باتىس قازاقستان وبلىسىندا 2016 جىلى الەۋمەتتىك-ەكونوميكالىق سالادا بارلىعى 774 تەكسەرىس جۇرگىزىلىپ, 5,5 مىڭ زاڭبۇزۋشىلىق انىقتالدى. بۇل تۋرالى وبلىس پروكۋرورى ساپاربەك نۇرپەيىسوۆ جۇرگىزگەن جىل قورىتىندىلارىنا ارنالعان جيىندا ءمالىم ەتىلدى, دەپ حابارلايدى قازاقپارات. وسى زاڭبۇزۋشىلىقتاردى جويۋ ماقساتىندا 1 مىڭنان استام قاداعالاۋ اكتىلەرى ەنگىزىلىپ, 469 زاڭسىز اكتى, سونىڭ ىشىندە 11 نورماتيۆتىك-قۇقىقتىق اكتى بۇزىلدى.
ءبىر جىل ىشىندە 28 مىڭنان استام ازاماتتىڭ كونستيتۋتسيالىق قۇقىعى قورعالىپ, 2,5 مىڭ ادام ءتۇرلى جاۋاپكەرشىلىككە تارتىلدى. 38 قىلمىستىق قۇقىقبۇزۋشىلىق بويىنشا سوتقا دەيىنگى تەرگەپ-تەكسەرۋ باستالدى. بيۋدجەتكە 4,2 ملرد. تەڭگەنىڭ تولتىرىلۋى قامتاماسىز ەتىلىپ, 243 ملن. تەڭگەنىڭ مۇلكى مەملەكەتكە قايتارىلدى.
Tكى جىلعا ەسەپتەلگەن «قۇمار ويىنسىز قالا» جوباسى وبلىس ورتالىعىندا جۇزەگە اسىرىلۋدا. كاسىپكەرلەر پالاتاسىمەن بىرلەسە جۇرگىزىلگەن قۇقىقتىق-ءتۇسىندىرۋ جۇمىستارى ناتيجەسىندە ءوز ەرىكتەرىمەن اينالىمنان 40 ويىن اۆتوماتى الىندى. ءماجبۇرلى تۇردە 38 اۆتومات الىنىپ, 18 ونلاين-كازينونىڭ قىزمەتى توقتاتىلدى. مۇنداعى ماقسات - قالا اۋماعىنداعى زاڭسىز ويىن بيزنەسىن تولىقتاي جويۋ. سونداي-اق مال ۇرلىعىنا قارسى بىرلەسكەن ءىس-قيمىل ناتيجەسىندە بۇل قىلمىس 18 پايىزعا ازايسا, «تابيعاتتى بىرگە قورعايىق» جوباسى تۇرمىستىق قالدىقتاردى 101 مىڭ توننادان 87 مىڭ تونناعا دەيىن قىسقارتۋعا مۇمكىندىك بەردى.
ونەركاسىپ قالدىقتارىن كادەگە جاراتۋ كولەمىن ارتتىرۋ ارقىلى قورشاعان ورتاعا كەلتىرىلەتىن زالال 72 پايىزعا تومەندەدى. وكىلەتتى ورگانداردىڭ قىزمەتىن ءتيىمدى ۇيلەستىرۋ ارقىلى ەڭبەك قاتىناستارى سالاسىندا تۇراقتىلىق ساقتالدى. سونىڭ ناتيجەسىندە 2,5 مىڭ جۇمىسشىعا 283 ملن. تەڭگە جالاقى بەرەشەگى ۋاقتىلى وتەلدى. وعان قوسا مەملەكەتتىك كاسىپورىنداردىڭ جۇمىسپەن قامتۋ ورتالىقتارىنا بوس جۇمىس ورىندارى تۋرالى حابارلاماۋىنىڭ 1,8 مىڭنان استام دەرەگى بەلگىلى بولىپ, قابىلدانعان شارالار بويىنشا 437 ادام ەڭبەك ورنىن تاپتى.
وبلىس پروكۋراتۋراسىنىڭ باستاماسىمەن قاراۋسىز قالعان 28 اۋلانىڭ سپورت الاڭى قايتا جابدىقتالىپ, 5 مىڭنان استام جەتكىنشەك سپورتپەن اينالىسۋعا مۇمكىندىك الدى.