بالالاردىڭ بال مەكەنى

قارت ۇلىتاۋ تورىندە ورنالاسقان, پاك جۇرەكتى ءبۇلدىر­شىن­دەردىڭ بالالىق شاق­تارىنىڭ كۋاسى – «ايگولەك» بالاباق­شاسىنا مىنە, بيىل 11 جىل تولىپ وتىر. كەلەشەكتىڭ كەلىستى بولۋى, كەلەشەك ۇرپاعىمىزدىڭ وي-ءورى­سىن دامىتىپ, ۇلتتىق قۇندى­لىق­تاردى قاستەرلەۋگە تاربيەلەۋ جولىندا بالاباقشانىڭ ما­ڭىزى زور. قاراعاندى وبلىسى, ۇلىتاۋ اۋدانى, جەزدى كەنتىندە كوم­مۋنالدىق مەملەكەتتىك قازى­نالىق كاسىپورنى «ايگو­لەك» بالاباقشاسى 2005 جىل­دىڭ 1 ماۋسىمىندا «با­لا­پان» باعدارلاماسى اياسىن­دا قۇ­رىلدى. جالپى, بالاباق­شادا بۇلدىرشىندەر جاس ەرەك­شەلىكتەرىنە ساي, توپ-توپپەن قابىلدانىپ, جاڭا مەكتەپكە دەيىنگى ءبىلىم بەرۋ ۇيىمدارىنىڭ ستاندارتىنا ساي جۇمىس ءىس­تەپ كەلەدى. بالاباقشانىڭ العاش­قى مەڭگەرۋشىسى بوتاگوز بازىلبەكوۆا «ايگولەك» بالاباق­شاسىنىڭ نەگىزىن قۇرىپ, 8 جىل باسقاردى. 2013 جىلدان بەرى جاس تا بولسا باس بولا بىلگەن دي­نارا زەينەلقابدەنقىزى سەيتماعانبەتوۆا باسقارىپ كە­لەدى. سونىمەن قاتار, وسى 11 جىل ىشىندە «ايگولەك» بالا­باقشاسىنىڭ جەتىستىكتەرى دە اۋىز تولتىرىپ ايتارلىق. 2011 جىلى مەكتەپ جاسىنا دەيىنگى وبلىستىق «سارىارقا دارىندارى» ينتەللەكتۋالدىق باي­قاۋىندا ن.كولباي اعىلشىن ءتىلى بويىنشا ءى دارەجەلى ديپلوممەن, 2012 جىلى مەكتەپ جاسىنا دەيىنگى وبلىستىق «سارىارقا دارىندارى» ينتەللەكتۋالدىق بايقاۋىندا ا.ەرمەك ماتەماتيكا بويىنشا ءىV دارەجەلى ديپلوممەن, 2012 جىلى «مالەنكايا سترا­نا» بايقاۋىندا ۆوكال نو­ميناتسياسى بويىنشا ءىىى ءدا­رەجەلى ديپلوممەن, 2013 جى­لى «مالەنكايا سترانا» باي­قاۋ­ىندا بي نوميناتسياسى بويىنشا «ايگولەك» بيشىلەر توبى ءى دارەجەلى ديپلوممەن, 2013 جىلى الماتى قالاسىندا وتكەن «كۇنشۋاق» كونكۋرسىندا بي نوميناتسياسى بويىنشا «بالاۋسا» بيشىلەر توبى ءى دارەجەلى ديپلوممەن, 2014 جىلى الماتى قالاسىندا وتكەن رەسپۋبليكالىق تەلەۆيزيالىق «عۇمىرداريا» بايقاۋىندا بي نوميناتسياسى بويىنشا ءىى دارەجەلى ديپلوممەن, 2016 جى­لى «اسسول» بالالاردى جان-جاقتى دامىتۋ ورتالىعىنىڭ ۇيىمداستىرۋىمەن «مالەنكايا سترانا» بايقاۋىندا بي نوميناتسياسى بويىنشا ءىى دارەجەلى ديپلوممەن ماراپاتتالعان. بالا­باقشاداعى ءاربىر مامان يەسى ءوز ىسىنە تىڭعىلىقتى, جاۋاپ­كەرشىلىكپەن قاراپ, بالالاردىڭ شىعارماشىلىقتارىن دامىتۋدا ۇلكەن ۇلەس قوسىپ كەلەدى. جاقىندا جەزدى كەنتى ءما­دە­ني-ساۋىقتىرۋ ورتالى­عىن­دا «ايگولەك» بالاباق­شا­سىنىڭ 11 جىلدىق مەرەيتويىنا ارنالعان كونتسەرتتىك باع­دار­لاما ءوتتى. جۇرگىزۋشىلەر, وسى با­لاباقشانىڭ تۇلەكتەرى ايدانا, اسىلحان, نازىم حالىق­پەن امانداسىپ, جەزدى كەنتى اكىمى ب.نۇربالاەۆ پەن اۋدان­دىق كاسىپوداق توراعاسى ش.ءۇم­بەتوۆكە قۇتتىقتاۋ ءسوز كەزە­گىن بەردى. قۇتتىقتاۋ سوزدەن كەيىن بالاباقشا تۇلەكتەرى مەن قا­زىرگى تاربيەلەنۋشىلەرى ساحنا تورىنە شىعىپ «ايگولەك» فلەش-موب ءبيىن بيلەپ, ودان ءارى حور «اق كوگەرشىن», «ارقاشان كۇن سونبەسىن» اندەرىن ورىندادى. مىڭ بۇرالعان ءبيشى تۇلەكتەر «قۋىر­شاق», قازاق ءبيى «شاشۋ», ءبۇل­دىرشىندەر ءۇندى ءبيى «لەچا-لەچا» جانە باسقا بيلەردى تارتۋ ەتتى. كەش سوڭىندا جەزدى كەنتى اكىمى ب.نۇربالاەۆ پەن مەكەمە باسشىسى د.سەيتماعانبەتوۆا ءبىر توپ تاربيەشىلەردى العىس حاتپەن ماراپاتتادى. ءسوز سوڭىندا «ايگولەك» با­لا­­باقشاسى جارقىراپ, كور­كەيىپ, گۇلدەنە بەرسىن دەمەكپىز! جاننۇر اينابەكقىزى قاراعاندى وبلىسى, ۇلىتاۋ اۋدانى, جەزدى كەنتى