وڭتۇستىك كورەيا پروكۋراتۋراسى Samsung Group كەڭسەلەرىندە ءتىنتۋ جۇرگىزىپ جاتىر. كومپانيا ساياسي داۋ-داماي ورتاسىندا قالعان ەل پرەزيدەنتىنىڭ جاقىن ادامى چحۆە سۋن سيلمەن بايلانىسى بار دەپ ايىپتالۋدا, دەپ حابارلادى Reuters اگەنتتىگى.
ساياسي داۋ-داماي چحۆە سۋن سيل وڭتۇستىك كورەيا پرەزيدەنتى پاك كىن حەگە ەل الدىندا سويلەيتىن سوزدەرىنىڭ ءماتىنىن جازىپ بەرەدى دەگەن قاۋەسەتتەردەن باستالدى. چحۆە سۋن سيلگە مەملەكەتتىك ىسكە ارالاستى دەگەن ايىپ تاعىلىپ وتىر.
Samsung كومپانياسىنىڭ ءباسپاسوز حاتشىسى كەڭسەلەردە ءتىنتۋ ءجۇرىپ جاتقانىن راستادى. كومپانيا وكىلى باسقا ءمان-جايدى ايتپادى. بۇعان دەيىن كومپانيانىڭ مەملەكەتتىك ىستەرگە «بەيپروپورتسيونالدى ىقپال ەتىپ كەلگەن» قىزمەتىنە تەرگەۋ جۇرگىزۋ شەڭبەرىندە وڭتۇستىك كورەياداعى Samsung كەڭسەلەرىنە ءتىنتۋ جۇرگىزىلگەنى حابارلانعان ەدى.