قازاقستان قۇراماسى سولومون ارالدارىن 10:0 ەسەبىمەن ويسىراتا ۇتىپ, الەم چەمپيوناتىنىڭ پلەي-وفف كەزەڭىنە ءوتتى.
قازاقستان قۇراماسى ساپىنان ارنولد كناۋب (9-22 مينۋتتا), دۋگلاس (16-29 مينۋتتا) جانە پاۆەل تاكۋ (28-29 مينۋتتا) دۋبل اۆتورى اتاندى. الەكساندر دوۆگان (4-مينۋت), لەو (18-مينۋت), يليا مۋن (29-مينۋت) جانە نيكولاي پەنگرين (38-مينۋت) ءبىر-ءبىر گولدان سالدى.
قازاقستان قۇراماسى: يگيتا, لەو, پەرشين, دوۆگان, دۋگلاس – گۋروۆ, كناۋب, نۋرگوجين, گرەبونوس, پەنگرين, سۇلەيمەنوۆ, ەسەنامانوۆ, تاكۋ, مۋن.
بۇگىندە جەرلەستەرىمىز ە توبىندا 6 ۇپايمەن ەكىنشى ورىندا. ايتا كەتەيىك, توپتىق كەزەڭدەگى العاشقى ويىندا ءبىزدىڭ قۇراما ارگەنتينا كومانداسىنان ۇتىلىپ, كوستا-ريكامەن بولعان ويىندا 3:1 ەسەبىمەن باسىم تۇسكەن بولاتىن.
«ەگەمەن-اقپارات»