2016 جىلعى 20 قاڭتار, استانا قالاسى
قازاقستان رەسپۋبليكاسى ۇلتتىق ەكونوميكا مينيسترلىگى مەملەكەتتىك ماتەريالدىق رەزەرۆتەر كوميتەتىنىڭ رەگلامەنتىن بەكىتۋ تۋرالى
«اكىمشىلىك راسىمدەر تۋرالى» 2000 جىلعى 27 قاراشاداعى قازاقستان رەسپۋبليكاسى زاڭىنىڭ 9-1-بابىنىڭ 1-تارماعىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسى ۇلتتىق ەكونوميكا مينيسترلىگى مەملەكەتتىك ماتەريالدىق رەزەرۆتەر كوميتەتىنىڭ (بۇدان ءارى - كوميتەت) رەگلامەنتى بەكىتىلسىن.
2. كوميتەتتىڭ پەرسونالمەن جۇمىس جانە اكىمشىلىك جۇمىس باسقارماسى زاڭنامادا بەلگىلەنگەن تارتىپتە:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنەورنالاستىرۋ,مەرزىمدى باسپا باسىلىمدارىنا,سونداي-اق «ادىلەت» اقپاراتتىق-قۇقىقتىق جۇيەسىنە رەسمي جاريالاۋ ءۇشىن قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋدى كوميتەت توراعاسىنىڭ ورىنباسارى ا.ت. قادىربەكوۆكە جۇكتەيمىن.
4.وسى بۇيرىق مەملەكەتتىك تىركەلگەن كۇنىنەن باستاپ قولدانىسقا ەنگىزىلەدى جانە رەسمي جاريالاۋعا جاتادى.
توراعا ا.ءسادۋ
قازاقستان رەسپۋبليكاسى ۇلتتىق ەكونوميكا مينيسترلىگى مەملەكەتتىك ماتەريالدىق رەزەرۆتەر كوميتەتى توراعاسىنىڭ 2016 جىلعى 20 قاڭتارداعى №3 بۇيرىعىمەن بەكىتىلگەن
قازاقستان رەسپۋبليكاسى ۇلتتىق ەكونوميكا مينيسترلىگى مەملەكەتتىك ماتەريالدىق
رەزەرۆتەر كوميتەتىنىڭ رەگلامەنتى
1. جالپى ەرەجەلەر
1. قازاقستان رەسپۋبليكاسى ۇلتتىق ەكونوميكا مينيسترلىگى مەملەكەتتىك ماتەريالدىق رەزەرۆتەر كوميتەتىنىڭوسى رەگلامەنتى (بۇدان ءارى – رەگلامەنت) قازاقستان رەسپۋبليكاسىنىڭ كونستيتۋتسياسىنا, زاڭدارىنا, قازاقستان رەسپۋبليكاسى پرەزيدەنتىنiڭ, ۇكىمەتىنىڭ اكتىلەرىنە, قازاقستان رەسپۋبليكاسى ۇكىمەتىنىڭ 2014 جىلعى 24 قىركۇيەكتەگى № 1011 قاۋلىسىمەن بەكىتىلگەن قازاقستان رەسپۋبليكاسى ۇلتتىق ەكونوميكا مينيسترلىگى تۋرالى ەرەجەگە (بۇدان ءارى – مينيسترلىك تۋرالى ەرەجە), قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 1 قازانداعى № 37 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە№ 9781 بولىپ تىركەلگەن) قازاقستان رەسپۋبليكاسى ۇلتتىق ەكونوميكا مينيسترلىگى مەملەكەتتىك ماتەريالدىق رەزەرۆتەر كوميتەتى (بۇدان ءارى – كوميتەت) تۋرالى ەرەجەگە (بۇدان ءارى – كوميتەت تۋرالى ەرەجە) جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس وزىنە جۇكتەلگەن فۋنكتسيالاردى ورىنداۋ پروتسەسىندە كوميتەت قىزمەتىنىڭ جالپى قاعيدالارىن بەلگىلەيدى.
2. وسى رەگلامەنتتە بەلگىلەنگەن قۇجاتتارمەن جۇمىس ىستەۋگە قويىلاتىن تالاپتار, مەرزىمدەر كوميتەتتىڭ جانە ۆەدومستۆولىق باعىنىستاعى ۇيىمنىڭ بارلىق قىزمەتكەرلەرىنە قولدانىلادى.
3. قۇپيا ەمەس ءىس قاعازدارىن ۇيىمداستىرۋ مەن جۇرگىزۋ, حات-حابارلاردى قابىلداۋ, وڭدەۋ جانە تاراتۋ, سونىڭ ىشىندە ەلەكتروندىق قۇجات اينالىمىن جۇرگىزۋ قازاقستان رەسپۋبليكاسىنىڭ «نورماتيۆتىك قۇقىقتىق اكتىلەر تۋرالى» 1998 جىلعى 24 ناۋرىزداعى (بۇدان ءارى – «نقا تۋرالى» زاڭ), «اكىمشىلىك راسىمدەر تۋرالى» 2000 جىلعى 27 قاراشاداعى (بۇدان ءارى – «اكىمشىلىك راسىمدەر تۋرالى» زاڭ), «ەلەكتروندىق قۇجات جانە ەلەكتروندىق تسيفرلىق قولتاڭبا تۋرالى» 2003 جىلعى 7 قاڭتارداعى, «جەكە جانە زاڭدى تۇلعالاردىڭ وتىنىشتەرىن قاراۋ ءتارتىبى تۋرالى» 2007 جىلعى 12 قاڭتارداعى (بۇدان ءارى – «وتىنىشتەردى قاراۋ تۋرالى» زاڭ) زاڭدارىنىڭ,«مەملەكەتتىك جانە مەملەكەتتىك ەمەس ۇيىمداردا قۇجاتتاما جاساۋدىڭ جانە قۇجاتتامانى باسقارۋدىڭ ۇلگىلىك قاعيدالارىن بەكىتۋ تۋرالى» قازاقستان رەسپۋبليكاسى مادەنيەت جانە سپورت ءمينيسترىنىڭ 2014 جىلعى 22 جەلتوقسانداعى № 144 بۇيرىعىنىڭ(نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10129 بولىپ تىركەلگەن) تالاپتارىنا جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس وسى رەگلامەنتپەن ايقىندالادى.
قۇپيا ءىس قاعازدارىن ۇيىمداستىرۋ جانە جۇرگىزۋ «مەملەكەتتىك قۇپيالار تۋرالى» 1999 جىلعى 15 ناۋرىزداعى قازاقستان رەسپۋبليكاسىنىڭ زاڭىنا, قازاقستان رەسپۋبليكاسى ۇكىمەتىنىڭ قاۋلىسىمەن بەكىتىلگەن قازاقستان رەسپۋبليكاسىندا قۇپيالىلىق رەجيمىن قامتاماسىز ەتۋ جونىندەگى نۇسقاۋلىققا سايكەس جۇزەگە اسىرىلادى.
4. كوميتەت اپپاراتىندا جۇمىس ۋاقىتىنىڭ ۇزاقتىعى سەگىز ساعات بولعان كەزدە, جۇمىستىڭ باستالۋى 9 ساعات 00 مينۋت, جۇمىستىڭ اياقتالۋى – 18 ساعات 30 مينۋت دەپ بەلگىلەنگەن. تۇسكى ءۇزىلىس ساعات 13 ساعات 00 مينۋتتان14ساعات 30 مينۋتقا دەيىن.
2. جۇمىستى جوسپارلاۋ
5. كوميتەتتە جۇمىستى جوسپارلاۋ قازاقستان رەسپۋبليكاسىنىڭ ستراتەگيالىق جانە باعدارلامالىق قۇجاتتارىنا, قازاقستان رەسپۋبليكاسى ۇلتتىق ەكونوميكا مينيسترلىگىنىڭ بەسجىلدىق كەزەڭگە ارنالعان Cتراتەگيالىق جوسپارىنا (بۇدان ءارى – ستراتەگيالىق جوسپار), قازاقستان رەسپۋبليكاسى ۇلتتىق ەكونوميكا مينيسترلىگىنىڭ وپەراتسيالىق جوسپارىنا (بۇدان ءارى - وپەراتسيالىق جوسپار), مينيسترلىك تۋرالى ەرەجەگە, كوميتەت تۋرالى ەرەجەگە, جوعارى تۇرعان ورگانداردىڭ تاپسىرمالارىنا نەگىزدەلەدى.
6. ستراتەگيالىق جوسپاردا كوزدەلگەن مەملەكەتتىك ماتەريالدىق رەزەرۆ سالاسىنداعى نىسانالى ينديكاتورلارعا جانە مىندەتتەردىڭ تىكەلەي ناتيجەلەرىنىڭ كورسەتكىشتەرىنە قول جەتكىزۋ كوميتەتتىڭ قۇرىلىمدىق بولىمشەلەرىنىڭ ءبىرىنشى كەزەكتەگى مىندەتى بولىپ تابىلادى.
