كەشەگى كۇننىڭ ءبارى تاريح دەسەك تە, تاۋەلسىز ەلىمىزدىڭ ءاربىر قادامى كوڭىلىمىزدە سايراپ تۇر. تاۋەلسىزدىك جىلدارى وڭتۇستىك قازاقستان وبلىسىندا 347 جاڭا مەديتسينالىق نىسان سالىنىپتى. سونداي-اق, «100 مەكتەپ, 100 اۋرۋحانا» باعدارلاماسى دا دەنساۋلىق ساقتاۋ سالاسىنىڭ دامۋىنا ۇلكەن ۇلەس قوستى.
قاشاندا كادر دايىنداۋ ماسەلەسى كۇن تارتىبىنەن تۇسكەن ەمەس. بۇگىندە وبلىستا حالىققا قىزمەت جاساپ جاتقان دارىگەرلەر سانى 2 167-گە نەمەسە 5 136-دان 7 303-كە دەيىن ارتتى. ال, مەيىربيكەلەر سانى 2 192-گە ارتىپ نەمەسە 20 176-دان 22 368-كە دەيىن ءوستى. ءسويتىپ كادر تاپشىلىعى 2 ەسە, اۋىلدى جەرلەردە 2,5 ەسەگە ءتومەندەدى. سونىڭ ىشىندە ءوڭتۇستىك قازاقستان جەرىندەگى ەڭ بايىرعى وقۋ ورىندارىنىڭ ءبىرى – شىمكەنت مەديتسينا كوللەدجى ورتا بۋىندى مەديتسينالىق ءجانە فارماتسەۆتيكالىق قىزمەتكەرلەردىڭ باسەكەلەستىگىن قامتاماسىز ەتۋ ماقساتىندا تالاي بەلەستەردى باعىندىردى.
فارماتسەۆتيكالىق پاندەر بويىنشا وقىتۋشىلار تەوريالىق جانە تاجىريبەلىك ءبىلىمدى ۇشتاستىرۋ ماقساتىندا ءبىلىم الۋشىلاردىڭ ءتۇرلى مەنشىك نىسانداعى فارماتسەۆتيكالىق ۇيىم جانە كاسىپورىنداردا, دارىلەردىڭ ساپاسىن باقىلاۋ, دارىلەردى ستاندارتتاۋ, سەرتيفيكاتتاۋ زەرتحانالارىندا كەلەشەكتە ورىندايتىن ءىس-شارالارىنا باستى نازار اۋدارادى. فارماتسەۆتيكالىق مەكەمەلەردىڭ قۇرىلىمدىق بولىمشەلەرىنىڭ جۇمىستارىن ۇيىمداستىرۋدى, تۇرعىنداردى جانە مەديتسينالىق مەكەمەلەردى دارىلىك زاتتارمەن قامتاماسىز ەتۋدى, تاۋارلى-ماتەريالدىق قۇندىلىقتار بويىنشا ءىس-ارەكەتى جونىندە ەسەپ جۇرگىزىپ, ەسەبىن بەرۋدى, دارىلىك وسىمدىك شيكىزاتتاردى دايىنداۋدى جانە ت.ب. ۇيرەتۋدى نەگىزگى ماقساتى دەپ سانايدى. سونداي-اق كوللەدج باسشىلىعىنىڭ بولاشاق فارماتسەۆتەرگە قاجەتتى بارلىق داعدىلار مەن شەبەرلىكتەردى مەڭگەرۋى ءۇشىن وقۋ-وندىرىستىك جانە ديپلومالدى تاجىريبەلەردەن وتۋگە «Europharma» فارماتسەۆتيكالىق فيرماسىمەن, «زەردە» جشس-مەن شارت جاساسۋى جانە قالامىزدا ورنالاسقان «حيمفارم» اكتسيونەرلىك قوعامىنا ەكسكۋرسياعا اپارىپ, ءدارى-دارمەكتەر دايىنداۋدىڭ بۇكىل ۇردىسىمەن تانىستىرۋدى ۇيىمداستىرۋى دا ۇلكەن ىقپال ەتۋدە. «فارماتسيا» ماماندىعى بويىنشا مەديتسينا كوللەدجدەرى تۇلەكتەرىنىڭ اراسىنداعى رەسپۋبليكالىق, وبلىستىق سايىستارعا قاتىسقان ستۋدەنتتەرىمىز جۇلدەلى ورىندارعا يە بولدى. رەسپۋبليكا كولەمىندەگى بۇل جەتىستىككە قول جەتكىزۋگە كوللەدجدىڭ وقۋ-تاربيە جۇمىسىن دۇرىس باعىتتا ۇيىمداستىرا ءبىلگەن كوللەدج باسشىسى م.سۇلتانوۆ پەن وقىتۋشىلاردىڭ ەڭبەكتەرى زور.
«ەلۋ جىلدا – ەل جاڭا» دەگەن, شيرەك عاسىردىڭ وزىندە ەلىمىز ادام تاڭعالارلىقتاي جاعدايدا وزگەردى. ءبىلىم الامىن, قىزمەت ەتەمىن دەگەن جاستارعا مۇمكىندىك مول. ەندەشە بارىمتاعا قارىمتا دەگەن, بولاشاق فارماتسەۆتەر دە كوللەدجدە العان بىلىمدەرىن, جيناعان تاجىريبەلەرىن وتاندىق فارماتسيا سالاسىن دامىتۋعا ارنايتىنى انىق.
ساۋلە قاراتاەۆا,
گۇلناز ماديەۆا,
شىمكەنت مەديتسينا كوللەدجىنىڭ وقىتۋشىلارى