الماتىدا ۇرلىق تۋرالى تۇسەتىن اقپاراتتارمەن جىلدام الماسۋ ماقساتىندا "ۇرلىق توقتاسىن" اتتى چات اشىلدى. بۇل تۋرالى الماتى قالاسىنىڭ ءىىد ءباسپاسوز قىزمەتى حابارلادى. چاتقا پوليتسەيلەر, قوعامدىق كولىك جۇرگىزۋشىلەرى مەن كوندۋكتورلار كىرگەن.
"الماتىدا كۇن سايىن 1 ميلليونعا جۋىق ادام قوعامدىق كولىكپەن جۇرەدى. قالادا 99 باعىتقا جۇرەتىن 1313 اۆتوبۋس بار. 552 قوعامدىق مارشرۋت ۆيدەوكامەرامەن جابدىقتالعان. سونىمەن قاتار 160 تروللەيبۋس تىركەلگەن. ولاردىڭ بارلىعىندا ۆيدەوكامەرا بار. بۇل قالتا ۇرىلارىن ۇستاۋعا كوپ كومەك", دەپ حابارلادى الماتى قالاسى ءىىد باسقارماسىنىڭ باستىعى جانبولات زيادين.
بۇل چات قازان ايىندا اشىلىپ, وتكەن اپتادا جۇمىس ىستەي باستاعان.