7. كوميتەت جىل سايىن ستراتەگيالىق جوسپاردى ىسكە اسىرۋ ءۇشىن بەكىتىلەتىن وپەراتسيالىق جوسپارعا قۇزىرەتى شەگىندە ۇسىنىستار ەنگىزەدى.
8. وتكەن جىلدىڭ قورىتىندىلارى بويىنشا قۇزىرەتى شەگىندە ستراتەگيالىق جوسپاردىڭ نىسانالى ينديكاتورلارىنىڭ جانە تىكەلەي ناتيجەلەر كورسەتكىشتەرىنىڭ ىسكە اسىرىلۋ بارىسى تۋرالى مينيسترلىككە ەسەپ ۇسىنادى.
9. ستراتەگيالىق جانە وپەراتسيالىق جوسپارلاردا بەكىتۋ ءۇشىن مەملەكەتتىك ماتەريالدىق رەزەرۆتەر سالاسىنداعى ءىس-شارالاردى ازىرلەۋ, ىسكە اسىرۋ, مونيتورينگىلەۋ, تالداۋ, تۇزەتۋ جونىندەگى جۇمىستى ۇيلەستىرۋدى كوميتەتتىڭ جاۋاپتى قۇرىلىمدىق بولىمشەسى جۇزەگە اسىرادى.
10. مەملەكەتتىك ماتەريالدىق رەزەرۆتەر سالاسىنداعى ءىس-شارالاردى وپەراتسيالىق جوسپاردان الىپ تاستاۋ نەمەسە تولىقتىرۋ, ولاردىڭ ورىندالۋ مەرزىمدەرىن اۋىستىرۋ تۋرالى, اياقتالۋ نىسانىن جانە/نەمەسە جاۋاپتى ورىنداۋشىنى وزگەرتۋ بويىنشا شەشىمدى جەتەكشىلىك ەتەتىن ۆيتسە-مينيسترمەن كەلىسىلگەن كوميتەتتىڭ قىزمەتتىك جازباسىنىڭ نەگىزىندە جاۋاپتى حاتشى قابىلدايدى.
قىزمەتتىك جازبا جاۋاپتى حاتشىعا ءىس-شارانى ورىنداۋدىڭ بەلگىلەنگەن مەرزىمىنە دەيىن كەمىندە كۇنتىزبەلىك 15 (ون بەس) كۇن بۇرىن بەرىلەدى.
3. كوميتەتتىڭ اپپاراتتىق كەڭەستەرىن جوسپارلاۋ, دايىنداۋ جانە وتكىزۋ ءتارتىبى
11. كوميتەت توراعاسى كوميتەتتىڭ قۇزىرەتىنە كىرەتىن ماسەلەلەر بويىنشا, كوميتەتكە جۇكتەلگەن ءىس-شارالاردى ىسكە اسىرۋ بويىنشا, سونداي-اق ەڭبەك جانە اتقارۋشىلىق ءتارتىپتى ساقتاۋ جانە باسقا دا ماسەلەلەر بويىنشا قۇرىلىمدىق بولىمشەلەردىڭ جانە ۆەدومستۆولىق باعىنىستى ۇيىمنىڭباسشىلارىمەن اپپاراتتىق كەڭەس وتكىزەدى.
قۇرىلىمدىق بولىمشەلەردىڭ باسشىلارى بولماعاندا ولاردىڭ ورنىن اۋىستىراتىن تۇلعالار قاتىسادى.
12. قاجەتتىلىگىنە قاراي كوميتەت باسشىلىعىنىڭ نەمەسە قۇرىلىمدىق بولىمشەلەر باسشىلارىنىڭ باستاماسىمەن وزگە دە ماسەلەلەر بويىنشا كەڭەستەر وتكىزىلەدى.
4. مينيسترلىكپەن جانە ۆەدومستۆولىق باعىنىستى ۇيىممەن ءوزارا ءىس-قيمىل
13. كوميتەت مىندەتتەردى بولۋگە سايكەس جەتەكشىلىك ەتەتىن ۆيتسە-مينيسترگە ەسەپ بەرەدى جانە ءوز قىزمەتىن مەملەكەتتىك جوسپارلاۋ جۇيەسىنىڭ قۇجاتتارىندا, نورماتيۆتىك قۇقىقتىق اكتىلەردە جانە مينيسترلىك باسشىلىعىنىڭ تاپسىرمالارىندا قويىلعان مىندەتتەرگە سايكەس جۇزەگە اسىرادى.
14. كوميتەت قىزمەتىنىڭ سالاسىنا جاتاتىن ماسەلەلەر بويىنشا مينيسترلىك باسشىلىعىنىڭ تاپسىرمالارى تاپسىرمادا بەلگىلەنگەن مەرزىمدەردە ورىندالادى.
15. مينيسترلىك باسشىلىعىنىڭ تاپسىرمالارىن كوميتەتكە جەتكىزۋدى جانە ولاردىڭ ورىندالۋىن باقىلاۋدى كوميتەتتىڭ قۇجاتتامالىق قامتاماسىز ەتۋ قىزمەتى جۇزەگە اسىرادى.
16. ەگەر تاپسىرما كوميتەت قۇزىرەتى شەگىنەن تىس بولسا, ونىڭ باسشىسى تاپسىرمانىڭ ورىندالۋىن بەلگىلەنگەن قۇزىرەت شەگىندە قامتاماسىز ەتەدى جانە تاپسىرمانى تولىق كولەمدە ورىنداۋدىڭ مۇمكىن ەمەستىگى تۋرالى مينيسترلىكتىڭ تاپسىرما بەرگەن باسشىسىن دەرەۋ حاباردار ەتەدى.
17. ەگەر تاپسىرما كوميتەتتىڭ قۇزىرەتىنە كىرمەيتىن بولسا, ونىڭ باسشىسى مينيسترلىكتىڭ تاپسىرما بەرگەن باسشىلىعىنا ءتيىستى قىزمەتتىك جازبانى ۇسىنادى. كورسەتىلگەن قىزمەتتىك جازبا مينيسترلىككە تاپسىرماعا قول قويىلعان كۇننەن باستاپ كۇنتىزبەلىك 3 ء(ۇش) كۇننەن كەشىكتىرمەي, ال شۇعىل تاپسىرمالار بويىنشا دەرەۋ ۇسىنىلادى.
18. مينيسترلىك باسشىلىعىنىڭ تاپسىرمالارىن ورىنداۋ بارىسىندا كوميتەت مينيسترلىكتىڭ قۇرىلىمدىق بولىمشەلەرىمەن ءوزارا ءىس-قيمىل جاسايدى.
19. ۆەدومستۆولىق باعىنىستاعى ۇيىمداردىڭ قىزمەتى كوميتەتتىڭ ستراتەگيالىق ماقساتتارىنا قول جەتكىزۋگە باعدارلانعان. كوميتەت قىزمەتىنىڭ ءتيىستى باعىتتارى ۆەدومستۆولىق باعىنىستاعى ۇيىمنىڭ قۇرىلىمىندا جانە دامۋ جوسپارلارىندا كورىنىس تابادى.
5. كىرىس جانە شىعىس حات-حابارلاردى رەسىمدەۋ, وتكىزۋ, قاراۋ
20.كوميتەتتە ءىس جۇرگىزۋ, كوميتەتكە كەلىپ تۇسەتىن حات-حابارلاردى وڭدەۋ, تىركەۋ, جونەلتۋدى (جەتكىزۋدى) قۇجاتتامالىق قامتاماسىز ەتۋ قىزمەتى قازاقستان رەسپۋبليكاسىنىڭ «قازاقستان رەسپۋبليكاسىنداعى ءتىل تۋرالى» 1997 جىلعى 11 شiلدەدەگى (بۇدان ءارى – «ءتىل تۋرالى» زاڭ), «اكىمشىلىك راسىمدەر تۋرالى»,«وتىنىشتەردى قاراۋ تۋرالى» زاڭدارىناجانە وسى رەگلامەنتكە سايكەس جۇزەگە اسىرادى.
21. قازاقستان رەسپۋبليكاسى پرەزيدەنتىنىڭ اكىمشىلىگىنەن, قازاقستان رەسپۋبليكاسىنىڭ پارلامەنتىنەن جانە قازاقستان رەسپۋبليكاسى پرەمەر-ءمينيسترىنىڭ كەڭسەسىنەن كەلىپ تۇسەتىن حات-حابارلاردى قوسپاعاندا, كىرىس حات-حابارلارى ساعات 9.00-دەن 17.00-گە دەيىن قابىلدانادى جانە قۇجاتتامالىق قامتاماسىز ەتۋ قىزمەتىمەن تىركەلەدى.
22. قازاقستان رەسپۋبليكاسى پرەزيدەنتىنىڭ اكىمشىلىگىنەن, قازاقستان رەسپۋبليكاسىنىڭ پارلامەنتىنەن جانە قازاقستان رەسپۋبليكاسى پرەمەر-ءمينيسترىنىڭ كەڭسەسىنەن كەلىپ تۇسەتىن حات-حابارلار جۇمىس كۇندەرى ساعات 20.00-گە دەيىن قابىلدانادى.
