستىگىن ايقىنداۋ بولىپ تابىلادى. 3. اتتەستاتتاۋدان «ب» كورپۋسىنىڭ قىزمەتشىلەرى وتەدى, وعان تومەندەگىلەر قوسىلمايدى: 1) اتتەستاتتاۋدان وتكىزۋ كەزىندە «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» قازاقستان رەسپۋبليكاسىنىڭ زاڭىندا بەلگىلەنگەن زەينەتكەرلىك جاسقا تولۋىنا ەكى جىل جانە ودان از ۋاقىت قالعان «ب» كورپۋسىنىڭ قىزمەتشىلەرى. وسى تارماقشانىڭ ءبىرىنشى بولىگىندە كورسەتىلگەن مەرزىم 2017 جىلدىڭ 5 قاڭتارىنان 30 ماۋسىمىن قوسا العانداعى ارالىقتا باستالسا, بۇل «ب» كورپۋسىنىڭ قىزمەتشىلەرىن اتتەستاتتاۋدان وتۋدەن بوساتۋعا نەگىز بولىپ تابىلادى; 2) جۇكتىلىك پەن بوسانۋعا, سونداي-اق بالا كۇتىمىنە بايلانىستى دەمالىستاعى «ب» كورپۋسىنىڭ قىزمەتشىلەرى; 3) جۇكتىلىگى تۋرالى مەديتسينالىق قورىتىندى ۇسىنعان جۇكتى ايەلدەر, ءۇش جاسقا دەيىنگى بالالارى بار ايەلدەر, ون ءتورت جاسقا دەيىنگى بالانى (ون سەگىز جاسقا دەيىنگى مۇگەدەك بالانى) تاربيەلەپ وتىرعان جالعىزباستى انالار, كورسەتىلگەن ساناتتاعى بالالاردى اناسىز تاربيەلەپ وتىرعان باسقا دا ادامدار; 4) ءتيىستى اتتەستاتتاۋ كوميسسياسىندا اڭگىمەلەسۋدەن ءوتۋ ساتىندە مەملەكەتتىك قىزمەت ءوتىلى التى ايدان از, مەملەكەتتىك اكىمشىلىك لاۋازىمعا العاش رەت تاعايىندالعان ادامدار; 5) «ا» كورپۋسى مەملەكەتتىك اكىمشىلىك قىزمەتىنىڭ كادر رەزەرۆىندە تۇرعان «ب» كورپۋسىنىڭ قىزمەتشىلەرى. 4. اتتەستاتتاۋ كەزەڭدەرىن وتكىزۋ مەرزىمدەرى كوزدەلەتىن «ب» كورپۋسى قىزمەتشىلەرىن اتتەستاتتاۋدىڭ جالپى كەستەسىن (بۇدان ءارى – جالپى كەستە) مەملەكەتتىك قىزمەت ىستەرى جونىندەگى ۋاكىلەتتى ورگان (بۇدان ءارى – ۋاكىلەتتى ورگان) بەكىتەدى جانە ونىڭ ينتەرنەت-رەسۋرسىندا ورنالاستىرىلادى. مەملەكەتتىك ورگاندار جانە جەرگىلىكتى اتقارۋشى ورگاندار جالپى كەستەنىڭ نەگىزىندە «ب» كورپۋسى قىزمەتشىلەرىن اتتەستاتتاۋدى وتكىزۋ كەستەسىن دەربەس بەكىتەدى. 5. اتتەستاتتاۋدان وتۋگە جاتاتىن «ب» كورپۋسىنىڭ قىزمەتشىلەرىنە جىل سايىنعى ەڭبەك دەمالىسىن بەرۋ, ولاردى قىزمەتتىك ىسساپارعا, تاعىلىمداماعا, سونداي-اق قايتا دايارلاۋ جانە ءبىلىكتiلىكتى ارتتىرۋ كۋرستارىنا جىبەرۋ اتتەستاتتاۋدى ءوتكىزۋ كەستەلەرىن ەسكەرە وتىرىپ, جۇزەگە اسىرىلادى. قازاقستان رەسپۋبليكاسى پرەزيدەنتى اكىمشىلىگىنىڭ, قازاقستان رەسپۋبليكاسى پرەمەر-مينيسترى كەڭسەسىنىڭ جانە قازاقستان رەسپۋبليكاسى پارلامەنتى پالاتالارى اپپاراتتارىنىڭ «ب» كورپۋسى قىزمەتشىلەرىن قوسپاعاندا, اتتەستاتتاۋدان وتۋگە جاتاتىن «ب» كورپۋسى قىزمەتشىلەرىنىڭ كونكۋرستارعا قاتىسۋىنا, سونداي-اق ولاردى مەملەكەتتىك اكىمشىلىك لاۋازىمعا اۋىسۋ تارتىبىمەن تاعايىنداۋعا ءتيىستى اتتەستاتتاۋ كوميسسياسىنىڭ قابىلدانعان شەشىمى بولعان جاعدايدا عانا جول بەرىلەدى. بۇل تالاپ ۋاقىتشا بوس لاۋازىمداردى اتقاراتىن ادامدارعا قولدانىلمايدى. 6. اتتەستاتتاۋ كەزەڭىندە وقۋ دەمالىسىندا, ەڭبەكاقىسى ساقتالمايتىن دەمالىستا, ۇزاق ءىسساپاردا بولعان نەمەسە ناۋقاستانۋى سالدارىنان جۇمىستا بولماعان, سونداي-اق حالىقارالىق جانە وزگە ۇيىمدارعا ىسساپارعا جىبەرىلگەن «ب» كورپۋسىنىڭ قىزمەتشىلەرى اتتەستاتتاۋدان جۇمىسقا شىققاننان كەيىن التى ايدىڭ ىشىندە 2017 جىلدىڭ سوڭىنا دەيىن وتەدى. قازاقستان رەسپۋبليكاسىنىڭ شەت ەلدەردەگى مەكەمەلەرىنە جۇمىسقا جىبەرىلگەن ديپلوماتيالىق قىزمەت پەرسونالى 2017 جىلدىڭ سوڭىنا دەيىن اتتەستاتتاۋدان وتۋگە ءتيىس. مەملەكەتتىك ورگاندارعا ىسساپارعا جىبەرىلگەن ادامدار اتتەستاتتاۋدى وسى قاعيدالاردىڭ ەرەجەلەرىنە سايكەس وتەدى. 7. «ب» كورپۋسىنىڭ قىزمەتشىلەرى اتقاراتىن لاۋازىمدارىنىڭ ساناتتارىنا بايلانىستى اتتەستاتتاۋدى ءتيىستى دەڭگەيدەگى اتتەستاتتاۋ كوميسسيالارىندا وتەدى: ءبىرىنشى دەڭگەيدە – قازاقستان رەسپۋبليكاسىنىڭ پرەزيدەنتى جانىنداعى جوعارى اتتەستاتتاۋ كوميسسياسى (بۇدان ءارى – جاك); ەكىنشى دەڭگەيدە – ورتالىق مەملەكەتتىك ورگانداردىڭ, ولاردىڭ ۆەدومستۆولارىنىڭ, ورتالىق مەملەكەتتىك ورگانداردىڭ جانە ولاردىڭ ۆەدومستۆولارىنىڭ وبلىستارداعى, رەسپۋبليكالىق ماڭىزى بار قالاداعى, استاناداعى اۋماقتىق بولىمشەلەرىنىڭ, سونداي-اق وبلىستاردىڭ, رەسپۋبليكالىق ماڭىزى بار قالانىڭ, استانانىڭ اكىمى اپپاراتتارىنىڭ اتتەستاتتاۋ كوميسسيالارى; ءۇشىنشى دەڭگەيدە – ورتالىق مەملەكەتتىك ورگانداردىڭ جانە ولاردىڭ ۆەدومستۆولارىنىڭ اۋداندارداعى, قالانىڭ اۋداندارىنداعى جانە وبلىستىق ماڭىزى بار قالالارداعى اۋماقتىق بولىمشەلەرىنىڭ, سونداي-اق اۋدانداردىڭ, قالا اۋداندارىنىڭ جانە وبلىستىق ماڭىزى بار قالالارىنىڭ اكىمى اپپاراتتارىنىڭ اتتەستاتتاۋ كوميسسيالارى. 