2016 جىلعى 21 قازان, استانا, ۇكىمەت ءۇيى
ۋاكىلەتتى ۇيىمداردا مىندەتتى سىنامالانۋعا جانە تاڭبالانۋعا جاتپايتىن قازاقستان رەسپۋبليكاسىنىڭ اۋماعىندا وندىرىلگەن جانە (نەمەسە) وتكىزىلەتىن زەرگەرلىك جانە باسقا دا بۇيىمداردى ايقىنداۋ تۋرالى
«باعالى مەتالدار مەن اسىل تاستار تۋرالى» 2016 جىلعى 14 قاڭتارداعى قازاقستان رەسپۋبليكاسىنىڭ زاڭى 12-بابىنىڭ 4-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. وسى قاۋلىعا قوسىمشاعا سايكەس ۋاكىلەتتى ۇيىمداردا مىندەتتى سىنامالانۋعا جانە تاڭبالانۋعا جاتپايتىن قازاقستان رەسپۋبليكاسىنىڭ اۋماعىندا وندىرىلگەن جانە (نەمەسە) وتكىزىلەتىن زەرگەرلىك جانە باسقا دا بۇيىمدار ايقىندالسىن.
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ب.ساعىنتاەۆ
قازاقستان رەسپۋبليكاسى ۇكىمەتىنىڭ 2016 جىلعى 21 قازانداعى № 601 قاۋلىسىنا قوسىمشا
ۋاكىلەتتى ۇيىمداردا مىندەتتى سىنامالانۋعا جانە تاڭبالانۋعا جاتپايتىن
قازاقستان رەسپۋبليكاسىنىڭ اۋماعىندا وندىرىلگەن جانە (نەمەسە) وتكىزىلەتىن زەرگەرلىك جانە باسقا دا بۇيىمدار*
1. تاريحي, ارحەولوگيالىق, مادەني قۇندىلىققا يە باعالى مەتالداردان جانە (نەمەسە) اسىل تاستاردان جاسالعان بۇيىمدار.
2. بولىكتەردىڭ تولىق جيىنى بولماعان جاعدايدا, اياقتالماعان نەمەسە جينالماعان تۇردەگى باعالى مەتالداردان جاسالعان بۇيىمدار.
3. باعالى مەتالل قورىتپاسىنىڭ مىڭ ماسسالىق بولىگىندەگى تازا باعالى مەتالدىڭ ماسسالىق بولىكتەرىنىڭ سانى:
1) پلاتينا قورىتپاسى ءۇشىن 900;
2) التىن قورىتپاسى ءۇشىن 375;
3) پاللادي قورىتپاسى ءۇشىن 500;
4) كۇمىس قورىتپاسى ءۇشىن 800 تومەن باعالى مەتالداردان جاسالعان زەرگەرلىك بۇيىمدار.
4. باعالى مەتالداردىڭ, قىمبات باعالى مەتالداردان جاسالعان بۇيىمدارعا اشەكەي رەتىندە پايدالانىلاتىن ساف مەتالدار.
5. ءارتۇرلى اشەكەيلەر رەتىندە جانە دەكوراتيۆتىك ماقساتتار ءۇشىن قولدانىلاتىن باعالى مەتالداردان جاسالعان شىبىقتار, جولاقتار, سىم, تۇتىكتەر, سونداي-اق ورالعان جۇقا تاباقتار.
6. قالامدار ءۇشىن باعالى مەتالداردان جاسالعان قاۋىرسىندار.
7. جەكە تۇلعالار اكەلەتىن جانە (نەمەسە) اكەتەتىن تاۋار رەتىندە جەكە قولدانۋعا ارنالعان زەرگەرلىك جانە باسقا دا بۇيىمدار.
ەسكەرتپە: * - باعالى مەتالدار مەن اسىل تاستاردان جاسالعان زەرگەرلىك جانە باسقا دا بۇيىمدار – باعالى مەتالداردان جاسالعان مونەتالاردى قوسپاعاندا, اسىل تاستاردان جانە تابيعي نەمەسە جاساندى جولمەن الىنعان باسقا دا ماتەريالداردان جاسالعان كوزدەرى بار نە ونسىز, ءارتۇرلى كوركەمدىك وڭدەۋ تۇرلەرىن پايدالانا وتىرىپ, اسىل تاستاردان, باعالى مەتالداردان جانە ولاردىڭ قورىتپالارىنان جاسالعان, ءارتۇرلى اشەكەيلەر, تۇرمىستىق كادەگە جاراتاتىن زاتتار رەتىندە جانە (نەمەسە) ءدىني ءارى دەكوراتيۆتىك ماقساتتاردا قولدانىلاتىن بۇيىمدار.