2000
*1 قاڭتاردا قازاقستان پرەزيدەنتىنىڭ ەل حالقىنا جاڭا جىلدىق قۇتتىقتاۋى «ەگەمەن قازاقستان» گازەتىندە جارىق كوردى. قۇتتىقتاۋدا: «ءبىز اسا ءماندى تاريحي پارىزىمىزدى وتەي بىلدىك. سان عاسىرلىق سىنداردان قايىسپاي, ازاتتىقتى اڭساعان حالقىمىز حاقىندا ادىلەتتىلىكتى قالپىنا كەلتىرىپ, بوستاندىققا جەتىپ, جاڭا مىڭجىلدىققا الەمدىك قوعامداستىقتىڭ تەرەزەسى تەڭ مۇشەسى بولىپ, قادام باسقالى وتىرمىز. ءبىز اسا ءماندى ازاماتتىق پارىزىمىزدى وتەي بىلدىك. ءوزىمىزدىڭ ارعى-بەرگى بابالارىمىزدىڭ سان ۇرپاعى ارمانداپ, سول جولدا جان اياماي كۇرەسكەن تاۋەلسىز مەملەكەتىمىزدى قالپىنا كەلتىردىك», – دەدى ەلباسى نۇرسۇلتان نازارباەۆ.
*5 قاڭتاردا الماتىدا ورتالىق ازيا ەكونوميكالىق قوعامداستىعىنىڭ ءبىرىنشى ءسامميتى ءوتتى. جيىندا ن.ءا.نازارباەۆتىڭ ەۋرازيالىق كەڭىستىكتى قالىپتاستىرۋعا بايلانىستى جوباسى قولداۋ تاپتى.
*17 قاڭتاردا پرەزيدەنتتىڭ توراعالىق ەتۋىمەن ەل تاۋەلسىزدىگىنىڭ 10 جىلدىعىنا ازىرلىكتىڭ بارىسىن تالقىلاعان كەڭەس ءوتتى. ەلباسى ءار مينيسترلىك پەن ۆەدومستۆونىڭ, ءار وبلىس پەن ءار اۋداننىڭ تاۋەلسىزدىك تويىنا ارنايى باعدارلاماسى بولۋى قاجەتتىگىن اتاپ كورسەتتى. سونداي-اق, ەلباسى 10 جىلدىققا ازىرلىك داڭعازانىڭ دۇرمەگىمەن ەمەس, ەل داۋلەتىن ەسەلەيتىن ناقتى ەڭبەكپەن وتۋگە تيىستىگىن ەسكەرتتى.
*27 قاڭتاردا پرەمەر-مينيستر ق.توقاەۆ داۆوستاعى دۇنيەجۇزىلىك ەكونوميكالىق فورۋمنىڭ 31-وتىرىسىنا قاتىستى. فورۋم اياسىندا ق.توقاەۆ بۇۇ باس حاتشىسى كوفي اننانمەن كەزدەسىپ, قازاقستان پرەزيدەنتىنىڭ جەكە جولداۋىن تاپسىردى. سونداي-اق, ول دۇنيەجۇزىلىك ساۋدا ۇيىمىنىڭ باس ديرەكتورى م.مۋرمەن كەزدەسۋ بارىسىندا دسۇ-عا مۇشە بولۋ قازاقستاننىڭ سىرتقى ساياساتىنداعى باسىم باعىت ەكەندىگىن جەتكىزدى.
*30 قاڭتاردا استانادا اكىمدەردىڭ رەسپۋبليكالىق كەڭەسى بولىپ ءوتتى. كەڭەستە ءسوز سويلەگەن پرەزيدەنت نۇرسۇلتان نازارباەۆ تاۋەلسىزدىكتىڭ ون جىلدىعى قارساڭىندا ەكونوميكانى وركەندەتۋ, حالىقتىڭ تۇرمىسىن جاقسارتۋ تۇرعىسىندا بارلىق دەڭگەيدەگى اكىمدەردىڭ الدىنا قويىلاتىن مىندەتتەردى سارالاپ بەردى. بۇل تۋرالى «ەگەمەن قازاقستان» گازەتىنىڭ 31 قاڭتارداعى نومىرىندە نۇرسۇلتان نازارباەۆ ايتقانداي, «تاۋەلسىزدىكتى نىعايتۋ ءۇشىن كۇرەس – ەلگە تيگەن ۇلەس» تاقىرىبىمەن كولەمدى ماقالا جارىق كوردى.
