كەشە قىزىلوردا وبلىسى, قىزىلوردا قالاسى اكىمدىكتەرى, ەۋروپالىق قايتا قۇرۋ جانە دامۋ بانكى جانە «قىزىلوردا تازالىعى» جشس اراسىندا «قىزىلوردادا تۇرمىستىق قاتتى قالدىقتاردى وڭدەۋ» جوباسىن جۇزەگە اسىرۋ تۋرالى كەلىسىمگە قول قويىلدى, دەپ حابارلايدى egemen.kz قىزىلوردا وبلىسى اكىمدىگىنىڭ سايتىنا سىلتەمە جاساپ.
جوبانى ەققدب, قر ۇكىمەتى, وبلىس اكىمدىگى جانە حالىقارالىق تازا تەحنولوگيالار قورى قارجىلاندىرادى.
جوبا اياسىندا بولاشاقتا ەكولوگيالىق تازا ەلەكترلى جانە بيوگازدى جىلۋ ەنەرگياسىن الۋ جوسپارلانۋدا.
تۇرمىستىق قاتتى قالدىقتاردى وڭدەيتىن زاۋىتتا تۇراقتى جاڭا جۇمىس ورىندارى اشىلاتىن بولادى.
"حالىقارالىق قارجى ۇيىمدارىمەن بىرلەسكەن كەلىسىمدەر اياسىندا جۇزەگە اسىرىلاتىن جوبالاردى قولداۋ ماقساتىندا قر ۇكىمەتى جوبانىڭ جالپى قۇنىنىڭ 40 پايىزىنا دەيىن قايتارىمسىز نەسيە بەرۋ ءتارتىبىن بەكىتتى. ءىرى ينفراقۇرىلىمدىق جوبالاردى جۇزەگە اسىرۋ ءۇشىن بۇل ەڭ قولايلى شارتتار بولىپ تابىلادى. تۇرمىستىق قاتتى قالدىقتاردان ەكولوگيالىق تازا جىلۋ جانە ەلەكتر قۋاتىن الۋ جوباسى زامان تالابىنا ساي جانە «ەكسپو-2017» حالىقارالىق كورمەسىنىڭ تالاپتارىنا سايكەس كەلەدى", - دەدى وبلىس اكىمى قىرىمبەك كوشەرباەۆ.
ەققدب-ءنىڭ قازاقستانداعى ديرەكتورى دجانەت حەكمان حانىم ءوز كەزەگىندە «جاسىل» تەحنولوگيالاردى ەنگىزۋ بويىنشا قىزىلوردا وبلىسى پيلوتتىق ايماق ەكەندىگىن اتاپ ءوتتى.