قازاقستانداعى كاسىپقوي بوكس فەدەراتسياسىنىڭ ۆيتسە-پرەزيدەنتى ۆيكتور دەميانەنكو Vesti.kz سايتىنا بەرگەن سۇحباتىندا قازاقستاندىق بوكسشى قانات يسلام مەن مەكسيكالىق الەمنىڭ بۇرىنعى چەمپيونى ساۋل "كانەلو" الۆارەس اراسىندا بولۋى مۇمكىن جەكپە-جەك تۋرالى ءوز پىكىرىن ءبىلدىردى.
"مەنىڭ ويىمشا بۇل جاي ءسوز عانا. مەن قانات يسلامنىڭ مەكسيكالىق بوكسشىمەن قارسىلاس بولادى دەگەندى ەشقانداي جەردەن كورمەدىم. الايدا ەل اراسىندا سونداي سوزدەر ءجۇرىپ جاتىر. سوعان قاراعاندا ءبىر نەگىز بولۋى مۇمكىن. جەكپە-جەك قازىر بولا قويماس, بىراق سوعان الىپ كەلە جاتىر. مۇنىڭ ءوزى دە جاقسى", - دەدى ۆيكتور دەميانەنكو.
بوكس مامانىنىڭ ايتۋىنشا, جەكپە-جەكتە بوكسشىنىڭ دايىندىعى مەن دەنساۋلىعى شەشۋشى ءرول اتقارادى.
"ەگەر ءدال ەرتەڭ قانات الۆارەسپەن شىعاتىن بولسا, بىردەن جەڭىلەدى دەپ ايتا الامىن. سەبەبى كەشەگى قانات يسلامنىڭ جەكپە-جەگىن قاراڭىز. ول اۋىرعاندىقتان, جاتتىعۋ جاساعان جوق. ونىڭ قولعاپتارى دۇرىس بولمادى دەگەن ءجاي بوس ءسوز. سوڭعى جەكپە-جەگى تۋرالى ءسوز ەتىپ تە قاجەتى جوق. ول قايتىپ جەڭەدى؟ ونىڭ سوققىسى جويقىن ەمەس. ونىڭ كاسىبي بوكستا نە كاسىبي شەبەرلىگى نە تاجىريبيەسى جوق", - دەدى ول.
رەسەيلىك بەلگىلى كوممەنتاتور گريگوري ستانگريت مامىر ايىندا مەكسيكالىق ساۋل "كانەلو" الۆارەس قازاقستاندىق بوكسشى قانات يسلاممەن جەكپە-جەك وتكىزۋى مۇمكىن دەگەن قاۋەسەتكە قاتىستى پىكىر ءبىلدىردى. ول Vesti.kz سايتىنا بەرگەن سۇحباتىندا مۇنداي جەكپە-جەكتىڭ ءوتۋى مۇمكىن ەمەس ەكەنىن ايتىپ وتىر.
"نەلىكتەن ءوتۋى مۇمكىن ەمەس؟ مۇنداي جەكپە-جەكتە ءبارى دە بولۋى مۇمكىن. بىراق, ارينە, كۇتە تۇرعان ابزال. بۇل چاۆەستىڭ (حۋليو سەزار چاۆەس - مەكسيكالىق بوكسشى) كومانداسىنىڭ الۆارەسكە ءتۇسىرىپ وتىرعان قىسىمى دا شىعار", - دەپ اتاپ ءوتتى ستانگريت.
ەسكە سالايىق, كەشە Fightnews.com باسىلىمى الۆارەس - يسلام جەكپە-جەگى وتۋى مۇمكىن دەگەن بولاتىن.