كەشە قر پرەمەر-ءمينيسترى ب. ساعىنتاەۆ مينسككە جۇمىس ساپارى اياسىندا ەۋرازيالىق ۇكىمەتارالىق كەڭەس وتىرىسىنا قاتىستى, دەپ حابارلايدى egemen.kz primeminister.kz سايتىنا سىلتەمە جاساپ.
وتىرىس بارىسىندا قاتىسۋشىلار ەۋرازيالىق ەكونوميكالىق وداقتىڭ 2017 جىلعا ارنالعان بيۋدجەتىن, ەاەو كەدەندىك كودەكسى تۋرالى شارت جوباسىن, ەاەو مۇشە مەملەكەتتەردەگى تاۋارلاردىڭ قاداعالانۋ شارالارىن, ەۋرازيالىق ەكونوميكالىق كوميسسيانىڭ حالىقارالىق قىزمەتىن, سونىمەن قاتار, بىرقاتار ۇيىمداستىرۋشىلىق ماسەلەلەردى تالقىلادى.
قر پرەمەر-ءمينيسترى ب. ساعىنتاەۆ وتىرىستا ەۋرازيالىق ەكونوميكالىق وداق اياسىنداعى ءوزارا ارەكەتتەسۋدىڭ وزەكتى ماسەلەلەرىنىڭ اۋقىمدى سپەكترى تالقىلانىپ, ينتەگراتسيالىق بىرلەستىكتى ءارى قاراي دامىتۋدىڭ جولدارى بەلگىلەنگەنىن اتاپ ءوتتى.
وتىرىس قورىتىندىسى بويىنشا بىرقاتار كوپجاقتى قۇجاتتارعا قول قويىلدى. سونىڭ ىشىندە, ۆەتناممەن ەركىن ساۋدا ايماعى تۋرالى شارتقا قول قويىلدى. شامامەن 40 مەملەكەت قىزىعۋشىلىق تانىتتى.
ەسكە سالا كەتەيىك, اعىمداعى جىلدى, قازاقستاننىڭ ەاەو-داعى توراعالىعىمەن, قر پرەزيدەنتى ن. نازارباەۆ ەۋرازيالىق ەكونوميكالىق وداقتىڭ ءۇشىنشى ەلدەرىمەن جانە ماڭىزدى ينتەگراتسيالىق بىرلەستىكتەرمەن ەكونوميكالىق قارىم-قاتىناسىن تەرەڭدەتۋ جىلى دەپ جاريالادى.