26 قازاندا ساعات 19:00-دە تۇركيا رەسپۋبليكاسىنىڭ قازاقستان رەسپۋبليكاسىنداعى ەلشىلىگى, استانا قالاسىنداعى يۋنۋس ەمرە اتىنداعى تۇرىك مادەنيەت ورتالىعى مەن تۇرىك ىنتىماقتاستىق جانە ۇيلەستىرۋ اگەنتتىگىنىڭ (TIKA) استانا كوورديناتورلىعىنىڭ بىرلەسە ۇيىمداستىرۋىمەن باۋىرلاس ەل قازاقستان رەسپۋبليكاسىنىڭ تاۋەلسىزدىگىنىڭ 25 جىلدىعىنا وراي «تۇركيا كۇندەرى» شاراسى اياسىندا «قازاقستان –تۇركيا دوستىق اۋەندەرى» كونتسەرتتىك باعدارلاماسى وتەدى.
تۇركيا – قازاقستاننىڭ تاۋەلسىزدىگىن ءبىرىنشى بولىپ تانىعان تاتۋ كورشى, تابىستى ارىپتەس. بارلىق سالادا بايلانىسى بەرىك باۋىر ەل. تۇركيا ەلىنىڭ ونەرپازدارى مەملەكەت ەگەمەندىگىنىڭ جيىرما بەس جىلدىق ۇلى تويىن ۇمىتپاي, قۇتتىقتاۋ تىلەكتەرىن ايتىپ, ءور ونەرىن تارتۋ ەتۋگە كەلمەك.
مەرەكەلىك كەشتە تۇركيا ەلىنىڭ تانىمال انشىلەرى چيدەم گيۋردال, دجەم گيۋردال, مۋستافا ەكە جانە تۇركى الەمى مۋزىكالىق ءانسامبلى بىزگە باۋىرلاس ەلدىڭ باي مادەنيەتىن, تۇنىق تۋىندىلارىن ۇسىنادى.
شارا بارىسىندا تۇركيا انشىلەرىمەن قاتار قازاقستان انشىلەرى دە ونەر كورسەتەدى. ولار ديماش قۇدايبەرگەنوۆ, گۇلنۇر ورازىمبەتوۆا, كامشات جولدىباەۆا, شاحاريزات سەيداحمەت, حانزادا توبى جانە تانىمال قوبىزشى اقەركە تاجىباەۆا. سونداي-اق كەش بارىسىندا قازاقستان مەن تۇركيا ەلدەرىنىڭ دوستىق ءانىن تىڭداۋعا كەلگەن ءار قۇرمەتتى قوناققا لوتورەيا تاراتىلىپ, كونتسەرتتە ويناتىلادى. ياعني, ءار كورەرمەننىڭ تۇركياعا تەگىن جولدامانى ۇتىپ الۋ مۇمكىندىگى بار.