بانكتەردىڭ ەكونوميكاعا كرەديتتەرىنىڭ قالدىعى اعىمداعى جىلى وزگەرگەن جوق – 12,7 ترلن. تەڭگە. الايدا, 2016 جىلعى 9 ايدا بەرىلگەن كرەديتتەردىڭ كولەمى 525 ملرد. تەڭگەگە ۇلعايىپ, 7,2 ترلن تەڭگە بولدى. بۇل جونىندە بۇگىن قر پارلامەنتىنىڭ سەناتىندا ءسوز سويلەگەن قر ۇلتتىق بانكىنىڭ توراعاسى د.اقىشەۆ مالىمدەدى. ۇلتتىق بانك باسشىسى سونداي-اق تەڭگەمەن بەرىلگەن كرەديتتەر بويىنشا سىياقى مولشەرلەمەلەرىنىڭ قاڭتارداعى 23,7%-دان قىركۇيەكتە 16,3%-عا دەيىن تومەندەگەنىن اتاپ ءوتتى, دەپ حابارلايدى ۇلتتىق بانكتىڭ ءباسپاسوز قىزمەتى.
«ۇلتتىق بانك قارجىلىق تۇراقتىلىقتى قامتاماسىز ەتۋ جۇمىسىن جالعاستىراتىن بولادى. ەل ەكونوميكاسىنداعى داعدارىستى قۇبىلىستار ساقتالعان جاعدايدا ۇلتتىق بانك قارجى نارىعىن رەتتەۋدىڭ قارسى تسيكلدىق سيپاتىن ۇستانادى, بانك سەكتورىنىڭ جاعىمسىز جاعدايلارعا ورنىقتىلىعىنا ۇنەمى باعالاۋ جۇرگىزەتىن بولادى», – دەدى د. اقىشەۆ.