8. جاك قۇرامىنا قازاقستان رەسپۋبليكاسىنىڭ پرەزيدەنتى اكىمشىلىگى باسشىسىنىڭ ورىنباسارى, قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى, قازاقستان رەسپۋبليكاسىنىڭ پرەمەر-ءمينيسترى كەڭسەسىنىڭ باسشىسى, قازاقستان رەسپۋبليكاسى پارلامەنتىنىڭ سەناتى مەن ءماجىلىسىن تەڭ نەگىزدە بىلدىرەتىن قازاقستان رەسپۋبليكاسى پارلامەنتىنىڭ دەپۋتاتتارى, قازاقستان رەسپۋبليكاسى پرەزيدەنتى اكىمشىلىگى قۇرىلىمدىق بولىمشەلەرىنىڭ باسشىلارى, اكادەميالىق ورتانىڭ جانە قوعامدىق بىرلەستىكتەردىڭ وكىلدەرى كىرەدى. «ب» كورپۋسىنىڭ قىزمەتشىسىمەن اڭگىمەلەسۋ بارىسىندا ول جۇمىس ىستەيتىن مەملەكەتتىك ورگاننىڭ ءبىرىنشى باسشىسىنىڭ ورىنباسارىنان تومەن ەمەس لاۋازىمدى اتقاراتىن ادام جاك قۇرامىنا ەنگىزىلەدى. جاك قۇرامى ۋاكىلەتتى ورگاننىڭ ۇسىنىمى بويىنشا قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ اكتىسىمەن بەكىتىلەدى. 9. ەكىنشى جانە ءۇشىنشى دەڭگەيدەگى اتتەستاتتاۋ كوميسسيالارىنىڭ قۇرامىنا «ا» كورپۋسىنىڭ مەملەكەتتىك اكىمشىلىك قىزمەتشىلەرى, ونىڭ ىشىندە جوعارى تۇرعان مەملەكەتتىك ورگانداردان, الدىڭعى دەڭگەيدە اتتەستاۋدان ءساتتى وتكەن «ب» كورپۋسىنىڭ قىزمەتشىلەرى, ونىڭ ىشىندە قۇرىلىمدىق بولىمشەلەردىڭ باسشىلارى, ادەپ جونىندەگى ۋاكىلدەر, قوعامدىق كەڭەستەردىڭ, عىلىمي-ساراپشىلىق, اكادەميالىق ورتانىڭ, قوعامدىق بىرلەستىكتەردىڭ وكىلدەرى, سونداي-اق ۋاكىلەتتى ورگاننىڭ ادەپ كەڭەستەرىنىڭ مۇشەلەرى كىرە الادى. 10. ورتالىق مەملەكەتتىك ورگانداردا جانە ولاردىڭ ۆەدومستۆولارىندا قۇرىلاتىن اتتەستاتتاۋ كوميسسيالارى قۇرامىنا پارلامەنت سەناتىنىڭ جانە ءماجىلىسىنىڭ دەپۋتاتتارىن تارتۋعا جول بەرىلەدى. ورتالىق مەملەكەتتىك ورگانداردىڭ جانە ولاردىڭ ۆەدومستۆولارىنىڭ وبلىستارداعى, رەسپۋبليكالىق ماڭىزى بار قالاداعى, استاناداعى, اۋداندارداعى, قالانىڭ اۋداندارىنداعى جانە وبلىستىق ماڭىزى بار قالالارداعى اۋماقتىق بولىمشەلەرىندە, سونداي-اق وبلىستاردىڭ, رەسپۋبليكالىق ماڭىزى بار قالانىڭ, استانانىڭ, اۋدانداردىڭ, قالا اۋداندارىنىڭ جانە وبلىستىق ماڭىزى بار قالالاردىڭ اكىمى اپپاراتتارىندا قۇرىلاتىن اتتەستاتتاۋ كوميسسيالارىنىڭ قۇرامىنا ءتيىستى ءماسليحاتتاردىڭ دەپۋتاتتارىن تارتۋعا جول بەرىلەدى. 11. قۇقىق قورعاۋ جانە ارناۋلى مەملەكەتتىك ورگانداردا, سونداي-اق قارۋلى كۇشتەردىڭ مەملەكەتتىك مەكەمەلەرىندە قۇرىلاتىن اتتەستاتتاۋ كوميسسيالارىنىڭ قۇرامىنا تيىسىنشە قۇقىق قورعاۋ, ارناۋلى مەملەكەتتىك ورگانداردىڭ قىزمەتكەرلەرىن, سونداي-اق اسكەريلەردى قوسۋعا جول بەرىلەدى. 