*20 اقپاندا پرەزيدەنت ن.ءا.نازارباەۆ كۋالا-لۋمپۋردە مالايزيا پرەمەر-ءمينيسترى م.موحامادپەن كەزدەستى. كەزدەسۋ بارىسىندا تاراپتار ەكىجاقتى ىنتىماقتاستىق جانە حالىقارالىق ماسەلەلەر اياسىندا ءسوز قوزعادى.
*1 ناۋرىزدا پرەزيدەنت نۇرسۇلتان نازارباەۆ 1 شىلدەدەن باستاپ ەلدە قوسىمشا قۇن سالىعى مەن الەۋمەتتىك سالىق ستاۆكاسىنىڭ تومەندەيتىنىن, ال جەكە تۇلعالاردان الىناتىن سالىقتىڭ تابىس ءمولشەرىنە ەكشەلىپ ەسەپتەلەتىنىن مالىمدەدى. بۇل جاعىمدى جاڭالىق قالىڭ كوپشىلىكتىڭ, اسىرەسە, وتان-
دىق كاسىپكەرلەردىڭ كوكەيىندەگىسىن ءدوپ باسىپ, رەفورمالاردىڭ جەمىستى بولارىنا دەگەن حالىق سەنىمىن ارتتىرا ءتۇستى.
*6 ناۋرىزدا «موسكوۆسكي كومسومولەتس» گازەتىندە تمد ەلدەرىندەگى ورتاشا ايلىق جالاقى كورسەتكىشتەرىن اقش دوللارىنا شاعىپ كورسەتكەن دياگرامما جاريالاندى. قازاقستانداعى ورتاشا ايلىق جالاقى تمد-داعى 9 ەلدىڭ ەڭ جوعارعىسى بولدى.
*7 ناۋرىزدا مەملەكەت باسشىسى جاڭادان دايىندالىپ جاتقان سالىق كودەكسىندە وتاندىق بۇقارالىق اقپارات قۇرالدارىنا, سالىققا, اسىرەسە, قوسىمشا قۇن سالىعىنا (ندس) قاتىستى جەڭىلدىكتەردى ايقىنداۋ جونىندە ۇكىمەتكە تاپسىرما بەردى. باق-تىڭ ەكونوميكالىق تۇرعىدان ەمىن-ەركىن بولۋى قازاقستانداعى ءباسپاسوز بوستاندىعىن جان-جاقتى نىعايتۋدىڭ ەڭ باستى شارتى, – دەپ اتاپ كورسەتتى نۇرسۇلتان نازارباەۆ.
*15-16 ناۋرىز كۇندەرى ەكونوميكالىق ىنتىماقتاستىق ۇيىمىنىڭ باس حاتشىسى ا.گاۆاحي قازاقستاندا جۇمىس ساپارىمەن بولدى. قوناقتى پرەزيدەنت ن.ءا.نازارباەۆ جانە پرەمەر-مينيستر ق.توقاەۆ قابىلدادى.
*30 ناۋرىزدا نۇرسۇلتان نازارباەۆقا حالىقارالىق ينجەنەرلەر اكادەمياسىنىڭ پرەزيدەنتتەر كەڭەسى بەكىتكەن «XX عاسىردىڭ اسا كورنەكتى ينجەنەرى» قۇرمەتتى اتاعى بەرىلگەنىن ايعاقتايتىن ديپلوم مەن ۇلكەن التىن مەدال تابىس ەتىلدى.
