بۇگىن قازاقستاننىڭ باسىم بولىگىندە اتموسفەرالىق فرونتالدىق بولىكتەردىڭ وتۋىنە بايلانىستى قۇبىلمالى اۋا رايى ساقتالادى, قار جاۋادى, تەك رەسپۋبليكانىڭ باتىس جانە وڭتۇستىك-باتىس ايماقتارىندا جاۋىن-شاشىن بولمايدى. كەي جەرلەردە تۇمان, كوكتايعاق, بۇرقاسىن بولىپ, جەل كۇشەيەدى. بۇل تۋرالى قر ءىىم تجك ءباسپاسوز قىزمەتى حابارلايدى.
اقمولا وبلىسىنىڭ كەي جەرلەرىندە كۇندىز بۇرقاسىن كۇتىلەدى.
الماتى, جامبىل, وڭتۇستىك قازاقستان وبلىستارىنىڭ كەي جەرلەرىندە تۇمان, كوكتايعاق كۇتىلەدى.
قىزىلوردا, ماڭعىستاۋ, اتىراۋ, اقتوبە, قوستاناي, قاراعاندى وبلىستارىندا, تۇندە پاۆلودار وبلىسىنىڭ كەي جەرلەرىندە تۇمان بولادى.
سولتۇستىك قازاقستان وبلىستارىنىڭ كەي جەرلەرىندە بۇرقاسىن بولىپ, جەل 15-20 م/س-عا دەيىن كۇشەيەدى.
شىعىس قازاقستان وبلىسىنىڭ كەي جەرلەرىندە تۇمان, بۇرقاسىن بولىپ, تۇندە جەل 15-20 م/س-عا دەيىن كۇشەيەدى.