23.شۇعىل تاپسىرمالاردى (ورىنداۋ مەرزىمى كۇنتىزبەلىك 10 (ون) كۇنگە دەيىن) ورىنداۋ ءۇشىن مەملەكەتتىك ورگاندار دايىنداعان قۇجاتتاردىڭ شۇعىل ەكەندىگىن راستايتىن قۇجاتتى (قازاقستان رەسپۋبليكاسى پرەزيدەنتى, قازاقستان رەسپۋبليكاسى پرەزيدەنتىنىڭ اكىمشىلىگى, قازاقستان رەسپۋبليكاسىنىڭ پرەمەر-ءمينيسترى, ونىڭ ورىنباسارلارى, قازاقستان رەسپۋبليكاسى پرەمەر-ءمينيسترى كەڭسەسىنىڭ باسشىسى اكتىلەرىنىڭ جانە تاپسىرمالارىنىڭ كوشىرمەلەرى) ۇسىنعان كەزدە جۇمىس كۇنى ىشىندە قابىلدانادى.
24. كوميتەت قىزمەتكەرلەرىنىڭ قۇجاتتامالىق قامتاماسىز ەتۋ قىزمەتىندە تىركەلمەگەن قۇجاتتاردى قابىلدامايدى.
25. قۇجاتتامالىق قامتاماسىز ەتۋ قىزمەتىندە «جەكە وزىنە» بەلگىسى بار كونۆەرتتەردى قوسپاعاندا بارلىق كونۆەرتتەر اشۋعا جاتادى. «جەكە وزىنە» بەلگىسىمەن قابىلدانعان كونۆەرتتەر ادرەساتقا اشىلماي جىبەرىلەدى. ەگەر ادرەساتپەن «جەكە وزىنە» بەلگىسى بار كونۆەرت اشىلعاننان كەيىن وندا قىزمەتتىك سيپاتتاعى قۇجات نەمەسە ءوتىنىش بولعان جاعدايدا, وندا ولار تىركەۋ ءۇشىن قۇجاتتامالىق قامتاماسىز ەتۋ قىزمەتىنە دەرەۋ بەرىلەدى.
26. مەملەكەتتىك ورگانداردان قاعاز جانە ەلەكتروندىق جەتكىزگىشتەردە كەلىپ تۇسكەن قۇجاتتار بىردەي بولادى جانە ءتيىستى ەلتاڭبالىق بلانكىدە رەسىمدەلەدى جانە مىناداي مىندەتتى دەرەكتەمەلەردى:
شىعىس ءنومىرى جانە كۇنىن;
قازاقستان رەسپۋبليكاسى پرەزيدەنتىنىڭ, قازاقستان رەسپۋبليكاسى پرەزيدەنتى اكىمشىلىگىنىڭ, قازاقستان رەسپۋبليكاسى پارلامەنتىنىڭ, قازاقستان رەسپۋبليكاسى ۇكىمەتى مەن پرەمەر-ءمينيسترىنىڭ, ونىڭ ورىنباسارلارىنىڭ جانە قازاقستان رەسپۋبليكاسى پرەمەر-ءمينيسترى كەڭسەسى باسشىلىعىنىڭ ءتيىستى اكتىلەرىنە جانە تاپسىرمالارىنا, سونداي-اق مەملەكەتتىك ورگاننىڭ سۇراۋىنا جاۋاپ كەزىندە كوميتەتكە باستاماشىلىق تارتىپپەن كەلىپ تۇسكەن قۇجاتتاردى (حاتتاردى), سونداي-اق ۋاكىلەتتى ورگاننان كەلىپ تۇسەتىن حاتتاردى قوسپاعاندا, سۇراۋدىڭ ءنومىرى مەن كۇنىنە سىلتەمەنى;
ورتالىق مەملەكەتتىك ورگان ءبىرىنشى باسشىسىنىڭ نەمەسە ونىڭ ورىنباسارلارىنىڭ نە جاۋاپتى حاتشىنىڭ (نە جاۋاپتى حاتشىنىڭ وكىلەتتىكتەرىن جۇزەگە اسىراتىن ورتالىق اتقارۋشى ورگاننىڭ لاۋازىمدى تۇلعاسىنىڭ) قولىن;
ورىنداۋشىنىڭ تەگى جانە ونىڭ تەلەفون ءنومىرىن قامتيدى.
بۇل رەتتە ەرەكشە ءمانى بار ماسەلەلەر جونىندەگى ەلەكتروندىق قۇجاتتار (مۇراعاتتار جانە قۇجاتتامانى باسقارۋشى ۋاكىلەتتى مەملەكەتتىك ورگان بەلگىلەگەن ساقتاۋ مەرزىمىمەن) قاعاز جەتكىزگىشتەردە رەسىمدەلەدى.
27. قازاقستان رەسپۋبليكاسى پرەزيدەنتى اكىمشىلىگىنىڭ, قازاقستان رەسپۋبليكاسى پارلامەنتىنىڭ, قازاقستان رەسپۋبليكاسى پرەمەر-ءمينيسترى كەڭسەسىنىڭ حات-حابارلارىنان باسقا, وسى رەگلامەنتتىڭ تالاپتارىن بۇزا وتىرىپ رەسىمدەلگەن كىرىس حات-حابارلارى قابىلدانبايدى جانە كوميتەتتىڭ قۇجاتتامالىق قامتاماسىز ەتۋ قىزمەتىمەن ءتيىستى مەملەكەتتىك ورگانعا سول كۇنى كەرى قايتارىلادى.
كوميتەتكە كەلىپ تۇسكەن حات-حابارلار قابىلدانعان كۇنى مەن ۋاقىتىن كورسەتە وتىرىپ, قول قويۋ ارقىلى قابىلدانادى.
28. بۇدان بۇرىن تىركەلگەن كىرىس قۇجاتىنا كەلىپ تۇسكەن قۇجاتقا نەگىزگى قۇجاتتىڭ تىركەۋ ءنومىرى بەرىلەدى.
29. تەك قاعاز جەتكىزگىشتە جولدانعان كىرىس قۇجاتى كەلىپ تۇسكەندە, قۇجاتتامالىق قامتاماسىز ەتۋ قىزمەتى كەلىپ تۇسكەن قۇجاتتى ەلەكتروندىق-تسيفرلىق نىسانعا جانە ونىڭ بارلىق قوسىمشالارىن (ەلەكتروندىق تسيفرلىق قولتاڭبامەن كۋالاندىرىلعان, ەلەكتروندىق قۇجاتتىڭ) ءبىر پىشىمدەگى ءبىر ەلەكتروندىق فايلعا جاڭعىرتادى (سكانەرلەيدى).
30. قازاقستان رەسپۋبليكاسى ۇلتتىق ەكونوميكا مينيسترلىگىنىڭ (بۇدان ءارى – مينيسترلىك) باسشىلىعىمەن بۇرىشتاما جازىلعان سىرتقى كىرىس قۇجاتتارى قۇجاتتامالىق قامتاماسىز ەتۋ قىزمەتىنە تۇسپەستەن, ەلەكتروندى قۇجاتاينالىمىنىڭ بىرىڭعاي جۇيەسى (بۇدان ءارى – ەقابج) ارقىلى كوميتەت باسشىلىعىنىڭ اۆتوماتتاندىرىلعان جۇمىس ورنىنا تۇسەدى.
31. قۇپيا حات-حابارلار تەك مەملەكەتتىك قۇپيالاردى قورعاۋ جونىندەگى بولىمشەدە وڭدەلەدى.
32.بۇدان ءارى تىركەلەتىن قۇجاتتار باقىلاۋعا قويىلادى جانە كەلەسى ۇلگىدە تاراتىلادى:
1) كوميتەت توراعاسىنا نۇسقاۋلار جانە تاپسىرمالار بەرۋ ءۇشىن قاراۋعا: قازاقستان رەسپۋبليكاسى پرەزيدەنتىنىڭ, قازاقستان رەسپۋبليكاسى ۇكىمەتىنىڭ تاپسىرمالارى, قازاقستان رەسپۋبليكاسى پارلامەنتى سەناتىنىڭ جانە ءماجىلىسىنىڭ حاتتارى, دەپۋتاتتىق ساۋالدار, مەملەكەتتىك حاتشىنىڭ, پرەزيدەنت اكىمشىلىگى باسشىسىنىڭ, جوعارعى سوت توراعاسىنىڭ, رەسپۋبليكالىق بيۋدجەتتىڭ ورىندالۋىن باقىلاۋ جونىندەگى ەسەپ كوميتەتى توراعاسىنىڭ, باس پروكۋروردىڭ, كونستيتۋتسيالىق كەڭەس توراعاسىنىڭ حاتتارى, توراعاعا جەكە جىبەرىلگەن حات-حابارلار, ونىڭ اتىنا قىزمەتتىك جازبالار جانە باسقا دا حات-حابارلار جىبەرىلەدى;
2) كوميتەت توراعاسىنىڭ ورىنباسارلارىنا نۇسقاۋلار, تاپسىرمالار بەرۋ جانە باقىلاۋ ءۇشىن قاراۋعا: تىكەلەي ولارعا جىبەرىلگەن حات-حابارلار جانە كوميتەت توراعاسىنىڭ جانە توراعا ورىنباسارلارىنىڭ اراسىنداعى مىندەتتەردىڭ بولىنۋىنە سايكەس ولاردىڭ جەتەكشىلىك ەتەتىن ماسەلەلەرى بويىنشا حات-حابارلار جىبەرىلەدى.