12. جاك-تىڭ جۇمىس ورگانى ۋاكىلەتتى ورگان بولىپ تابىلادى, ال ەكىنشى جانە ءۇشىنشى دەڭگەيلەردەگى اتتەستاتتاۋ كوميسسيالارىنىڭ جۇمىس ورگانى – پەرسونالدى باسقارۋ قىزمەتتەرى (كادر قىزمەتتەرى) بولىپ تابىلادى. 13. جاك-تىڭ حاتشىسى «ا» كورپۋسىنىڭ مەملەكەتتىك اكىمشىلىك لاۋازىمىن اتقاراتىن ۋاكىلەتتى ورگاننىڭ لاۋازىمدى ادامى بولىپ تابىلادى. ەكىنشى جانە ءۇشىنشى دەڭگەيلەردەگى اتتەستاتتاۋ كوميسسيالارىنىڭ حاتشىسى مەملەكەتتىك ورگاننىڭ پەرسونالدى باسقارۋ قىزمەتىنىڭ (كادر قىزمەتىنىڭ) وكىلى بولىپ تابىلادى. 14. پەرسونالدى باسقارۋ قىزمەتىنىڭ (كادر قىزمەتىنىڭ) وكىلى بولماعان جاعدايدا نەمەسە ونىڭ اتتەستاتتاۋدان ءوتۋى كەزىندە اتتەستاتتاۋ كوميسسياسى توراعاسىنىڭ شەشىمىمەن اتتەستاتتاۋ كوميسسياسىنىڭ حاتشىسى بولىپ باسقا ادام بەلگىلەنەدى. 15. اتتەستاتتاۋ كوميسسياسىنىڭ جۇمىسىن ۇيىمداستىرۋدى ونىڭ حاتشىسى قامتاماسىز ەتەدى جانە داۋىس بەرۋگە قاتىسۋعا قۇقىعى جوق. 16. ەكىنشى جانە ءۇشىنشى دەڭگەيلەردەگى اتتەستاتتاۋ كوميسسيالارىنىڭ قۇرامى وسى قاعيدالاردىڭ 32 جانە 38-تارماقتارىندا بەلگىلەنگەن ءتيىستى اتتەستاتتاۋ كوميسسيالارى توراعالارىنىڭ اكتىلەرىمەن بەكىتىلەدى. 17. اتتەستاتتاۋ كوميسسياسى توراعاسىنىڭ اكتىلەردى شىعارۋ بويىنشا وكىلەتتىكتەرى بولماعان جاعدايدا, اتتەستاتتاۋ كوميسسياسىنىڭ قۇرامىن اكتىلەرگە قول قويۋعا ۋاكىلەتتى جوعارى تۇرعان لاۋازىمدى ادام بەكىتەدى. 18. اتتەستاتتاۋ كوميسسيالارى كەمىندە بەس مۇشەدەن, ونىڭ ىشىندە توراعادان تۇرادى. اتتەستاتتاۋ كوميسسياسىنىڭ قاتىسپاعان مۇشەلەرىن الماستىرۋعا جول بەرىلمەيدى. 19. اتتەستاتتاۋ كوميسسياسىنىڭ توراعاسى دالەلدى سەبەپتەرمەن وتىرىسقا قاتىسپاعان جاعدايدا, ونىڭ مىندەتتەرى اتتەستاتتاۋ كوميسسياسى مۇشەلەرىنىڭ بىرىنە ۋاقىتشا جۇكتەلەدى. 20. اتتەستاتتاۋ كوميسسياسى وتىرىسىنىڭ, ەگەر وعان كوميسسيا قۇرامىنىڭ ۇشتەن ەكىسى قاتىسقان جاعدايدا, قۇقىقتىق كۇشى بار دەپ سانالادى. 21. اتتەستاتتاۋ كوميسسياسىنىڭ شەشىمى وتىرىسقا قاتىسقان اتتەستاتتاۋ كوميسسياسى مۇشەلەرىنىڭ جالپى سانىنىڭ كوپشىلىك داۋىسىمەن, اتتەستاتتالاتىن «ب» كورپۋسى قىزمەتشىسىنىڭ قاتىسۋىنسىز قابىلدانادى. داۋىستار تەڭ بولعان جاعدايدا, اتتەستاتتاۋ كوميسسياسى توراعاسىنىڭ داۋىسى شەشۋشi بولىپ تابىلادى. 22. قابىلدانعان شەشىم اتتەستاتتاۋ كوميسسياسىنىڭ وتىرىسىنان كەيىن ءۇش جۇمىس كۇنى ىشىندە حاتتاما تۇرىندە رەسىمدەلەدى, وعان اتتەستاتتاۋ كوميسسياسىنىڭ توراعاسى جانە حاتشىسى قول قويادى. 