فرانتسيانىڭ بۇرىنعى پرەزيدەنتى نيكوليا ساركوزي پرايمەريزدىڭ ءبىرىنشى تۋرىندا جەڭىلىپ قالدى, دەپ حابارلايدى ريا نوۆوستي.
پرايمەريزدىڭ ورگكوميتەتىنىڭ رەسمي اقپاراتى بويىنشا, ساركوزي 22,9 پايىز عانا داۋىس جيناپ, ءۇشىنشى ورىن العان. بۇرىنعى پرەمەر-مينيستر فرانسۋا فيون (43,6 %) مەن الەن جيۋپپە (26,7 %) ءبىرىنشى جانە ەكىنشى ورىندا تۇر. قالعان قاتىسۋشىلاردىڭ ارقايسىسى 3 پايىزدان ارتىق داۋىس جيناي الماعان.
فرانتسيادا 20 قاراشادا جالپىۇلتتىق پرايمەريزدىڭ ءبىرىنشى تۋرى ءوتتى. وندا داۋىس بەرۋگە العاش رەت پارتياسىنا قاراماستان بارلىق ازاماتتار مەن 2017 جىلى كوكتەمگە دەيىن كامەلەتتىك جاسقا تولاتىن جاستار قاتىسۋعا مۇمكىندىك الدى.
ءبىرىنشى كەزەڭگە 7 كانيدادات قاتىستى: التاۋى رەسپۋبليكالىق پارتيادان, بىرەۋى حريستيان-دەموكراتيا پارتياسىنان. پرايمەريزدىڭ ەكىنشى تۋرى 27 قاراشادا وتەدى.