شۇعىل حات-حاباردىڭ كوشىرمەسى كەلىپ تۇسكەن قۇجاتتا قوزعالاتىن ماسەلەلەر قۇزىرەتىنە كىرەتىن قۇرىلىمدىق بولىمشەنىڭ باسشىسىنا ءبىر مەزگىلدە جولدانادى.
حاتتاردى ءبىر قۇرىلىمدىق بولىمشەدەن باسقاسىنا قۇجاتتامالىق قامتاماسىز ەتۋ قىزمەتىنە كىرمەي, ەسەپكە الۋ كارتوچكاسىنا بەلگىلەمەي جىبەرۋگە قاتاڭ تىيىم سالىنادى.
33. باسشىلىق توراعا نەمەسە ونىڭ ورىنباسارلارىنا تىكەلەي جىبەرىلگەن حات-حابارلاردى قوسپاعاندا, تىركەۋدەن وتپەگەن حات-حابارلاردى قابىلدامايدى. مۇنىڭ وزىندە توراعا جانە ونىڭ ورىنباسارلارى تىكەلەي قابىلداعان حات-حابارلار دەرەۋ قۇجاتتامالىق قامتاماسىز ەتۋ قىزمەتىنە تىركەۋگە جىبەرىلەدى.
كوميتەتتىڭ باسشىلىعى كىرىس حات-حابارلارىن ولارعا كەلىپ تۇسكەن كۇنى, ال شۇعىلىن – دەرەۋ قارايدى. قاراۋ ناتيجەلەرى بويىنشا ولارعا بۇرىشتاما تۇرىندە رەسىمدەلەتىن ءتيىستى تاپسىرمالار بەرىلەدى.
كوميتەتتىڭ باسشىلىعى قاراعان كىرىس حات-حابارلارى قۇجاتتامالىق قامتاماسىز ەتۋ قىزمەتىنە رەسىمدەۋ جانە ورىنداۋشىعا (ورىنداۋشىلارعا) ودان ءارى بەرۋ ءۇشىن كوميتەت باسشىلىعىنىڭبۇرىشتاماسىنا سايكەس جىبەرىلەدى.
بۇرىشتامالاردى رەسىمدەۋ كەزىندە قۇزىرەتىنە بايلانىستى كوميتەتتىڭ قۇرىلىمدىق بولىمشەسى كەلىپ تۇسكەن قۇجاتقا جاۋاپتى بولىپ ايقىندالادى.
قۇجاتتىڭ تۇپنۇسقاسى كوميتەت باسشىلىعىنىڭ بۇرىشتاماسىندا جاۋاپتى ورىنداۋشى رەتىندە ايقىندالعان ورىنداۋشىعا جىبەرىلەدى ء(تىزىم بويىنشا ءبىرىنشى نەمەسە قۇرىلىمدىق بولىمشە اتاۋىنىڭجانىندا «(جيناقتاۋ)» بەلگىسى تۇرعان).
34. كوميتەتتىڭ سۇراۋىنا «ەلەكتروندى قۇجات» بەلگىسى بار ەقابج ارقىلى كەلىپ تۇسكەن قۇجاتتار, سونداي-اق بىرلەسىپ ورىنداۋشى مەملەكەتتىك ورگانداردان كەلىپ تۇسەتىن تاپسىرمالارعا حاتتار تىركەلەدى جانە قۇرىلىمدىق بولىمشەلەرگە قاعاز تاسىعىشتا قايتالاۋسىز ەلەكتروندى تۇردە عانا جولدانادى.
35. قۇجاتتامالىق قامتاماسىز ەتۋ قىزمەتى حات-حابارلاردى تىركەۋدى جانە ادرەساتتارعا جەتكىزۋدى جۇمىس كۇنى ىشىندە, ال شۇعىلىن – دەرەۋ (كەزەكتەن تىس تارتىپتە) جۇزەگە اسىرادى.
36. ورىندالۋى بىرنەشە قۇرىلىمدىق بولىمشەلەرگە جۇكتەلگەن ەلەكتروندىق قۇجاتتىڭ كوشىرمەلەرى بارلىق ورىنداۋشىلارعا ءبىر مەزگىلدە جىبەرىلەدى.
37. ىشكى قۇجاتاينالىمى ەقابج-دا تەك «قىزمەت بابىندا پايدالانۋ ءۇشىن» بەلگىسى بار قۇجاتتاردان باسقا ەلەكتروندى تۇردە بلانكتەردىڭ ەلەكتروندى ۇلگىلەرىن پايدالانۋسىز قاتاڭ تۇردە مەملەكەتتىك تىلدە جۇزەگە اسىرىلادى.
38. شىعىس حات-حابارلارىن دايىنداۋ, كەلىسۋ جانە رەسىمدەۋ «ءتىل تۋرالى», «اكىمشىلىك راسىمدەر تۋرالى»,«وتىنىشتەردى قاراۋ تۋرالى» زاڭدارعا, قازاقستان رەسپۋبليكاسى ۇكىمەتىنىڭ 2002 جىلعى 10 جەلتوقسانداعى № 1300 قاۋلىسىمەن بەكىتىلگەن قازاقستان رەسپۋبليكاسى ۇكىمەتىنىڭ رەگلامەنتىنە (بۇدان ءارى – ۇكىمەت رەگلامەنتى), قازاقستان رەسپۋبليكاسى پرەزيدەنتىنىڭ اكىمشىلىگىندەگى جانە قازاقستان رەسپۋبليكاسى پرەمەر-ءمينيسترىنىڭ كەڭسەسىندەگى ءىس جۇرگىزۋ جونىندەگى نۇسقاۋلىقتارعا, قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 5 قاراشاداعى № 69 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9926 بولىپ تىركەلگەن) قازاقستان رەسپۋبليكاسى ۇلتتىق ەكونوميكا مينيسترلىگىنىڭ رەگلامەنتىنە (بۇدان ءارى – مينيسترلىك رەگلامەنتى) جانە وسى رەگلامەنتكە سايكەس جۇزەگە اسىرىلادى.
39. مەملەكەتتىك ورگاندارعا جىبەرىلەتىن شىعىس حات-حابارلارى (ونىڭ ىشىندە ەلەكتروندىق قۇجات فورماتىندا), حالىقارالىق ورگاندار مەن ۇيىمدارعا نەمەسە حالىقارالىق ورگاندار مەن ۇيىمدار قىزمەتىنىڭ ماسەلەلەرى بويىنشا جىبەرىلەتىن قۇجاتتاردى قوسپاعاندا, ەلتاڭبالىق بلانكىدە مەملەكەتتىك تىلدە رەسىمدەلەدى (قاجەت بولعان جاعدايدا قول قويىلعان ورىس تىلىندەگى نۇسقاسى بلانكىسىز قوسا بەرىلەدى)
40. كوميتەتتىڭ قىزمەتكەرلەرى قۇجاتتىڭ دەرەكتەمەلەرىن رەسىمدەۋ, ادرەساتتى كورسەتۋ, سونىڭ ىشىندە قازاقستان رەسپۋبليكاسى پرەزيدەنتىنىڭ اكىمشىلىگىنە, قازاقستان رەسپۋبليكاسىنىڭ پارلامەنتىنە جانە قازاقستان رەسپۋبليكاسى پرەمەر-ءمينيسترىنىڭ كەڭسەسىنە جىبەرىلەتىن باقىلاۋداعى قۇجاتتار جانە ساۋالدارعا جاۋاپتار بويىنشا جولداناتىن شىعىس حات-حابارلاردىڭ ەلەكتروندى نۇسقاسىنىڭ دۇرىستىعى مەن تولىقتىعىن قامتاماسىز ەتەدى.
شىعىس حات-حابارلارى, نورماتيۆتىك قۇقىقتىق اكتىلەردىڭ جوبالارىن قوسا العاندا, قازاقستان رەسپۋبليكاسى پرەزيدەنتىنىڭ اكىمشىلىگىنە, قازاقستان رەسپۋبليكاسىنىڭ پارلامەنتى مەن قازاقستان رەسپۋبليكاسى پرەمەر-ءمينيسترىنىڭ كەڭسەسىنە جىبەرمەس بۇرىن ولاردا تاپسىرمالارعا سىلتەمەلەردىڭ بولۋى جانە دۇرىس رەسىمدەلۋى, ونىڭ ىشىندە ءىس-شارالار مەن ولاردى بەكىتۋ تۋرالى اكتىلەر جوبالارىنىڭ سايكەستىگى تۇرعىسىنان قۇجاتتامالىق قامتاماسىز ەتۋ قىزمەتىمەن كەلىسۋگە جاتادى.
41. مينيسترلىك باسشىلىعىنىڭ اتىنا شىعىس حات-حابارلار كوميتەت توراعاسىنىڭ نەمەسە ونى اۋىستىراتىن تۇلعانىڭ قولىمەن جولدانادى.