23. «ب» كورپۋسىنىڭ قىزمەتشىسى ءتيىستى اتتەستاتتاۋ كوميسسياسىنىڭ حاتتاماسىنا قول قويىلعان كۇنىنەن باستاپ ءۇش جۇمىس كۇنى ىشىندە وعان قول قويىپ تانىسادى. 24. اتتەستاتتاۋ كوميسسياسىنىڭ شەشىمى شىققاننان كەيىن «ب» كورپۋسى قىزمەتشىسىنىڭ سۇراتۋى بويىنشا باعالاۋ پاراعىنىڭ, جەكە قۇزىرەتتەردى باعالايتىن تەست ناتيجەلەرى تۋرالى قورىتىندىنىڭ كوشىرمەلەرى, اتتەستاتتاۋ كوميسسياسى وتىرىسىنىڭ حاتتاماسىنان ءۇزىندى ول سۇراتۋ جاساعان كۇننەن باستاپ ەكى جۇمىس كۇنى ىشىندە بەرىلەدى. 2. اتتەستاتتاۋدى وتكىزۋدىڭ كەزەڭدەرى 25. اتتەستاتتاۋ مىناداي كەزەڭدەردى قامتيدى: 1) باعالاۋ پاراعىن دايىنداۋ; 2) جەكە قۇزىرەتتەردى باعالايتىن تەست وتكىزۋ. جەكە قۇزىرەتتەردى باعالايتىن تەستكە قاتىسپاعان «ب» كورپۋسىنىڭ قىزمەتشىسى كەلەسى كەزەڭگە جىبەرىلمەيدى; 3) جاك نەمەسە ءتيىستى دەڭگەيدەگى اتتەستاتتاۋ كوميسسيالارىندا اڭگىمەلەسۋدەن ءوتۋ. اڭگىمەلەسۋ بارىسى دىبىس-نەمەسە بەينەجازبا قۇرالدارىن قولدانۋ ارقىلى تىركەلەدى. ەكىنشى جانە ءۇشىنشى دەڭگەيلەردە «ب» كورپۋسىنىڭ قىزمەتشىلەرىمەن اڭگىمەلەسۋدى بەينەكونفەرەنتسبايلانىسى ارقىلى وتكىزۋگە جول بەرىلەدى; 4) اڭگىمەلەسۋدىڭ قورىتىندىسى بويىنشا جانە الدىڭعى كەزەڭدەردىڭ ناتيجەلەرى ەسكەرە وتىرىپ, اتتەستاتتاۋ كوميسسياسىنىڭ شەشىمدەر قابىلداۋى. 26. اتتەستاتتاۋ كوميسسياسى مىنا شەشىمدەردىڭ ءبىرىن قابىلدايدى: 1) اتقاراتىن مەملەكەتتىك لاۋازىمىنا ساي كەلەدى جانە لاۋازىمىن جوعارىلاتۋعا ۇسىنىلادى; 2) اتقاراتىن مەملەكەتتىك لاۋازىمىنا ساي كەلەدى; 3) اتقاراتىن مەملەكەتتىك لاۋازىمىنا ساي ەمەس جانە مەملەكەتتىك لاۋازىمىن تومەندەتۋگە ۇسىنىلادى; 4) اتقاراتىن مەملەكەتتىك لاۋازىمىنا ساي ەمەس جانە قىزمەتتەن شىعارۋعا ۇسىنىلادى. 27. باعالاۋ پاراعىنىڭ نىسانىن, جەكە قۇزىرەتتەردى باعالايتىن تەست باعدارلامالارى مەن ونى ۇيىمداستىرۋ ءتارتىبىن, سونداي-اق اڭگىمەلەسۋدى وتكىزۋ نۇسقاۋلىعىن ۋاكىلەتتى ورگان ايقىندايدى. 28. ءبىرىنشى دەڭگەيدە اتتەستاتتاۋدى جاك-تا ا-1, ا-2, ا-3, ا-4, ۆ-1, س-1, س-و-1, D-1, D-2, D-و-1 ساناتىنداعى «ب» كورپۋسىنىڭ قىزمەتشىلەرى وتەدى. 