دومينيكان رەسپۋبليكاسىندا سۋ تاسقىنى بولىپ, 42 مىڭ ادام ەۆاكۋاتسيالاندى, دەپ حابارلايدى "ۆەستي.ru".
دومينيكاننىڭ تج ورتالىعىنىڭ مالىمەتىنە سەنسەك, 96 قالا مەن اۋىلدى جەرلەرمەن بايلانىس ءۇزىلىپ, 8348 ءۇي سۋ استىندا قالعان. سونىمەن قاتار سۋ تاسقىنىنىڭ كەسىرىنەن 17 كوپىر قۇلاعان. ەڭ قاتتى جاپا شەككەن پۋەرتو-پلاتا, ماريا-ترينيداد-سانچەس پەن گاسپار-ەرناندەس پروۆينتسيالارىندا 19 ۋاقىتشا جاتاقحانالار قۇرىلىپ, ولار 1,5 مىڭ ادامدى قابىلداۋعا دايىن.
مەتەورولوگتار بۇل وڭىردە قاتتى جاۋىن بولادى دەپ بولجاپ وتىر.