بۇگىن قازاقستان رەسپۋبليكاسىنىڭ تۇڭعىش پرەزيدەنتىنىڭ كىتاپحاناسىندا «ەۋرازيا گەوەكونوميكاسى: تۇيىسۋدەن ىنتىماقتاستىققا دەيىن» تاقىرىبىندا حالىقارالىق كونفەرەنتسيا ءوتتى. وندا تاياۋ كۇندەردە قحر مەملەكەتتىك كەڭەسىنىڭ توراعاسى لي كەتسيان ەلىمىزگە كەلەتىنى بەلگىلى بولدى.
قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى ديرەكتورىنىڭ ورىنباسارى تيمۋر شايمەرگەنوۆتىڭ ايتۋىنشا, لي كەتسيان ساپار بارىسىندا قازاقستان ۇكىمەتىنىڭ باسشىسى باقىتجان ساعىنتاەۆپەن كەزدەسپەك. كەلىسسوزدەر اياسىندا قازاقستان مەن قىتاي اراسىنداعى ساۋدا-ەكونوميكالىق قارىم-قاتىناستاردىڭ وزەكتى ماسەلەلەرى تالقىلانادى دەپ جوسپارلانىپ وتىر.
ايتا كەتەيىك, اتالعان كونفەرەنتسيادا قازاقستان مەن قىتاي ساراپشىلارى ەكى ەل اراسىنداعى ساۋدا-ەكونوميكالىق قاتىناستاردىڭ بولاشاعىن, نەگىزگى باعىتتارىن تالقىلادى.