29. ەكىنشى دەڭگەيدە اتتەستاتتاۋ كوميسسيالارى: ۆ-2, ۆ-3, ۆ-4, ۆ-5, س-2, س-3, س-4, س-5, س-و-2 ساناتتارىنداعى «ب» كورپۋسىنىڭ قىزمەتشىلەرى اتتەستاتتاۋدان وتەتىن ورتالىق مەملەكەتتىك ورگانداردا; س-3, س-4, س-5, س-و-2 ساناتتارىنداعى «ب» كورپۋسىنىڭ قىزمەتشىلەرى اتتەستاتتاۋدان وتەتىن ورتالىق مەملەكەتتىك ورگانداردىڭ ۆەدومستۆولارىندا; س-و-3, س-و-4, س-و-5, س-و-6, C-R-1, C-R-2 ساناتتارىنداعى «ب» كورپۋسىنىڭ قىزمەتشىلەرى اتتەستاتتاۋدان وتەتىن ورتالىق مەملەكەتتىك ورگانداردىڭ جانە ولاردىڭ ۆەدومستۆولارىنىڭ وبلىستارداعى, رەسپۋبليكالىق ماڭىزى بار قالاداعى, استاناداعى اۋماقتىق بولىمشەلەرىندە; D-3, D-4, D-5, D-و-2, D-و-3, D-و-4, D-و-5, D-و-6, ە-1, ە-2, ە-R-1 ساناتتارىنداعى «ب» كورپۋسىنىڭ قىزمەتشىلەرى اتتەستاتتاۋدان وتەتىن وبلىستاردىڭ, رەسپۋبليكالىق ماڭىزى بار قالانىڭ, استانانىڭ اكىمدەرى اپپاراتتارىندا قۇرىلادى. 30. وبلىستاردىڭ, رەسپۋبليكالىق ماڭىزى بار قالانىڭ, استانانىڭ اكىمدەرى, ءماسليحاتتارى, تەكسەرۋ كوميسسيالارى اپپاراتتارىنىڭ, سونداي-اق اتقارۋشى ورگانداردىڭ «ب» كورپۋسى قىزمەتشىلەرىن اتتەستاتتاۋدى وتكىزۋ ءۇشىن بىرىڭعاي وبلىستىق/قالالىق اتتەستاتتاۋ كوميسسيالارى قۇرىلادى. 31. جاك-تىڭ توراعاسى قازاقستان رەسپۋبليكاسىنىڭ پرەزيدەنتى اكىمشىلىگى باسشىسىنىڭ ورىنباسارى بولىپ تابىلادى. 32. ەكىنشى دەڭگەيدەگى اتتەستاتتاۋ كوميسسيالارىنىڭ توراعالارى بولىپ مىناداي لاۋازىمدى ادامدار ايقىندالادى: 1) ورتالىق مەملەكەتتىك ورگاننىڭ اتتەستاتتاۋ كوميسسياسىنا – جاۋاپتى حاتشى نەمەسە اپپارات باسشىسى, جاۋاپتى حاتشى نەمەسە اپپارات باسشىسى لاۋازىمى ەنگىزىلمەگەن مەملەكەتتىك ورگانداردا – مەملەكەتتىك ورگان باسشىسى ايقىندايتىن وزگە ادام; 2) ورتالىق مەملەكەتتىك ورگان ۆەدومستۆوسىنىڭ اتتەستاتتاۋ كوميسسياسىنا – ۆەدومستۆو باسشىسى; 3) ورتالىق مەملەكەتتىك ورگاننىڭ وبلىستارداعى, رەسپۋبليكالىق ماڭىزى بار قالاسىنداعى, استاناداعى اۋماقتىق بولىمشەسىنىڭ اتتەستاتتاۋ كوميسسياسىنا – اۋماقتىق ءبولىمشەنىڭ باسشىسى; 4) ۆەدومستۆونىڭ وبلىستارداعى, رەسپۋبليكالىق ماڭىزى بار قالاسىنداعى, استاناداعى اۋماقتىق بولىمشەسىنىڭ اتتەستاتتاۋ كوميسسياسىنا – ۆەدومستۆونىڭ اۋماقتىق بولىمشەسىنىڭ باسشىسى; 5) وبلىستاردىڭ, رەسپۋبليكالىق ماڭىزى بار قالانىڭ, استانانىڭ اكىمدەرى, ءماسليحاتتارى, تەكسەرۋ كوميسسيالارى اپپاراتتارىنىڭ, سونداي-اق اتقارۋشى ورگانداردىڭ بىرىڭعاي وبلىستىق/قالالىق اتتەستاتتاۋ كوميسسياسىنا – وبلىستاردىڭ, رەسپۋبليكالىق ماڭىزى بار قالانىڭ, استانانىڭ اكىمدەرى اپپاراتىنىڭ باسشىسى. 