42. قازاقستان رەسپۋبليكاسى پرەزيدەنتى اكىمشىلىگىنە, قازاقستان رەسۋپۋبليكاسىنىڭ پرەمەر-ءمينيسترى كەڭسەسىنە, قازاقستان رەسپۋبليكاسى پارلامەنتىنە, باسقا مەملەكەتتەردىڭ باسشىلارىنا مينيسترلىكتىڭ بلانكىسىندە دايىندالادى جانە جولدانادى جانە ەكى دانادا ءمينيستردىڭ نەمەسە ونى اۋىستىراتىن تۇلعانىڭ (ول بولماعاندا – ءتيىستى مىندەتتەردىڭ وعان جۇكتەلۋى تۋرالى بۇيرىقتىڭ كوشىرمەسىن قوسا بەرۋمەن ونى اۋىستىراتىن تۇلعانىڭ) قولى قويىلادى. ەكىنشى داناسىندا ورىنداۋشىنىڭ, ءتيىستى قۇرىلىمدىق بولىمشە باسشىسىنىڭ, جەتەكشىلىك ەتەتىن توراعا ورىنباسارىنىڭ, كوميتەت توراعاسىنىڭ, مينيسترلىكتىڭ جەتەكشىلىك ەتەتىن ۆيتسە-ءمينيسترىنىڭ قولدارى قويىلادى. كورسەتىلگەن شىعىس قۇجاتتار بەلگىلەنگەن تارتىپتە قاعاز تاسىعىشتا جانە ەقابج پايدالانۋمەن ەلەكتروندىق قۇجاتتار فورماتىندا جولدانادى.
43.مينيسترلىكتىڭ ساۋالدارىنا جاۋاپتارعا, سونداي-اق مينيسترلىكتىڭ دەپارتامەنتتەرىنە جانە كوميتەتتەرىنە جىبەرىلگەن, كوميتەت بىرلەسىپ ورىنداۋشى بولىپ تابىلاتىن قۇجاتتارعا كوميتەت توراعاسىنىڭ جانە توراعا ورىنباسارلارىنىڭ اراسىنداعى وكىلەتتىكتەردىڭ بولىنۋىنە سايكەس كوميتەت باسشىلىعىنىڭ قولى قويىلادى.
44. كوميتەتتىڭ قۇرىلىمدىق بولىمشەلەرى (مينيسترلىكتىڭ باقىلاۋداعى قۇجاتتارىنىڭ قوسا ورىنداۋشىلارى) مينيسترلىكتىڭ قۇرىلىمدىق بولىمشەسىنە (نەگىزگى ورىنداۋشىعا) كوميتەت توراعاسىنىڭ نەمەسە ونى اۋىستىرۋشى تۇلعانىڭ قولىمەن مىناداي مەرزىمدەردە جاۋاپ ۇسىنادى:
1) ءبىر ايلىق ورىنداۋ مەرزىمى بار قۇجاتتار بويىنشا نەگىزگى ورىنداۋشى ءۇشىن بەلگىلەنگەن مەرزىم اياقتالعانعا دەيىن 7 (جەتى) جۇمىس كۇنى بۇرىن;
2) 20 كۇندىك ورىنداۋ مەرزىمى بار قۇجاتتار بويىنشا – 7 (جەتى) جۇمىس كۇنى ىشىندە;
3) 10 (ون) كۇندىك ورىنداۋ مەرزىمى بار قۇجاتتار بويىنشا – 5 (بەس) جۇمىس كۇنى ىشىندە;
4) قازاقستان رەسپۋبليكاسى پرەمەر-ءمينيسترى وكىمدەرىنىڭ جوبالارى بويىنشا – 2 (ەكى) جۇمىس كۇنى ىشىندە;
5) ورىنداۋ مەرزىمى ءبىر كۇننەن بەس كۇنگە دەيىنگى باسقا شۇعىل قۇجاتتار بويىنشا – 1 ء(بىر) جۇمىس كۇنى ىشىندە نەمەسە دەرەۋ بەرەدى.
45. قۇجاتتامالىق قامتاماسىز ەتۋ قىزمەتى ورىنداۋشى كورسەتكەن مەكەنجايلارعا سايكەس شىعىس حات-حابارلارىنىڭ ۋاقتىلى جىبەرىلۋىن جۇزەگە اسىرادى.
6. نورماتيۆتىك قۇقىقتىق اكتىلەردىڭ جوبالارىن دايىنداۋ, رەسىمدەۋ جانە كەلىسۋ ءتارتىبى
46. كوميتەت ءوز قۇزىرەتى شەگىندە ازىرلەيتىن نورماتيۆتىك قۇقىقتىق اكتىلەردىڭ جوبالارىن (بۇدان ءارى – جوبالار) دايىنداۋدى «ءتىل تۋرالى», «نقا تۋرالى»زاڭداردىڭ, «قازاقستان رەسپۋبليكاسى پرەزيدەنتىنىڭ قازاقستان حالقىنا جولداۋىنىڭ جوباسىن دايىنداۋ, كەلىسۋ جانە قازاقستان رەسپۋبليكاسى پرەزيدەنتىنىڭ قاراۋىنا ۇسىنۋ, قازاقستان رەسپۋبليكاسى پرەزيدەنتىنىڭ اكتىلەرى مەن تاپسىرمالارىنىڭ جوبالارىن دايىنداۋ, كەلىسۋ, قول قويۋعا ۇسىنۋ, قازاقستان رەسپۋبليكاسى پرەزيدەنتىنىڭ قازاقستان حالقىنا جولداۋىن ىسكە اسىرۋ, قازاقستان رەسپۋبليكاسى پرەزيدەنتىنىڭ اكتىلەرى مەن تاپسىرمالارىنىڭ ورىندالۋىن باقىلاۋدى جۇزەگە اسىرۋ جانە قازاقستان رەسپۋبليكاسى پرەزيدەنتىنىڭ نورماتيۆتىك قۇقىقتىق جارلىقتارىنا مونيتورينگ جۇرگىزۋ قاعيدالارىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 27 ساۋىردەگى № 976 جارلىعىنىڭ (بۇدان ءارى – قازاقستان رەسپۋبليكاسى پرەزيدەنتىنىڭ 2010 جىلعى 27 ساۋىردەگى № 976 جارلىعى), ۇكىمەت رەگلامەنتىنىڭ, قازاقستان رەسپۋبليكاسى ۇكىمەتىنىڭ «نورما شىعارماشىلىعى قىزمەتىن جەتىلدىرۋ جونىندەگى شارالار تۋرالى» 2002 جىلعى 30 مامىرداعى № 598, «قازاقستان رەسپۋبليكاسىنىڭ ۋاكىلەتتى ورگاندارىندا زاڭ جوبالاۋ جۇمىستارىن ۇيىمداستىرۋ ەرەجەسىن بەكىتۋ تۋرالى» 2003 جىلعى 21 تامىزداعى № 840, «نورماتيۆتiك قۇقىقتىق اكتىلەردى رەسiمدەۋ جانە كەلiسۋ قاعيدالارىن بەكىتۋ تۋرالى» 2006 جىلعى 16 تامىزداعى № 773 (بۇدان ءارى – № 773 قاعيدالار), «نورماتيۆتiك قۇقىقتىق اكتىلەردى مەملەكەتتiك تiركەۋ قاعيدالارىن بەكiتۋ تۋرالى» 2006 جىلعى 17 تامىزداعى № 778 (بۇدان ءارى – №778 قاعيدالار)قاۋلىلارىنا جانە وسى رەگلامەنتتىڭ تالاپتارىنا سايكەس مەملەكەتتىك جانە ورىس تىلدەرىندە كوميتەتتىڭ ءتيىستى قۇرىلىمدىق بولىمشەلەرى جۇزەگە اسىرادى.
47. جوبانى بەلگىلەنگەن مەرزىمدەردە ساپالى ازىرلەۋدى كوميتەتتىڭ جوبانى ازىرلەگەن قۇرىلىمدىق بولىمشەسىنىڭ باسشىسى قامتاماسىز ەتەدى.
قازاق جانە ورىس تىلدەرىنىڭ تەڭ تۇپنۇسقالىلىعىن مەملەكەتتىك ءتىل قىزمەتى قامتاماسىز ەتەدى.
48. ازىرلەنگەن جوبالار نورمالارىنىڭ قولدانىلۋىن قامتاماسىز ەتۋ ءۇشىن, سونداي-اق بۇرىن قابىلدانعان اكتىلەرمەن قايشىلىقتاردى جويۋ ءۇشىن باسقا نورماتيۆتىك قۇقىقتىق اكتىلەرگە (كۇشى جويىلدى دەپ تانۋ) وزگەرىستەر مەن تولىقتىرۋلار ەنگىزۋ قاجەت بولسا, وزگەرىستەر مەن تولىقتىرۋلار ەنگىزۋ نەمەسە كۇشى جويىلدى دەپ تانۋ قاجەتتىگى تۋرالى انىقتاما-نەگىزدەمەنى قوسا بەرە وتىرىپ, نەگىزگى اكتىنىڭ جوباسىمەن ءبىر مەزگىلدە وزگەرىستەر مەن تولىقتىرۋلار ەنگىزۋ تۋرالى اكتىلەردىڭ (كۇشى جويىلدى دەپ تانۋ تۋرالى) جوبالارى دا ازىرلەنىپ, كەلىسۋگە ۇسىنىلادى.
