ءۇندىستاندا پويىزدىڭ اپاتقا ۇشىراۋى سالدارىنان قازا بولعاندار سانى 100 دەن استى, تاعى 200 ادام جاراقات العان, دەپ حابارلادى lenta.ru
سەنبىدەن جەكسەنبىگە قاراعان ءتۇنى ءۇندىستاننىڭ سولتۇستىگىندەگى ۋتتار-پرادەش شتاتىندا ينداۋر — پاتنا باعىتى بويىنشا ءجۇرىپ كەلە جاتقان جولاۋشىلار پويىزىنىڭ 14 ۆاگونى رەلستەن شىعىپ كەتتى. پويىزدا 500 دەن استام ادام بولعان.
وقيعاعا بايلانىستى تەرگەۋ جۇمىستارى باستالدى. كەي دەرەكتەرگە قاراعاندا, اپاتقا جەرگىلىكتى شتات اۋماعىندا رەلستەردىڭ جارامسىزدىعى سەبەپ بولۋى مۇمكىن. ماسەلەن, وتكەن جىلدىڭ ناۋرىز ايىندا ءدال وسى ۋتتار-پرادەش شتاتىندا پويىزدىڭ رەلستەن شىعۋى سالدارىنان 39 ادام قازا تاۋىپ, 150-ءى جاراقات العان.