33. ۆەدومستۆو باسشىسى, ورتالىق مەملەكەتتىك ورگاننىڭ وبلىستارداعى, رەسپۋبليكالىق ماڭىزى بار قالاداعى, استاناداعى اۋماقتىق بولىمشەسىنىڭ باسشىسى بولماعان نەمەسە اتتەستاتتاۋدىڭ قورىتىندىلارى بويىنشا ول اتقاراتىن لاۋازىمىنا ساي ەمەس دەپ تانىلعان جاعدايدا, وسى مەملەكەتتىك ورگاننىڭ اتتەستاتتاۋ كوميسسياسىنىڭ توراعاسى بولىپ جاۋاپتى حاتشى نەمەسە جوعارى تۇرعان ورگاننىڭ اپپارات باسشىسى نەمەسە ولاردىڭ شەشىمىمەن جاك-تا اتتەستاتتاۋدان ءساتتى وتكەن وزگە لاۋازىمدى ادام بەلگىلەنەدى. 34. ورتالىق مەملەكەتتىك ورگاننىڭ ۆەدومستۆوسىنىڭ وبلىستاعى, رەسپۋبليكالىق ماڭىزى بار قالاداعى, استاناداعى اۋماقتىق بولىمشەسىنىڭ باسشىسى بولماعان نەمەسە اتتەستاتتاۋدىڭ قورىتىندىلارى بويىنشا ول اتقاراتىن لاۋازىمىنا ساي ەمەس دەپ تانىلعان جاعدايدا, وسى مەملەكەتتىك ورگاننىڭ اتتەستاتتاۋ كوميسسياسىنىڭ توراعاسى بولىپ ۆەدومستۆو باسشىسى نەمەسە ونىڭ شەشىمىمەن جاك-تا اتتەستاتتاۋدان ءساتتى وتكەن وزگە لاۋازىمدى ادام بەلگىلەنەدى. 35. وبلىستىڭ, رەسپۋبليكالىق ماڭىزى بار قالانىڭ, استانانىڭ اكىمى اپپاراتىنىڭ باسشىسى بولماعان جاعدايدا, بىرىڭعاي اتتەستاتتاۋ كوميسسياسىنىڭ توراعاسى بولىپ جاك-تا اتتەستاتتاۋدان ءساتتى وتكەن وبلىستىڭ, رەسپۋبليكالىق ماڭىزى بار قالانىڭ, استانانىڭ اكىمى اپپاراتى باسشىسى ورىنباسارلارىنىڭ ءبىرى بەلگىلەنەدى. 36. ءۇشىنشى دەڭگەيدەگى اتتەستاتتاۋ كوميسسيالارى: C-R-3, C-R-4, C-R-5 ساناتتارىنداعى «ب» كورپۋسىنىڭ قىزمەتشىلەرى اتتەستاتتاۋدان وتەتىن ورتالىق مەملەكەتتىك ورگانداردىڭ جانە ولاردىڭ ۆەدومستۆولارىنىڭ اۋداندارداعى, قالانىڭ اۋداندارىنداعى جانە وبلىستىق ماڭىزى بار قالالارداعى اۋماقتىق ءبولىمشەلەرىندە قۇرىلادى. وسى تارماقتىڭ ءبىرىنشى بولىگىندە اتالعان «ب» كورپۋسىنىڭ قىزمەتشىلەرىنە ورتالىق مەملەكەتتىك ورگانداردىڭ جانە ونىڭ ۆەدومستۆولارىنىڭ وبلىستارداعى, رەسپۋبليكالىق ماڭىزى بار قالاداعى, استاناداعى اۋماقتىق بولىمشەلەرىندە قۇرىلاتىن اتتەستاتتاۋ كوميسسيالارىندا اتتەستاتتاۋدان وتۋىنە رۇقسات ەتىلەدى; E-3, E-4, E-5, E-R-2, E-R-3, E-R-4, E-R-5, E-G-1, E-G-2, E-G-3, E-G-4 ساناتتارىنداعى «ب» كورپۋسىنىڭ قىزمەتشىلەرى اتتەستاتتاۋدان وتەتىن اۋداندارداعى, قالانىڭ اۋداندارىنداعى جانە وبلىستىق ماڭىزى بار قالالارداعى اكىمدەر اپپاراتتارىندا قۇرىلادى. 37. اۋداندار, قالاداعى اۋداندار جانە وبلىستىق ماڭىزى بار قالالار اكىمدەرى اپپاراتتارىنىڭ, سونداي-اق اتقارۋشى ورگاندارىنىڭ, اۋدان (وبلىستىق ماڭىزى بار قالا) ءماسليحاتتارىنىڭ «ب» كورپۋسى قىزمەتشىلەرىن اتتەستاتتاۋدان وتكىزۋ ءۇشىن بىرىڭعاي اۋداندىق/قالالىق اتتەستاتتاۋ كوميسسيالارى قۇرىلادى. 