49. كوميتەتتىڭ قۇرىلىمدىق بولىمشەلەرى ازىرلەگەن نورماتيۆتىك قۇقىقتىق اكتىلەردىڭ جوبالارى قۇزىرەتىن قوزعايتىن قۇرىلىمدىق بولىمشەلەرگە جانە قۇرىلىمدىق بولىمشە باسشىسىنىڭ ىلەسپە حاتىمەن قۇقىقتىق قامتاماسىز ەتۋ باسقارماسىنا كەلىسۋگە ۇسىنىلادى.
50. قۇرىلىمدىق بولىمشەلەر ازىرلەگەن نورماتيۆتىك قۇقىقتىق اكتىلەر جوبالارىن كەلىسۋ مەرزىمى 10 (ون) جۇمىس كۇنىنەن اسپايدى.
كەلىسۋشى قۇرىلىمدىق بولىمشەنىڭ باسشىلىعىنىڭ شەشىمى بويىنشا جۇمىس تارتىبىندە نورماتيۆتىك قۇقىقتىق اكتىنىڭ جوباسىن پىسىقتاۋعا جول بەرىلەدى, بۇل تۋرالى قۇرىلىمدىق بولىمشەنىڭ بۇرىن ۇسىنىلعان ىلەسپە حاتىندا اتاپ وتىلەدى (ت.ا.ءا. (بار بولسا), كۇنى,العانى تۋرالى قولى).
قۇقىقتىق قامتاماسىز ەتۋ باسقارماسىنىڭ باسشىسىبارلىق مۇددەلى قۇرىلىمدىق بولىمشەلەرمەن مەملەكەتتىك ءتىل قىزمەتى كەلىسكەننەن كەيىنكەلىسۋ پاراعىنا قول قويادى.
51. قۇقىقتىق قامتاماسىز ەتۋ باسقارماسى باسشىسىنىڭ قولى قويىلعاننان كەيىن جوبا ءتيىستى ماسەلەلەرگە جەتەكشىلىك ەتەتىن توراعا ورىنباسارىنا كەلىسۋگە جانە قول قويۋعا ۇسىنىلادى. جەتەكشىلىك ەتەتىن توراعا ورىنباسارىنىڭ قولى قويىلعان جوبا توراعاعا كەلىسۋگە ۇسىنىلادى.
توراعا بەكىتەتىن نورماتيۆتىك قۇقىقتىق اكتىلەردەن باسقا توراعامەن كەلىسىلگەن نورماتيۆتىك قۇقىقتىق اكتىنىڭ جوباسى قاجەتتىلىگىنە قاراي مينيسترلىككە كەلىسۋگە جولدانادى.
مينيسترلىكتە نورماتيۆتىك قۇقىقتىق اكتى جوباسىن كەلىسۋ مينيسترلىك رەگلامەنتىندە كوزدەلگەن تارتىپپەن جۇزەگە اسىرىلادى.
52. جوبانى مينيسترلىكپەن كەلىسكەننەن كەيىن ازىرلەۋشى قۇرىلىمدىق بولىمشە بەلگىلەنگەن تارتىپپەن مەملەكەتتىك ورگانداردىڭ ينترانەت-پورتالىندا (بۇدان ءارى – مو يپ) زاڭ قىزمەتى باسشىسىنىڭ (نە ونىڭ مىندەتىن اتقارۋشى ادامنىڭ) جانە مەملەكەتتىك ورگان باسشىسىنىڭ مەملەكەتتىك ورگانداردىڭ كۋالاندىرۋشى ورتالىعىنىڭ ەلەكتروندىق تسيفرلىق قولتاڭباسىن (بۇدان ءارى – ەتسق) قولدانا وتىرىپ كۋالاندىرىلعان ەلەكتروندىق قۇجاتتار نىسانىنداعى قاۋلى (وكىم) جوباسىن, وعان تۇسىندىرمە جازبانى جانە باسقا دا قاجەتتى قۇجاتتاردى ورنالاستىرادى جانە مو يپ ارقىلى ءتيىستى مەملەكەتتىك ورگاندارعا كەلىسۋگە جىبەرەدى, ال ۇيىمدارعا قازاقستان رەسپۋبليكاسى ۇكىمەتىنىڭ 2004 جىلعى 17 ساۋىردەگى № 430 قاۋلىسىمەن بەكىتىلگەن ەلەكتروندىق قۇجات اينالىمى ەرەجەسىندە بەلگىلەنگەن تارتىپپەن راستالعان ەلەكتروندىق قۇجاتتىڭ قاعاز كوشىرمەسىن كەلىسۋگە جىبەرەدى.
بۇل رەتتە مو يپ-دا كەلىسۋ كەزەڭدەرىنە ورىنداۋشى, نورماتيۆتىك قۇقىقتىق اكتىنىڭ جوباسىن ازىرلەۋشى باسقارمانىڭ باسشىسى (باسقارما باسشىسى بولماعان جاعدايدا ونىڭ مىندەتتەرىن اتقارۋشى تۇلعا), سونداي-اق كوميتەت پەن مينيسترلىكتىڭ كەلىسۋشى قۇرىلىمدىق بولىمشەلەرى قوسىلادى.
53. قاۋلىلار مەن وكىمدەردىڭ جوبالارى مۇددەلى مەملەكەتتىك ورگاندارمەن ولاردىڭ زاڭنامادا بەلگىلەنگەن قۇزىرەتىنە وراي مو يپ-تا ەلەكتروندىق قۇجاتتار نىسانىندا كەلىسىلەدى, بۇل رەتتە جوبانى كەلىسۋدەگى مۇنداي مۇددەلىلىك جوبادا قارالاتىن ماسەلەلەردىڭ ءمانىن نەگىزگە الا وتىرىپ, سونداي-اق جوبادا مەملەكەتتىك ورگانداردىڭ نەمەسە ولاردىڭ باسشىلارىنىڭ اتىنا تاپسىرمالار بولعان كەزدە بەلگىلەنەدى.
قۇجاتتىڭ قاعاز كوشىرمەسى كەلىسۋگە جانە (نەمەسە) عىلىمي ۇيىمدارعا عىلىمي ساراپتاما جۇرگىزۋ ءۇشىن جىبەرىلەدى.
54. ازىرلەۋشى قۇرىلىمدىق بولىمشە قاۋلى جوباسىن مينيسترلىككە جانە مۇددەلى مەملەكەتتىك ورگاندارعا كەلىسۋگە جىبەرە وتىرىپ, ءبىر مەزگىلدە مينيسترلىكتىڭ ينتەرنەت-رەسۋرسىندا كادرلىق جانە ۇيىمداستىرۋشىلىق ماسەلەلەردى قامتيتىن, سونداي-اق مەملەكەتتىك قۇپيالاردى جانە (نەمەسە) «قىزمەت بابىندا پايدالانۋ ءۇشىن» دەگەن بەلگىسى بار تارالۋى شەكتەۋلى قىزمەتتىك اقپاراتتى قامتيتىن قاۋلى جوبالارىن قوسپاعاندا, جوبانى, تۇسىندىرمە جازبانى جانە وعان باسقا قاجەتتى قۇجاتتاردى ۇكىمەت رەگلامەنتىنىڭ 50-تارماعىنىڭ تالاپتارىن ەسكەرە وتىرىپ, ونىڭ ىشىندە قازاقستان رەسپۋبليكاسىنىڭ حالىقارالىق شارتتارىن جاساسۋ, ورىنداۋ, وزگەرتۋ جانە توقتاتۋ ماسەلەلەرى بويىنشا مەملەكەتتىك جانە ورىس تىلدەرىندە ورنالاستىرادى. قاۋلى جوباسىن مەملەكەتتىك ورگاننىڭ ينتەرنەت-رەسۋرسىندا (ۆەب-سايتتا, ينترانەت-پورتالدا نەمەسە باسقا اقپاراتتىق جۇيەدە) ورنالاستىرۋ تۋرالى رۇقسات ء(نومىرى جانە ۋاقىتى) جانە اقپارات (ارقايسىسىنداعى بايتتار سانىن كورسەتە وتىرىپ, شىعارىلعان فايلدار اتاۋى) قاۋلى جوباسىنا تۇسىندىرمە جازبادا كورسەتىلەدى.
55. ازىرلەۋشى قۇرىلىمدىق بولىمشە جەكە كاسىپكەرلىك سۋبەكتىلەرىنىڭ مۇددەلەرىن قوزعايتىن نورماتيۆتىك قۇقىقتىق اكتىلەردىڭ جوبالارىن قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنا جانە جەكە كاسىپكەرلىك سۋبەكتىلەرىنىڭ اكرەديتتەلگەن بىرلەستىكتەرىنە ساراپتامالىق قورىتىندى الۋ ءۇشىن جولدايدى. قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ جانەكاسىپكەرلىك سۋبەكتىلەرىنىڭ اكرەديتتەلگەن بىرلەستىكتەرىنىڭ قورىتىندىلارى ۇسىنىمدىق سيپاتتا بولادى جانە قاۋلى جوباسىنىڭ قابىلدانۋىنا دەيىن وعان مىندەتتى قوسىمشا بولىپ تابىلادى.