*2 ساۋىردە قازاقستان پرەزيدەنتى نۇرسۇلتان نازارباەۆتىڭ نورۆەگيا كورولدىگىنە رەسمي ساپارى باستالدى. پرەزيدەنت نۇرسۇلتان نازارباەۆ پەن پرەمەر-مينيستر يەنس ستولپەنبەرگ مۇناي-گاز سەكتورىن, ونى تاسىمالداۋ مەن ترانزيتتەۋدى, كەمە قۇرىلىسىن, جاڭا تەحنولوگيالار سالاسىن, شاعىن جانە ورتا بيزنەستى باسىم باعىتتاردا بىرلەسە دامىتۋعا ۋاعدالاستى.
*4 ساۋىردە پرەزيدەنت نۇرسۇلتان نازارباەۆ رەسمي ساپارمەن ليتۆا رەسپۋبليكاسىنىڭ استاناسى ۆيلنيۋسكە كەلدى. ليتۆا پرەزيدەنتى ۆالداس ادامكۋسپەن اڭگىمە بارىسىندا ەكى ەل ىنتىماقتاستىعىن ساپالىق جاڭا دەڭگەيگە كوتەرۋگە العىشارت جاسايتىن بىرقاتار ماڭىزدى ماسەلەلەر بويىنشا ۋاعدالاستىققا قول جەتكىزىلدى.
*6 ساۋىردە الماتىدا ەل تاۋەلسىزدىگىنىڭ 10 جىلدىعىنا ارنالعان «جاڭا تاۋەلسىز مەملەكەتتەردەگى پرەزيدەنتتىك ينستيتۋت» اتتى حالىقارالىق كونفەرەنتسيا ءوتتى. كونفەرەنتسياعا قاتىسۋشىلار پرەزيدەنتتىك ينستيتۋتتىڭ اتقارىپ وتىرعان ۇلان-عايىر قىزمەتى ەلىمىزدى ەكونوميكالىق قيىندىقتاردان الىپ شىعاتىن بەرىك تۇتقا ەكەندىگىن اتاپ كورسەتتى.
*13 ساۋىردە پرەزيدەنت ۇكىمەت مۇشەلەرىمەن, وبلىس اكىمدەرىمەن كەڭەس وتكىزدى. 2001 جىلعى ءبىرىنشى توقسانداعى جۇمىستىڭ الدىن الا جاسالعان قورىتىندىلارى تۋرالى ايتا كەلىپ, ەلباسى وتكەن جىلدىڭ ءبىرىنشى توقسانىمەن سالىستىرعاندا ىشكى جالپى ءونىم 10 پايىزعا, ونەركاسىپ ءونىمىن ءوندىرۋ – 11,1 پايىزعا, اۋىل شارۋاشىلىعىنىڭ جالپى ءونىمى – 4,6 پايىزعا, نەگىزگى قورعا جۇمسالعان ينۆەستيتسيا 25,6 پايىزعا وسكەنىن, وسى ءۇش ايدىڭ ىشىندە ينفلياتسيا 2,5 پايىزدى قۇراعانىن اتاپ كورسەتتى. بۇل تۋرالى «ەگەمەن قازاقستان» گازەتىنىڭ 14 ءساۋىر كۇنگى نومىرىندە «ءتارتىپ جوق جەردە تابىس تا جوق» تاقىرىبىمەن كولەمدى ماقالا جارىق كوردى.
*14 ساۋىردە الماتى وبلىسىنىڭ اكىمشىلىك ورتالىعى الماتى قالاسىنان تالدىقورعان قالاسىنا كوشىرىلدى.
*26 ساۋىردە ىستانبۇلدا تۇركى تىلدەس مەملەكەتتەر باسشىلارىنىڭ VII ءسامميتى باستالدى. سامميتكە ازەربايجاننىڭ, قازاقستاننىڭ, قىرعىزستاننىڭ, تۇرىكمەنستاننىڭ, تۇركيانىڭ پرەزيدەنتتەرى – گەيدار اليەۆ, نۇرسۇلتان نازارباەۆ, اسقار اقاەۆ, ساپارمۇرات نيازوۆ, احمەت نەدجدەت سەزەر جانە وزبەكستان پارلامەنتىنىڭ باسشىسى ەركىن حاليلوۆ قاتىستى. باسقوسۋدا قازاقستان پرەزيدەنتى نۇرسۇلتان نازارباەۆ ءسوز سويلەدى.