38. ءۇشىنشى دەڭگەيدەگى اتتەستاتتاۋ كوميسسيالارىنىڭ توراعالارى بولىپ مىناداي لاۋازىمدى ادامدار بەلگىلەنەدى: 1) ورتالىق مەملەكەتتىك ورگاننىڭ اۋداندارداعى, قالانىڭ اۋداندارىنداعى جانە وبلىستىق ماڭىزى بار قالالارداعى اۋماقتىق بولىمشەسىنىڭ اتتەستاتتاۋ كوميسسياسىنا – اۋماقتىق بولىمشەنىڭ باسشىسى; 2) ۆەدومستۆونىڭ اۋداندارداعى, قالانىڭ اۋداندارىنداعى جانە وبلىستىق ماڭىزى بار قالالارداعى اۋماقتىق بولىمشەسىنىڭ اتتەستاتتاۋ كوميسسياسىنا – ۆەدومستۆونىڭ اۋماقتىق بولىمشەسىنىڭ باسشىسى; 3) اۋدان, قالاداعى اۋدان جانە وبلىستىق ماڭىزى بار قالا اكىمى اپپاراتىنىڭ, سونداي-اق اۋدان (وبلىستىق ماڭىزى بار قالا) ءماسليحاتىنىڭ بىرىڭعاي اۋداندىق/قالالىق اتتەستاتتاۋ كوميسسياسىنا – وبلىستىق ماڭىزى بار قالانىڭ (وبلىستىڭ اكىمشىلىك ورتالىعى بولىپ تابىلاتىن قالانىڭ اكىمىن قوسپاعاندا), وبلىستاعى اۋداننىڭ جانە قالاداعى اۋداننىڭ اكىمى; 4) وبلىستىڭ اكىمشىلىك ورتالىعى بولىپ تابىلاتىن قالانىڭ بىرىڭعاي قالالىق اتتەستاتتاۋ كوميسسياسىنا – قالا اكىمى بەلگىلەيتىن, اتتەستاتتاۋدان ءساتتى وتكەن قالا اكىمى ورىنباسارىنىڭ ءبىرى. 39. ورتالىق مەملەكەتتىك ورگاننىڭ جانە ونىڭ ۆەدومستۆوسىنىڭ اۋداندارداعى, قالانىڭ اۋداندارىنداعى جانە وبلىستىق ماڭىزى بار قالالارداعى اۋماقتىق بولىمشەسىنىڭ باسشىسى بولماعان نە ول ەكىنشى دەڭگەيدەگى اتتەستاتتاۋدان وتپەگەن جاعدايدا, اتتەستاتتاۋ كوميسسياسىنىڭ توراعاسى بولىپ جوعارى تۇرعان ورگاننىڭ باسشىسى نەمەسە ونىڭ شەشىمىمەن – اتتەستاتتاۋدان ءساتتى وتكەن وزگە لاۋازىمدى ادام بەلگىلەنەدى. 40. وبلىستىق ماڭىزى بار قالانىڭ, وبلىستاعى اۋداننىڭ جانە قالاداعى اۋداننىڭ اكىمى بولماعان جاعدايدا, اتتەستاتتاۋ كوميسسياسىنىڭ توراعاسى بولىپ اتتەستاتتاۋدان ءساتتى وتكەن اۋدان, قالاداعى اۋداننىڭ جانە وبلىستىق ماڭىزى بار قالا اكىمى ورىنباسارىنىڭ ءبىرى بەلگىلەنەدى. 3. اتتەستاتتاۋ كوميسسياسىنىڭ شەشىمىنە شاعىمدانۋ 41. اتتەستاتتاۋ كوميسسياسىنىڭ شەشىمىنە زاڭنىڭ 63-بابى 8-تارماعىندا كوزدەلگەن تارتىپتە شاعىم جاساۋعا بولادى. 4. قورىتىندى ەرەجەلەر 42. پەرسونالدى باسقارۋ قىزمەتى (كادر قىزمەتى) ءتيىستى اتتەستاتتاۋ كوميسسياسىنىڭ شەشىمىن «ب» كورپۋسى قىزمەتشىسىنىڭ قىزمەتتىك تىزىمىنە ەنگىزەدى.