56.ازىرلەۋشى قۇرىلىمدىق بولىمشە قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ, جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرىنىڭ ساراپتامالىق قورىتىندىلارى كەلىپ تۇسكەن كۇننەن باستاپ 7 (جەتى) جۇمىس كۇنى ىشىندە ولاردى مينيسترلىكتىڭ جانە/نەمەسە كوميتەتتىڭ ينتەرنەت-رەسۋرسىندا ورنالاستىرادى.
ساراپتامالىق قورىتىندىمەن كەلىسپەگەن جاعدايدا ازىرلەۋشى ءبىر مەزگىلدە:
مينيسترلىكتىڭ جانە/نەمەسە كوميتەتتىڭ ينتەرنەت-رەسۋرسىندا قابىلداماۋ سەبەپتەرىنىڭ دالەلدەنگەن نەگىزدەمەسىن ورنالاستىرادى;
قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنا, جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرىنە كەلىسپەۋ سەبەپتەرىنىڭ نەگىزدەمەسى بار جاۋاپتى جولدايدى. نەگىزدەمەسى بار مۇنداي جاۋاپتار نورماتيۆتىك قۇقىقتىق اكتىنى قابىلداعانعا دەيىن ولاردىڭ جوباسىنا مىندەتتى قوسىمشا بولىپ تابىلادى.
ساراپتامالىق قورىتىندىمەن كەلiسپەگەن جاعدايدا, iلەسپە حاتتا ساراپتامالىق قورىتىندىمەن كەلiسپەۋ سەبەپتەرiنە دالەلدi نەگiزدەمە كەلتiرەدi.
57.كادرلىق (مەملەكەتتىك ورگانداردىڭ لاۋازىمدى تۇلعالارىن تاعايىنداۋ جانە بوساتۋ, سونداي-اق جۇمىس توپتارىن, كوميسسيالاردى قۇرۋ بولىگىندە) جانە ۇيىمداستىرۋشىلىق سيپاتتاعىلاردى قوسپاعاندا, پرەزيدەنت اكتىلەرىنىڭ, زاڭداردىڭ, قاۋلىلاردىڭ (وكىمدەردىڭ) جوبالارى بارلىق مۇددەلى مەملەكەتتىك ورگاندارمەن كەلىسىلگەننەن كەيىن ادىلەت, قارجى مينيسترلىكتەرىمەن مىندەتتى كەلىسۋگە جاتادى.
58. قازاقستان رەسپۋبليكاسىنىڭ حالىقارالىق شارتتارىن جاساسۋ, ورىنداۋ, وزگەرتۋ جانە توقتاتۋ ماسەلەلەرى بويىنشا جوبالار مۇددەلى مەملەكەتتىك ورگانداردىڭ قۇزىرەتىنە جاتاتىن ماسەلەلەر بويىنشا مو يپ ارقىلى ولارمەن كەلىسىلگەننەن كەيىن قازاقستان رەسپۋبليكاسى ادىلەت مينيسترلىگىندەگى(بۇدان ءارى – قر ءام) زاڭدىق ساراپتاماعا جاتادى.
59. نورماتيۆتىك قۇقىقتىق اكتىلەردى ۋاقتىلى جانە ساپالى ازىرلەۋ, قر ءام-نە قابىلدانعان زاڭنامالىق اكتىلەردى ىسكە اسىرۋ تۋرالى اقپاراتتى بەرۋ ماقساتىندا كوميتەتتىڭ قۇرىلىمدىق بولىمشەلەرى (نورماتيۆتىك قۇقىقتىق اكتىلەردىڭ جوبالارىن ازىرلەۋشىلەر) قۇقىقتىق قامتاماسىز ەتۋ باسقارماسىناقر ءام-ءنىڭ ەسكەرتۋلەرىن قوسا بەرە وتىرىپ, نورما شىعارماشىلىعى قىزمەتىنىڭ ورىندالۋ بارىسى تۋرالى اي سايىنعى اقپاراتتى (ەسەپتى كەزەڭنىڭ 25-كۇنىنە دەيىن) ۇسىنادى.
قۇقىقتىق قامتاماسىز ەتۋ باسقارماسى بەلگىلەنگەن مەرزىمدە مينيسترلىككە نورما شىعارماشىلىعى قىزمەتىنىڭ ورىندالۋ بارىسى تۋرالى اقپاراتتى ۇسىنادى.
60. كوميتەت بەكىتكەن كەستەگە سايكەس قازاقستان رەسپۋبليكاسىنىڭ زاڭناماسىنا قايشى كەلەتىن جانە ەسكىرگەن قۇقىق نورمالارىن انىقتاۋ, ولاردىڭ ىسكە اسىرىلۋ تيىمدىلىگىن باعالاۋ جانە ولارعا وزگەرىستەر جانە (نەمەسە) تولىقتىرۋلار ەنگىزۋ نەمەسە ولاردىڭ كۇشى جويىلدى دەپ تانۋ بويىنشا ۋاقتىلى شارالاردى قابىلداۋ ماقساتىندا كوميتەتتە قازاقستان رەسپۋبليكاسى پرەزيدەنتىنىڭ 2010 جىلعى 27 ساۋىردەگى № 976 جارلىعىنا سايكەس قازاقستان رەسپۋبليكاسى پرەزيدەنتىنىڭ نورماتيۆتىك قۇقىقتىق جارلىقتارىنا جانە قازاقستان رەسپۋبليكاسى ۇكىمەتىنىڭ 2011 جىلعى 25 تامىزداعى № 964 قاۋلىسىمەن بەكىتىلگەن نورماتيۆتىك قۇقىقتىق اكتىلەرگە قۇقىقتىق مونيتورينگ جۇرگىزۋ قاعيدالارىنا سايكەس نورماتيۆتىك قۇقىقتىق اكتىلەرگە مونيتورينگ جۇرگىزىلەدى.
اقپارات بەلگىلەنگەن مەرزىمدەردە مينيسترلىكتىڭ زاڭ قىزمەتىنە جولدانادى.
61. كوميتەتكە كەلىسۋگە كەلىپ تۇسكەن جوبالاردى قۇجاتتامالىق قامتاماسىز ەتۋ قىزمەتى مىندەتتەردى بولۋگە سايكەس كوميتەت باسشىلىعىنىڭ قاراۋىنا جىبەرەدى, ولار جوبالاردى جىبەرۋ ءۇشىن جوبانىڭ وتۋىنە جاۋاپتى قۇرىلىمدىق بولىمشەنى جانە ولاردىڭ قۇزىرەتىنە قاراي كوميتەتتىڭ مۇددەلى قۇرىلىمدىق بولىمشەلەرىن ايقىندايدى. قازاقستان رەسپۋبليكاسى ۇكىمەتى قاۋلىلارىنىڭ, قازاقستان رەسپۋبليكاسى پرەمەر-ءمينيسترى وكىمدەرىنىڭ جوبالارىن, زاڭ جوبالارىن جوبالار جىبەرىلەتىن كوميتەتتىڭ قۇرىلىمدىق بولىمشەلەرى اراسىندا كەلىسۋ ەتسق-نى پايدالانا وتىرىپ مو يپ ارقىلى ەلەكتروندىق قۇجاتتار نىسانىندا جۇرگىزىلەدى.
62. كوميتەتتىڭ قۇرىلىمدىق بولىمشەلەرى, ەگەر كوميتەتتىڭ باسشىلىعى نەعۇرلىم قىسقا مەرزىمدەردى بەلگىلەمەسە, جوبا كەلىسۋگە كەلىپ تۇسكەن كۇننەن باستاپ 5 (بەس) جۇمىس كۇنىنەن اسپايتىن مەرزىمدە جوبانى قارايدى جانە جوبانىڭ وتۋىنە جاۋاپتى قۇرىلىمدىق بولىمشەگە ءوز قورىتىندىلارىن ۇسىنادى, ونىڭ باسشىسى جوبانىڭ تىكەلەي ورىنداۋشىسىن ايقىندايدى.
جوبالاردى قاراۋدىڭ جالپى مەرزىمى ۇكىمەتتىڭ رەگلامەنتىمەن جانە نورما شىعارۋ قىزمەتى سالاسىنداعى وزگە دە نورماتيۆتىك قۇقىقتىق اكتىلەرمەن, سونداي-اق جوعارى تۇرعان مەملەكەتتىك ورگاندار مەن لاۋازىمدى تۇلعالاردىڭ تاپسىرمالارىمەن ايقىندالادى.
