ەلوردادا ەل تاۋەلسىزدىگىنىڭ 25 جىلدىق مەرەيتويىنا وراي, «قۋاتتى ءوڭىر – قۋاتتى قازاقستان» اكتسياسىنىڭ اياسىندا پاۆلودار وبلىسىنىڭ كۇندەرى ءوتىپ جاتقانى بەلگىلى. بۇگىن «حان شاتىر» سوو الدىنداعى الاڭدا پاۆلودارلىق اۋىل شارۋاشىلىعى تاۋارلارىن وندىرۋشىلەردىڭ جارمەڭكەسى باستالدى, دەپ حابارلادى «ەگەمەن قازاقستان» ءتىلشىسى.
ەكى كۇنگە سوزىلاتىن جارمەڭكەگە وبلىستان 200 ملن تەڭگەنىڭ 700 توننادان استام تاۋارى جەتكىزىلىپتى. ونىڭ 90 توننادان استامى ەت پەن ەت ونىمدەرى, 300 تونناسى كارتوپ, 140 تونناسى كوكونىس, 150 تونناسى باسقا دا ازىق-ت ۇلىكتەر.
– وبلىستىڭ بارلىق وڭىرىنەن 100-دەن استام كاسىپورىن مەن اۋىلشارۋاشىلىق قۇرىلىمى جالپى سوماسى 200 ملن تەڭگەدەن استام ءونىم اكەلىپ وتىر. ءبىزدىڭ كاسىپورىنداردىڭ ونىمدەرى استانادا سۇرانىسقا يە دەگەن سەنىمدەمىز. اسىرەسە, پاۆلوداردا شىعاتىن ەت پەن ءسۇت ونىمدەرى. جارمەڭكەدە ەلوردالىقتارعا قولايلى باعامەن ازىق-ت ۇلىك ونىمدەرىنىڭ كەڭەيتىلگەن اسسورتيمەنتى ۇسىنىلۋدا, – دەدى وبلىس اكىمىنىڭ ورىنباسارى باۋىرجان قاسەنوۆ.
ارنۇر اسقاروۆ