قازاقستاندىق جوعارى سىنىپ وقۋشىلارى برازيليانىڭ پورتۋ-الەگري جانە نوۆۋ گامبۋرگ قالالارىندا وتكەن حالىقارالىق عىلىمي جۇمىستار بايقاۋىنا قاتىستى.
شىعارماشىلىق جارىس Mostra Internacional de Ciência e Tecnologia (Mostratec) 31-ءشى حالىقارالىق ءبىلىم كورمەسى شەڭبەرىندە وتكەن. شارانى ۇيىمداستىرعان - برازيليانىڭ Liberato قورى. بۇل قور عىلىم مەن تەحنولوگيالاردى دامىتۋ ءۇشىن بىلىكتى ماماندار دايىنداۋعا ىقپال ەتەتىن قوعامدىق ينستيتۋت.
Mostratec كورمەسىنىڭ ماقساتى - وقۋشىلاردىڭ جاراتىلىستانۋ عىلىمدارىنا دەگەن قىزىعۋشىلىعىن ىنتالاندىرۋ, عىلىم مەن تەحنيكانىڭ ءتۇرلى سالالارىنداعى شىعارماشىلىق قىزمەتكە تارتۋ, حالىقارالىق ىنتىماقتاستىقتى دامىتۋعا قولداۋ كورسەتۋ جانە وقۋشىلارمەن جۇمىس ىستەۋ ءۇشىن مامانداردى تارتۋ.
قاتىسۋشىلار قازىلار القاسىنىڭ نازارىنا ماتەماتيكا, فيزيكا, حيميا جانە ينفورماتيكادان زەرتتەۋ جۇمىستارىن ۇسىندى. بايقاۋ قورىتىندىسى بويىنشا, قازاقستاندىق وقۋشىلار 7 التىن, 6 كۇمىس جانە 7 قولا مەدالعا يە بولدى. ۇزدىك جۇمىستاردىڭ اۆتورلارى ديپلومدارمەن, باعالى سىيلىقتارمەن جانە ءبىلىم گرانتتارىمەن ماراپاتتالدى.