جاۋاپتى قۇرىلىمدىق بولىمشەنىڭ ورىنداۋشىسى مۇددەلى بولىمشەلەردىڭ پىكىرلەرىن قورىتىندىلايدى جانە مينيسترلىكتىڭ جاۋاپتى قۇرىلىمدىق بولىمشەسىنە نەمەسە ازىرلەۋشى ورگانعا جوبانىڭ وتۋىنە جاۋاپتى قۇرىلىمدىق بولىمشەنىڭ, قۇقىقتىق قامتاماسىز ەتۋ باسقارماسىنىڭ باسشىسىنىڭ, مۇددەلى بولىمشەلەر باسشىلارىنىڭ, مىندەتتەردى بولۋگە سايكەس كوميتەت باسشىلىعىنىڭ بۇرىشتاما قولى قويىلاتىن جاۋاپ جوباسىن دايىندايدى.
63. جوبانى ەسكەرتۋلەرسىز كەلىسۋ مۇمكىندىگى (بۇرىشتاما قول قويۋ) تۋرالى قورىتىندى دايىندالعان جاعدايدا, قازاقستان رەسپۋبليكاسى ۇكىمەتىنىڭ قاۋلىلارىن, قازاقستان رەسپۋبليكاسى پرەمەر-ءمينيسترى وكىمدەرىن, زاڭ جوبالارىن قوسپاعاندا, ازىرلەۋشى ورگان جۇمىس تارتىبىمەن كوميتەتتىڭ قۇرىلىمدىق بولىمشەسى باسشىسىنىڭ شەشىمى بويىنشا جوبانىڭ تۇپنۇسقاسىن قول قويۋعا ۇسىنادى, بۇل تۋرالى بۇرىن ۇسىنىلعان ىلەسپە حاتتا بەلگى (ت.ا.ءا. (بار بولسا), كۇنى, العانى تۋرالى قولى) قويىلادى.
جوبانى كەلىسۋ (بۇرىشتاما قول قويۋ) مۇمكىندىگى تۋرالى قورىتىندىعا كوميتەتتە جوبانىڭ وتۋىنە جاۋاپتى بولىمشەنىڭ باسشىسى قول قويادى جانە 2 (ەكى) جۇمىس كۇنىنەن اسپايتىن مەرزىمدە مۇددەلى بولىمشەلەردىڭ باسشىلارى, مىندەتتەردى بولۋگە سايكەس كوميتەتتىڭ باسشىلىعى قول قويادى.
قازاقستان رەسپۋبليكاسى ۇكىمەتى قاۋلىلارىنىڭ, قازاقستان رەسپۋبليكاسى پرەمەر-ءمينيسترى وكىمدەرىنىڭ جوبالارىن مو يپ-تا ەسكەرتۋلەرسىز زاڭ جوبالارىن كەلىسۋ جاعدايىندا ازىرلەۋشى ورگان ەلەكتروندىق قۇجاتتىڭ قاعاز كوشىرمەسى تۇرىندە جوبانىڭ تۇپنۇسقاسىن مينيسترلىكتىڭ باسشىسىنا بۇرىشتاما قول قويۋعا ۇسىنادى.
64. قاۋلىلاردىڭ (وكىمدەردىڭ) جوبالارىن قاراۋ جانە كەلىسۋ ولاردىڭ كەلىپ تۇسكەن كۇنىنەن باستاپ مىناداي مەرزىمدەردەن اسپايدى:
1) ۇكىمەت رەگلامەنتىندە كوزدەلگەن جاعدايلاردى قوسپاعاندا, قاۋلىلاردىڭ جوبالارى, ونىڭ ىشىندە پرەزيدەنتتىڭ جانە قازاقستان رەسپۋبليكاسى پارلامەنتىنىڭ قاراۋىنا ەنگىزۋ تۋرالى تيىسىنشە پرەزيدەنت اكتىلەرىنىڭ جوبالارى مەن زاڭ جوبالارى – 10 (ون) جۇمىس كۇنى;
2) وسى تارماقتىڭ 4) تارماقشاسىندا كورسەتىلگەندەردى قوسپاعاندا, قازاقستان رەسپۋبليكاسى پرەمەر-ءمينيسترى وكىمدەرىنىڭ جوبالارى – 5 (بەس) جۇمىس كۇنى;
3) تابيعي جانە تەحنوگەندىك سيپاتتاعى توتەنشە جاعدايلاردى جويۋ, سونداي-اق گۋمانيتارلىق كومەك ماسەلەلەرى بويىنشا قاۋلىلار مەن وكىمدەردىڭ جوبالارى – 3 ء(ۇش) جۇمىس كۇنى;
4) رەسمي ساپارلارعا قاتىستى قازاقستان رەسپۋبليكاسى پرەمەر-ءمينيسترى وكىمدەرىنىڭ جوبالارى – 1 ء(بىر) جۇمىس كۇنى ىشىندە;
5) كودەكستەردىڭ جوبالارى: باستاپقى تۇسكەن كەزدە – 20 (جيىرما) جۇمىس كۇنى ىشىندە, قايتا تۇسكەن كەزدە – 10 (ون) جۇمىس كۇنى ىشىندە;
6) قارىز تۋرالى حالىقارالىق شارتتاردى راتيفيكاتسيالاۋ جانە ولاردىڭ كۇشىن جويۋ تۋرالى زاڭ جوبالارىن قازاقستان رەسپۋبليكاسى پارلامەنتىنىڭ قاراۋىنا ەنگىزۋ تۋرالى قاۋلىلاردىڭ جوبالارى – 5 (بەس) جۇمىس كۇنى.
65. ازىرلەۋشى تولىعىمەن كەلىسەتىن كوميتەتتىڭ ەسكەرتۋلەرى بولعان كەزدە جوبا قازاقستان رەسپۋبليكاسى ۇكىمەتى قاۋلىلارىنىڭ, قازاقستان رەسپۋبليكاسى پرەمەر-ءمينيسترى وكىمدەرىنىڭ جوبالارىن, زاڭ جوبالارىن قوسپاعاندا, نەگىزگى ورىنداۋشى ارقىلى پىسىقتاۋ ءۇشىن قايتارىلادى, بۇل تۋرالى ازىرلەۋشى مەملەكەتتىك ورگاننىڭ بۇرىن ۇسىنىلعان ىلەسپە حاتىندا بەلگى (ت.ا.ءا. (بار بولسا), كۇنى, العانى تۋرالى قولى) قويىلادى. جوبانى پىسىقتاۋ مەرزىمى 10 (ون) جۇمىس كۇنىنەن اسپايدى. پىسىقتالۋىنا قاراي كوميتەت بار ەسكەرتۋلەردى جويعان جاعدايدا جوبانى كەلىسۋ (بۇرىشتاما قول قويۋ) مۇمكىندىگى تۋرالى قورىتىندىنى ءبىر مەزگىلدە دايىندايدى.
مو يپ-تا ازىرلەۋشى تولىعىمەن كەلىسەتىن كوميتەتتىڭ ەسكەرتۋلەرى بولعان كەزدە قازاقستان رەسپۋبليكاسى ۇكىمەتى قاۋلىسىنىڭ, قازاقستان رەسپۋبليكاسى پرەمەر-ءمينيسترى وكىمىنىڭ جوباسى, زاڭ جوباسى نەگىزگى ورىنداۋشى ارقىلى ازىرلەۋشى مەملەكەتتىك ورگانعا پىسىقتاۋ ءۇشىن قايتارىلادى. بۇل رەتتە ازىرلەۋشى مو يپ-تا قازاقستان رەسپۋبليكاسى ۇكىمەتى قاۋلىسىنىڭ, قازاقستان رەسپۋبليكاسى پرەمەر-ءمينيسترى وكىمى جوباسىنىڭ, زاڭ جوباسىنىڭ پىسىقتالعان نۇسقاسىن ورنالاستىرادى جانە مەملەكەتتىك ورگاندارعا قايتا كەلىسۋگە جولدايدى. بار ەسكەرتۋلەردى جويعان جاعدايدا كوميتەت مو يپ-تا كەلىسۋشى مەملەكەتتىك ورگان باسشىسىنىڭ ەتسق-مەن كۋالاندىرىلعان ەسكەرتۋلەرسىز كەلىسۋ تۋرالى بەلگى قويادى.
بۇرىن بولعان ەسكەرتۋلەردى ەسكەرە وتىرىپ پىسىقتالعان جوبا وسى تارماقتىڭ ءبىرىنشى بولىمىندە كوزدەلگەن مەرزىم ىشىندە ۇسىنىلماعان, سونداي-اق ءىشىنارا پىسىقتالعان جوبانى ۇسىنعان جاعدايلاردا, كوميتەت 2 (ەكى) جۇمىس كۇنى ىشىندە ازىرلەۋشى ورگانعا جولداۋ ءۇشىن نەگىزگى ورىنداۋشى ارقىلى ەسكەرتۋلەر جولدايدى.
66. قايتا كەلىسۋگە جىبەرىلگەن قازاقستان رەسپۋبليكاسى ۇكىمەتى قاۋلىلارىنىڭ, قازاقستان رەسپۋبليكاسى پرەمەر-ءمينيسترى وكىمدەرىنىڭ جوبالارىن, زاڭ جوبالارىن قاراۋ كەزىندە قوسىمشا (بۇرىن بەرىلمەگەن) ەسكەرتۋلەر مەن ۇسىنىستار بەرۋگە, وسىنداي ە